今日係星期一，7月21日，我生日啊！好開心，有好多人同我講生日快樂！佢地就係Candy、Anna、Fina、Andy、Dennis、Joyce、Chelly、Alice+Candy個朋友 YoYo，多謝曬！今日朝10點幾起身，因為昨晚我地一家人打麻雀，打左3個鍾，我贏左$30，可能真係生日，手風都順d！跟住11點開左電腦，見到人地比我的message；到左2點，我地一家人去左明星海鮮酒家飲茶，到左4點約左Andy、Dennis、Chan Mei、林子楓打籃球同踢波，今日天氣真係好好，不過也太熱啦！番到黎點知有少少燒，食左粒藥，晚上仲有Birthday Cake食，好耶！

  今日係星期日，陽光普照，10點鐘陪左媽咪去買餸，好熱，又見到熟人，媽咪同佢地傾左好內，不過落黎幫手又當係做運動！番到黎開冷氣，跟住睇書(「偶像插班生」)跟住用左一陣電腦，約左Brian、Andy、Chan Mei、林子楓打籃球，個波仲係岩岩買的，今日手風好順，入左好多波，打21分我同Andy+Brain仲贏左21比14，我入左14分到...，最後成身濕曬tim！

  今日係星期六，上午有d雨，下午陽光普照，變幻無常！今朝好晚起身，因為昨夜成1點先訓，所以就遲左！起身之後，就做一陣暑期作業，跟住睇下書，之後就開電腦，Candy幫我申請左個Facebook Acount，我叫Tony Lam Ching Hong，可以加我！到左4點，約左Joyce去富嘉打Badminton，不過真係好大風，好難打，但係都好多汗，好玩！做多d運動對身體都好d！

   今日係星期五，係一個百感交集的日子，因為今日係東華三院譚兆小學惜別會，姐係我的小學！首先我今日同林永康、Anna、Candy1點鐘去左學校幫手，跟住幫謝Sir去買野；買完番黎玩7級豬，又係Anna輸左(估到啦！)等左好內終於到5點半，但真係好想時間遲d，我地仲見左好多6A班的同學，大家傾得好開心，又同D好內冇見的老師傾計，Miss Su難得番左黎，真係好難得！6點半開始入席，冇咩位在，因為有成500多名譚兆小學昔日的學生在禮堂裹，好熱鬧同好難得，連20幾年前都在；首先唱校歌，我唸都係最後一次lu，所以唱得特別好；到左Miss Lam(林校長)演講，當講到學校即將結束，佢喊，真係好感動；之後我地就食野，Dennis整到d野落年衣服，跟住走左！最後我地一齊搵老師影相，9點鐘走，也意味住東華三院譚兆小學光榮結束！

上左起：李淑恩、我、Dennis；下左起：Anna、Candy

我同Miss Su+Dennis合照

左起：Dennis、我、葉雅雯、葉翠萍

我同家姐+鍾老師

我和譚主任合照

我同李老師(一至四年級班主任)

 今日係星期四，暑假的第3日，好早起左身，用左一陣電腦，跟住就做下暑期作業，之後我約左Anna、Candy、Andy同Brian再番小學，去到幫手剪下野咁，跟住我地就玩pair牌，玩7級豬，Anna又做左啦！第3次，3連勝，超勁！

  到左5點，學校關門，跟住去左籃球場，見到胡德龍佢地，同佢地踢波，我同Brian+Andy一隊，我唔小心踩到胡德龍隻腳，自己扭親，勁痛！之後都ok的，最後我都入左3球，贏5比4，其實我地輸左好內，不過佢地球球 中柱，冇運，最後先贏左，不過真係好熱+辛苦。

                                     聽日小學惜別會，真係好唔捨得啊！