今日係星期4，一早起身同媽咪and家姐去沙田診所做身體檢查，由於果度都ok近我屋企，所以行過去；去到竟然好多人，要等好內，之後見到李俊樂and阿鬼，佢地都好似自己來，首先去度高，我比07年果陣高左10cm^^，真係高左好多；跟住又去睇眼，左眼睇到6行、右眼睇到7行，超級正常。之後李俊樂去左見醫生，只見佢個樣好怪，跟住到最可怕的事，雖然醫生話我全部正常，但係....醫生就要睇下發育情況.....跟住就咁，咩自尊都冇啦= =！

  之後去左禾 同舅母飲茶，行街，之後番來，佢地話悶，跟住我地打麻雀，我輸左好多啊！食完飯後，阿叔話打羽毛球，打到10點半走，真係好攰啊！

  今日係星期三，而且整個下午都好唔得閒，因為番左學校，有個學長訓練。1點45分去左AG02，去到比個Prefect叫左出黎跟大家介紹，真係幾驚訝；之後玩左幾個遊戲，然後就講解如果做一個好學長協助新中一生；

  到左5點，就進行第2Part活動，又玩左「以訛傳畫」+「隔山打牛」目的都係訓練一d溝通的技巧，都幾好玩。最後Preffect,Heidi分配我地的學員同講下新一年的野，而我的學員來自下年1E，仲有個係小學識嫁TIM，真係好啦！而9月1日在So Sir果班(1B)舉牌，唔知大家仲記唔記得入學果陣都有Prefect係咁的呢？

  今日係星期二，終於做曬功課啦！輕鬆左d...

之後睇多啦A夢咩迷宮，幾好睇，呢幾日都有；

跟住無無聊聊，玩下電腦+睇下書，

到左下午5點，媽咪帶我同家姐去左恆峰游水，

點知洗池，在果度會所睇下報紙，等到6點就去游。

 6點上水，d水唔係好凍，我今次游得唔錯啦，

不過還係未係好識吸氣，不過就游得幾快，

相信游多d就好快會熟識啦！

  今日係星期日，搞掂左一份讀書報告，之後就睇下奧運，今日係最後一日喇！下午睇左美國對西班牙的籃球決賽，當然最後都係美國贏，不過西班牙都打得好好，只係輸11分，認真唔錯！晚上去左阿叔屋企食飯，同阿妹玩，愈大愈cute^^，食完睇奧運閉幕禮，d人真係表演得好勁啊  今次北京奧運真係搞得好好，真係提升左唔少中國在國際的形象！

  今次奧運，中國奪得51金、21銀、28銅驕人成績，壓過美國成為北京奧運大贏家。

  因為颱風的關係，我地的軍訓提前一日完結，真係太好啦！因為真係好攰啊！

等我依家分享下呢3日2夜做左d咩啦！

19/8：我6點幾出門口，約左郭C俊在火車站等，番到學校上課室，因為等車來，跟住我地7點30分坐車到深圳過關，11點半到左軍校，見到d教官，個個教官都好似好惡咁...，之後去試衫，真係好鬆，如果冇皮帶真係唔知點好。之後食lunch，真係ok難食的，冇咩胃口，食完飯就番房休息，我當然訓覺啦！之間又要列隊訓練，2點半操到5點20分，跟住又食飯，晚上有個開幕儀式同學條令，見到流星啊，真係第一次見；10點鐘就訓覺，點知11點又要出去站崗，企到12點見可以訓，企到隻腳都痺曬。

20/8：呢日係軍訓的第2日，6點半集合，立即教軍體拳，我d汗流到隻腳，平日打波都冇咁勁；7點半先食早餐，之後又要列隊訓練，操到教官覺得我地ok先過去旁邊的户外活動，首先有得玩百米障礙賽，要10個人跳落個大「龍」，要合作上來，我第2個上到^^，然後去個又高又斜的平衡木上，我又係第2個到，不過真係好難啊！晚上去操場睇果d軍事片，悶到嘔啊！晚上唸住訓番個好覺，點知d教車係咁吹哨，以為做咩野，完來要行山，上到去真係好似夢遊咁，因為整日真係好攰；

21/8：今日係軍訓的第3日，朝早教曬d軍體半動作，然後操左一陣的列隊訓練，教官就帶我地去坐坦克，我地特登企後面，真係好激啊，好似玩過山車咁，搖得好勁，真係好好玩，係咁多活動以來最好玩的；食完午餐後，教官就話因為颱風要提早番香港，2點鐘有個結營儀式，同時要軍體拳表演，我地的表現都唔係咁好，我都到中間就唔係好記得喇！之後我地4點鐘就上車走啦！結束左3日2晚的軍訓營。