今日係星期六，7點半起左身，因為約左Brian、Anna、Candy去書展。我約左Anna在美林等，居然比佢早過我；跟住行落大圍，就見到佢地；我地一齊坐火車，在紅磡落，我去左增值，而且惡夢就開始，因為......果個Anna叫人行過尖東天星碼頭，係「紅磡去尖東」配合個太陽，簡直如萬里長征一樣...辛苦。佢就因為少果$2，就要我地陪佢受苦，我成身濕曬！坐完天星小輪去到會展之後，我地買左野食，跟住上去，冇咩人，首先睇Hall 1，睇到好多明星的書：阿嬌的《天使在人間》、台灣歌手的雜誌，多不勝數...跟住去我最中意的Hall2，因為有足球的攤位啊！我買左一疊球星咭，共２８張，有ＡＣ、巴塞、皇馬、車仔、祖雲達斯，賣＄２５，最後我仲買左ｄ文具咁...，跟住聽到d人叫Teresa，就知佢來左，為佢本寫真集簽名，我地都逼左入去，但因為太多人，好熱，所以最後都走番出來，不過連走都好難；佢仲送左一張前係皇馬、後係曼聯的ｐｏｓｔｅｒ比我；最後我仲買左ｄ文具咁...，2點鐘我同Brian走人先，因為我地番到去打籃球！

   今日係星期五，陽光普照，所以約左Dennis一早去顯田游水；我6點半起身，跟住一齊坐車落火車站，next行過去，好曬，7點終於去到，點知果2個阿嬸問我地有冇家長，我地當然冇啦！咁佢地話要學生證，Dennis有，但我冇，心知不妙，平日總知帶個銀包；跟住我地行番大圍，唸住問人借電話，d人就咁行過，一d人情味都冇，不過香港人就係咁嫁啦，唉！最後我地都冇去游，Dennis仲好唔開心tim，me2！

  今日係星期四，

似乎退左燒，

但係仲要留左家中稍作休息；

今日都幾早起身，媽咪出左去做野，

得番我同家姐，

我地睇電視，

TVB播得慢，

果個台播得快，

劇情有d亂...跟住Dennis約我出去游水，

但媽咪唔比，

冇得去！

咁我又做下暑假作業，

英文做左一大半啦！

今日就係咁過，都幾悶！

 今日係星期三，我冇發燒啦！但今日真係好熱好熱，早上狂睇潮爆大狀，因為一個大陸台有播，之後1點鐘家姐出街，媽咪3點番來；Daddy放早，我靈機一動，我話不如去游水啦！佢話好！跟住執好野，我地坐完小巴去大圍，之後行過顯田游泳池，嘩！勁多人，好似夏日嘉年華咁；換完衣服，一出去熱到飛起，但落水好舒服！不過d水真係好「續」，唔係咁清楚！我地游到6點半，跟住走人，好攰啦！番到來食左好多野！

  今日係7月22日，星期二，一年一度的大暑，真係爆熱，

中午都頂唔順要開冷氣，而且昨日打波唔知係咪熱得濟，

搞到發燒，今日都仲未好番，成身都好興，探左熱之後仲係38.3度，

都唔知係咪真係中暑呢？今日真係要休息一下啦！