今日係星期日，朝早起身就勁勁勁大雨，

相信大家都知，仲掛左個黃色暴雨警告。

之後就睇下報紙，然後溫下書，溫到2點半左右，

之後見冇咩雨，就約班小學同學打波，

開始都冇咩野的，仲可以鬥波咁...

點知一陣間就落好大雨，避左一陣，又打下...

又落番，跟住去左體育館「避難」，

睇下人地打排球，跟住又出去打陣，

不過去冇心機再打啦！唯有番屋企啦！

  今日係星期六，都係要番學，

因為今日有P.A.T.H.s，而且係第一次。

今早約左Sunny一齊番，見到黃文韜，

跟住都一齊番去。首先我地上去Art Room，

然後玩左d小遊戲...無聊極= =

之後分組，我同Chan Fung、Andy、Sunny、Eugene、黃晉生一組，

全部都係男仔，組名叫「紅伯男」，好低B...

不過佢話一家要有個顏色...

之後10點幾有個break，Miss Chan請我地食野，好正！

好似3分鐘都冇就食曬，個個都好似餓鬼咁^^

Then好似有個要做任務的野，跑來跑去，

我地最誇的係由地下跑上天台，攰！

仲要去到1樓果陣，果個咁的黃文韜跑跑下跌低，

仲要撞左過黎，真係想拿命啊！不過我知佢唔係有心的....

最後12點40分番到屋企。

  今日係星期四，要早d番去fall in，

fall in完之後要落去操場當值，

比人叫左去後樓梯= =

之後第一堂Maths，要Quiz，

不過只得16/20分。

跟住就係中文堂，都ok啦！

然後就係I.S堂，比阿sir叫左起身答問題，

好彩我識答姐....

跟住C.L堂，我明明upload左個功課，

點知冇wo，搞到又要話放學交，

不過我在堂上做曬lu~

Lunch之後的Eng堂，都有d悶...

放左學見冇咩曬做，跟住就上課室做壁報，

不過我地都係傾計，得Ada有做，搞到5點幾先番屋企。

   今日係星期二，9月最後一lu....

而今朝要fall in，所以要早d番，

但係冇小巴，搞到差d遲到...

fall in完之後，要落去操場舉牌，

我舉番自己果班...嘻嘻！

之後第一堂係L.S，要默書，

我識曬啊！所以岩曬，好耶！

然後英文堂，唔洗默書wo，

因為Miss Lee播Music Day d侯選歌比我地聽，

班會d人播果d咩小豬果d歌，點唱啊？

不過都好，唔洗默書...

之後係P.E堂，都唔好玩的，係度做熱身+排隊，

真係無聊到極....

跟住的I.S冇咩啦！都係咁嫁啦！

Lunch去左choir，之後就中文，

又係要默書，我又岩曬lu，好開心啊！

今日默果兩科都滿分啊！

放左學之後去左choir，好多人，超好玩，

唔知到時出去表演or比賽，一定好好玩的。

   今日係星期一，係我最中意的一日，

因為有好多好玩的堂。

首先Maths，ok啦!之後中文半個鐘姐...

然後普通話，我好中意呢堂，個Miss都好搞笑，

今日仲播果首「有一個姑娘」比我地聽，好笑！

跟住5-8節都在 hall，聽果d咩學生會的野，勁悶，

寧願Eng Drama好過...

luch同肥龍+Sunny食，去左金莎，好多人，冇去到，

所以去左榮興，我地勁玩野，

仲學Miss Leung叫「三碗靚牛腩麵」^^

之後就係H.E，整湯，冇帶盒番來，搞到要用水樽...

放左學去左羽毛球選拔，其實打得唔係幾好，

但聽徐穎雯講好似入左，唔知係咪....

聽日有4個默書啊！88