Test Day 就快過完啦,唔經唔覺又一日,

考埋聽日就考完,又可以休息一段時間啦

講番今日,考英文,PHY,Geog

英文雖然考一個鐘,但都差d做唔曬,

vocab唔比字可能會更好

跟住考PHY,溫習時間往往都好嘈,溫唔入腦

不過份卷唔算太難,都ok的~

至於Geog,實在做得太大意啦,每次測驗都犯呢d錯,

幾時先唔會再大意啊?!希望聽日唔會啦

  今日係星期六,又要好早起身,

因為參加左明愛義工計劃.一早約左黃梓朗大圍等

之後一齊去荔景,很遠的路程. 去到冇幾耐就見到徐姑娘

之後就出發到總部,點知又要坐程小巴先去到

去到之後,先知道原來要服務的對象係智障人士,

Oh my God!我最怕就係呢d人,唔知點解

不過今日只係聽野,唔洗服務,但係就好悶,

好彩有黃梓朗&波鋒陪姐,最終涯到1點幾先放

跟住再一齊去沙田食野,食完上左波鋒屋企溫書,

不過都係溫唔入腦,最後仲玩左陣,玩到5點幾先走

仲未開始溫書,害怕唔夠時間溫,唉! God bless me

  今日係星期四,係一年一度的陸運會,

不過仍係要好早番,所以都好早起身,

fall in完之後,第一場賽事就係400米,我係第3組,

有林梓豪果d,d人好勁,所以都唔理係輸定贏,

最後好似係跑第6,慢林梓豪0.4秒............

不過跑完之後兩隻腳都抽筋,個頭仲有d暈暈地,

跟住去左Redcross果度治理,決定以後都唔跑400

之後的時間都係當值,超攰,一日當三更,好彩聽日唔洗再當

食完飯之後又有800米,同梁樂謙一齊,佢肯陪我hea住跑,

真係十分感謝。之後又要當值,冇得同班一齊打氣,不過聽日可以啦

今日我地班的2項接力都好似冇獎拿,聽日要加油啦!

  今日係星期一,放左一個短假期又要番學,

朝早起身好攰,一來尋晚睇醫生睇到太夜,

二來可能係d藥的副作用,可能搞到Sport Day都冇得跑..

首先朝早收功課,有好多野交,不過唔記得左寫家長信,

聽日補番...之後有部分人要調位,我要同王治權對調,

依家同林惠藍坐,原來佢都係一個暴力狂-.-

第一堂係Math,check功課,得我一個有對答案^^

跟住英文堂默書,溫得唔熟,so好多唔識,但應該合格

中文堂對文言文,冇咩特別

之後係普通話堂,依家除左miss 成日'cam'之外,都冇咩好笑

所以都好悶,林惠藍叫我玩天下太平,玩得太顯眼,

之後比人罰企= =企左好耐都唔叫人坐番低...

之後的Music堂很無聊,Geog好悶,放學好早走人

中秋節快樂!