~大家請移玉步到 http://www.xanga.com/coralshan 留意我ge最新動向及留言~
多謝大家支持

人地就黎住hall la~~~你地會唔會約我食飯ga?????

呢邊既日記真係好好用，又有background music聽，大家都一定睇得好開心~
但因為Xanga有新同學ge blogring，所以呢一方面好似方便d，再者Xanga我唔識整backgroung music，好驚悶親你地....

Anyway，如果我有咩要講ge，通常都會o係返呢邊，不過遲d就可能一直用Xanga.希望關心我ga大家密切留意!

      可能自己之前放得飛機多，依家佢地識飛返我度。今日本身約左Mr. Mok兩點o係中央，點先我去到佢先記得，仲o係屋企瞓緊覺tim!!!可惡!!約高妹，我又廢事佢轉登無野做，出黎為左陪我，所以都無叫佢出；阿沛話下午陪家姐出黎買電話再順便join我，但最後因佢家姐下午四點都未返，最後就無出。
      
      首先自己o係自修室睇左陣書，之後老師就到左圖書館，不過勁多人，無位!!!!o係小朋友圖書館企o係度溫。一日之內完成一本book 1，超勁!!!多謝我自己~~~老師d表達能力好有問題.......要practise多d la~~~
　   四點幾去左商務睇文具，順便等自閉ge求援.......好慘...身上得返$15.60 cash.....連買塗改液都唔夠....又要問自閉....真係覺得自己好麻煩，真係唔該曬Mr.Mok & 自閉。

      好唔開心呀......點解次次都係因為$$$呢個問題而搞到咁!?我有ge點會問你拎呀!!!依家都係借住sin je!咁多野講!真係零願問fd借!!!
      其實我每個月用$1800都唔係好過份呀......依家真係一毫都無sin問你借je!!!我星期三已經自己比左$1000書薄費，真係無$$ la!!!星期一又要買護士鞋，我已經以買平既方法去同人夾$$買，又要買單行薄其他雜野，開學之後又要食飯，車費，真係無lao係咁ge情況，我第一個諗起ge人就係自閉..........自閉!!!你要幫我呀!!!!!!

      就黎開學好開心呀~~~依家都未開始準備d野，不過都有留意。今日出新港城，做完正經野後，毫無目的咁行，突然諗起去睇下開學ge野，去文具店問有無紅藍鉛筆，無錯係鉛筆!我無打錯!!不過果個人話唔知乜=.=
       Then去左Dr.Kong睇d護士鞋，好貴.....$399-$499....遲d等埋其他同學買，因為三個買就$200對。最後就去左千色買schedule book，之後去補習。
         其實我有好多野要準備ga，因為我要住宿舍，所以大家遲d唔好掛住我la~~~~
         夜晚上網搵英文名，因為佢地要人再個christian name=.=都唔知叫乜好....都係唔好理，叫Coral算!!!到時先!!!
   聽日又要上急救，又要對住個dirty ge 人........

      好驚呀今日，因為一點要返學校交相同$$，尋晚好趕咁用魷魚部相機影左同曬埋，不過睇落成張相都好暗，搞到個背景變左黃昏ge色，學校要白色，我好驚比人話，所以想影過，但相舖又無咁早開，開左又唔係立即拎，所以好驚影唔倒。好彩祈左禱，今日七點幾起左身打電話去d相舖，最後十一點幾去新港城影，十二點拎倒，又唔係好貴，$38八張，剛好去到一點，時間啱啱好~~~
      因為o係forum都有d同學，我地又約左o係大堂等齊人上去，所以去到都唔似F.1新入學，反而好嘈好多野講，一個二個係咁講自己個網名，咩ting0261、lam0586....好似犯人ge number 咁，好好笑 其實大家第一次見，而且又唔係見得好耐，但感覺上都好快熟落，可能因為大大部份都係女仔la~~~~我地暫時total有58人，得3個男仔，可想而知咁多女仔有幾嘈!真係一上到九樓好似街市咁=.=
       暫時性果度d人事部同事及老師都好似好好人(個樣)，遲d就真係唔知la......不過我自筆試果日開始都覺得個校長好好好好人~(我今日先知佢先係校長，一路都以為係sister Wo)
       派左一本好厚ge書，不過唔知點解覺得本書好唔順眼，因為係用中文.......bio解剖書用中文......好唔慣，而且隔離個同學仲話驚遲d考試d中文字好難寫....我都好驚，仲驚自己寫得慢同噁心.....

今日仲拎返上次body check d野，比大家睇下我個肺呀~我d骨好幼呀><好驚斷!!!!! 仲有呀...唔知點解我個心好似好低....

      今日要補習，夜晚出左新城市同魷魚、三家姐同auntie食野~我順便影埋證件相，因為聽日要.....
      去左食上海野，好味~~~下次等我有$$帶我媽咪黎食~~~
       回家途中樓下見倒阿坑~~~~

      今日瞓晏覺果陣，媽咪好頑皮，嘈住我同芝芝瞓覺，不斷比野我地食，塞入我地個口到........佢話比我知尋日佢返工果陣踩單車跌親呀.....兩個膝頭都腫左，行路都話痛.......其實都真係唔想佢做野ga.......希望我遲多兩個月左右可以幫輕下佢la....

      中秋節快樂~~~今年既中秋節我好期待呀~因為好耐無見5E ge朋友 la~
      約左佢地9:00pm，咁知又改到九點幾......我補完習七點半已經搭車出新城市，因為魷魚約左我八點，但我八點半先到...魷魚仲遲!!!!不過佢要返工，我原諒佢la~之後我地去食日本野，等野食等左都幾耐，食完先join沛佢地。
      本身想買tamama燈籠ga，不過去到已經話無曬.....果然係今年燈籠銷量冠軍!!!!最後兩手空空咁去中央公園。勁勁多人!!!都搵唔倒佢地，不過可能我地兩個對眼太大，睇過界，佢地就係右手邊都見唔倒=.=真係好耐好耐無見大家la~~~好開心呀!雖然都唔係好齊人，又唔係傾左好耐，不過都好珍惜ge~今日欣茵姐終於都帶佢男朋友比我地睇la!!!!不過因為太夜太暗，唔太睇清楚佢個樣.......anyway，祝佢地兩個開開心心，欣欣愛愛~
      我都唔係坐左好耐，自閉都未到我就走lu....十一點三走ge...因為魷魚會無車返家ga!!