The Hangover ---茶餘飯後大小事                                                   2009 年 8 月 6 日  星期四       放下晝去左整旅行既野， 發現今次都幾hea，至少好多野我成日講， 不過又好似唔係好擔心，無去做...... 結果仲有一個星期出發，發現自己手忙腳亂......   不過多得小man介紹，賺左手信換領卷 雖然唔係心目中想要既遊樂場卷， 但都有好過無啦!!!   會合左傻瓜，返左佢屋企， 日記打少左，有時因為太忙，更多時候係一切太穩定了， 坐係度睇下雜誌，有傻瓜煮飯我食 (我乖，有洗碗ga!!!!) 食完出返銅鑼灣睇戲。 記得有次返教會同小man講，我同佢日記都有d 似電影介紹。 的確，無所事事，最喜歡走去睇戲。 尤其而家熱到死。   三個伴郎同準新郎去 Las Vegas 搞 bachelor party， 點知醉醒之後發現整間酒店房間好亂， 一個伴郎既牙甩左；房間廁所則有一隻老虎同bb！ 而佢地又完全唔記得發生咩事！ 最重要係新郎都唔見埋！ 三個人不斷憑線索慢慢知道前一晚究竟發生左咩事， 期間好多好多搞笑既事發生左。 有時覺得生活上太多壓力，但睇d 好緊張既戲個人會好壓迫 反而間中睇下呢d都唔錯。輕輕鬆鬆......