分類︰亂語

　　有謂人不可以貌樣，我們評品別人不能只依靠外表就妄下定奪，這幾乎成為公理。

　　不過社會總是歪理橫行，我發現無論任何情況下，外貌好的人總會比心地好的人來得受歡迎。年青人人突出者往往非俊男即美女，甚少有樣貌平庸者成為群體的靈魂人物。

　　每當登入Facebook，隨手點擊幾個好友頁面，在他們的朋友清單中發現外貌姣好者後，又不自覺地點擊下去，又發現一有趣情況。若把樣貌分成上中下九等，上上者，Facebook朋友多達幾千至萬人不等，每上載相片，每更新狀況，留言者數以百計，當中又以男士居多，到她們生日時更不得了，生日祝福多得瀏覽器也超出負苛，我擔心如果有幾個大美人同日生日，那Facebook伺服器豈不是立即崩潰？

　　樣貌上下者，情況如上述大美人之迷你版，朋友數在數百至千人間，擁有一班十多人的忠實擁疐，廿四小時時刻緊貼偶像最新動態，甚至以首名留言者名份為榮。其他各層乃大部份Facebook使用者的分佈位置，略而不談。

　　跳至下下者，Facebook朋友寥寥數人，即使主人努力更新頁面，寫下動人肺腑的文章，上戴過千張相片，等得地老天荒，海枯石爛，直到百年歸老，也等不到朋友的第一個留言。Facebook是社會的縮影，看到吧！我們的社會竟然建基於外表上，何等膚淺。

　　別以為長相平凡，至多也只像Facebook般朋友較少，交際圈子細。事實上更會影響到事業，愛情，乃至人生。網路流行的一句話「你的樣子如何，你的日子也必如何」，正正是殘酷現實的最佳寫實。也別期盼著「瘦田無人耕，耕開有人爭」的日子來到，很可能自身只是塊龜裂黃土，寸草不生，誰敢來耕？

　　忽發奇想，如果對我們下一代進行基因改造，令他們長成同一個樣子，人與人的分別只在於品行和道德，不平等現像就會消失大半嗎？又或者乾脆全人類一同廢掉雙目，也許也以看到更明亮的將來！

　　請別對號入座，以上言論並無針對任何人，有的話也只是我自己。

分類︰日常生活

　　有說獅子座男生天生具有使命感，不甘平凡，來到世上像為了做大事似的，他們追求成功，享受成功感，每一天都要做些有意義的事，刻板而重複的生活對他們而言是種折磨。這完全講中我的心態。

　　生活的乏味，工作的公式化，幾乎將我的精神力壓縮後再磨滅。最近，為了宣洩那積壓已久的創造力，下定決心拿起筆桿杆，在日記簿上寫起散文來。可能存貨真的太多吧，寫完一篇又一篇仍然意猶未盡。散文題材之廣，遍及天文地理，人情百態，世界時局乃至個人思路，內容儘管謬誤連番，邏輯倒錯，文句不通，但自己寫得痛快已經足夠。

　　上下班加起來差不多兩小時的車程是閱讀的黃金時間，近來重看《銀河英雄傳說》，令它在我心中的神作地位更加牢固。這次從書中得到更多思考空間，不再像中三那時只顧著書中的精彩戰局和民主與專制之爭，更多的留意社會演變，角色衝突和內心矛盾，以前鍾愛同盟軍元帥楊威利而痛恨帝國軍政天才萊茵哈特，現在仍然對楊元帥情有所鍾，但開始了解並欣賞萊茵哈特這位曠世奇才了。我個人最喜愛這種無分正邪，只為各自認為正確的信念而對抗的英雄故事，從中必有精彩絕倫的武力對抗，智力交鋒，意識相辯，為讀者帶來妙趣無盡的思考空間。我想在我有生之年，重看《銀河英雄傳說》十次也不足為奇！

分類︰我的遊戲世界

 

Demon’s souls 惡魔之魂玩後感

 

前言：

　　舊年買完PS3，第一隻爆，同第一個攞到白金獎盃嘅遊戲就係佢——Demon’s souls，亦都係佢，令我無後悔到當時用成份兼職的人工去買遊戲機。玩哩隻遊戲，嘅係享受又係折磨。不過有一點可以肯定，只要你拎起手掣，就唔捨得再放低，下次手掣離開手掌只有兩種可能，第一：終於玩到攰。第二：嬲到將手掣摔落地。究竟點解Demon’s soul's可以令玩家愛恨交纏？又點解會話Demon’s soul's激起潛伏我地體內嘅M男情意結？

 

故事：

　　故事發生係歐洲中世紀，有條友仔唔知做乜喚醒左遠古野獸，隻野獸就不斷以人類靈魂為食糧，強化自已之餘仲帶埋手下班異獸到人類領地搞搞震，令到一個叫波雷塔利亞嘅王國幾乎玩完。而主角當然係唔怕死咁走去波雷塔利亞，誓要拯救蒼生咁話喎，而故事就係咁開始……

遊戲內其中一隻大Boss

　　詳細故事情節煩請去官網睇。(我認我懶)

　　隻遊戲對劇情處理同其他RPG比有好大分別，基本上玩家可以一路殺到底而唔理劇情，而劇情對遊戲只係起到襯托作用而非推動遊戲發展本身。

　　之不過唔係話Demon’s souls的劇情簿弱，而係玩家從遊戲中各樣伏線，契子，暗示性細節及NPC嘅對話中所領略到嘅，絕對大過遊戲劇情嘅表述。例如當玩家在第五章的嘔心貧民區沼澤好不容易殺到底，竟然發現那個純潔的第六聖女才是貧民眾的首領，正當玩家狠下心腸親手解決聖女，聖女不但無還手，仲甘願自殺，交出靈魂。任何人都諗到唔到果關嘅終BOSS竟然用咁嘅手段結束自己。即使係最污穢不堪的地區都有最神聖的靈魂存在，手刃聖女的玩家究竟是正是邪？

　　我係網上見到篇文章好詳細咁剖析成隻遊戲每一個細節，由世界觀，宗教觀，武器防具考證到遊戲內所有暗示性劇情都仲一解構，講得好有道理之餘仲令讀者學到唔少關於歐洲中世紀嘅歷史知識，文章質素堪比大學論文。推薦俾爆左機，又想了解多啲劇情嘅朋友欣賞。

點擊我

評分：85/100

 

畫面：

　　遊戲畫面相比起同樣係09年推出嘅Killzone2,Uncheated2,Biohazard5仍然有一段距離，當然同上述三隻以當時頂級技術製作的遊戲作比較，係有啲嚴苛。

若單論遊戲畫面嘅表現，至少係光影，紋理貼圖上都對得起高清平台。而係氣氛烘托，環境佈置上都有相當唔錯的表現，容易令玩家代入中古時期的歐洲。

王城結構精細，反映製作團隊下了不少功夫

　　畫面風格上，主要走兩種路線，第一種係冷暖色調，例如第一章用嚟提升王城威嚴，第四章製造暴風嘅感覺；第二種係暗黑路線，玩家係高暗度的地牢亦步亦趨地探索，提防有小卒從暗位突然撲出，成功營造壓迫感，令人玩得難以喘氣，這種分明的畫面風格值得稱讚。

王城的巨大騎士

壓抑暗黑風格

評分：90/100

 

聲音：

　　音效恰如其分地襯托到遊戲氣氛。玩家行走時清楚嘅盔甲碰撞聲，弓箭發射嘅呼嘯聲係我認為歷嚟咁多隻ARPG中最真實的，而斬怪聲聽起嚟更刀刀入肉，令玩者斬到停唔到手，倍增戰斗爽快感。

　　Demon’s souls嘅背景音樂少得出奇，成個遊戲大約只有廿幾首音樂，原聲碟只係用一隻CD就裝得哂。而果廿幾首音樂主要用係BOSS戰同登入/死亡畫面，所以平常係關卡中探險時靜得恐怖。唔知原因係製作團隊唔夠資源去創作更加音樂，定係有意係BOSS戰先有音樂聽。

　　中國畫中有種技巧叫留白，即係特登係幅畫度留空一大片，令幅畫睇落更有意境，係一種大師先運用得好嘅技巧。如果Demon’s souls真係將留白用係遊戲音樂上，只可以話佢用得好出色。原本已經陰森嘅畫面再加上無聲沉寂，構成一種詭異氣氛。當玩家幾經辛苦殺到去BOSS戰場景，音樂終於劃破大戰前嘅寧靜，伴隨著重節奏音符，玩家心跳同步加速，將緊張感升至頂點。

　　背景音樂最大特色係類彌撒曲風。即係氣勢磅礡嘅主旋律中，有人聲不斷和音。上面我推薦過果篇分析文章指出過，哩種曲風同遊戲內嘅宗教主題有好大關係，詳細就睇佢篇文章。

　　令我印象最深刻嘅背景音樂莫過於打第六聖女時響起的哀歌，一別於之前幾關嘅雄壯音樂，聖女之樂缺少左燃起玩家情緒的激情，多左分令人沉思嘅節奏。可謂恰到好處咁表達出劇情中所有觀念在那刻激盪交纏。當時為左聽多首音樂幾次，特登用S/L大法重玩果關，即使依家聽返，首音樂仍然係全遊戲最好聽嘅聲音。

評分：85/100

 

系統：

　　Demon’s souls嘅精粹盡在其系統。令人一講起Demon’s souls就諗到佢獨特嘅系統。

難度設定

　　用一個字嚟形容Demon’s souls，一定係”難”。

　　未買Demon’s souls前，已經聽人話哩隻遊戲難到唔似樣，有人仲因為難得滯而極速放返隻Game。當我入到教學關卡，遇到幾隻雜兵，比我三兩刀就ko果陣，仲心諗”有幾難啊？都不外如是姐”當我進入到第一章，玩左三個鐘後，我徹底認同咁多位嘅睇法……

　　點難法呢？第一要講下遊戲中的靈魂系統。玩家係遊戲內，打死怪物後，會得到一定數量的”魂”，魂可以用黎提升角色能力，亦都可以同魂同NPC買物品(Demon’s souls中魂即是金錢)。可惡嘅係當玩家死亡後，所以魂即時喪失，係死亡地點會留底灘血，重生嘅角色要去返灘血度先可以拎返所有魂，重生後角色血量上限只有正常情況一半，而關卡所有怪物亦會重生，所以想拎返喪失左的魂，難度倍升，最殘酷的設定係，當玩家係未拎返魂之下再度死亡，舊有血跡會消失，係新死亡地點留低新血跡。即係話可能有100萬魂因此而永遠消失，之前的努力完全白費。

　　第二就係關卡內無處不在的陷阱，Demon’s souls內幾乎每個轉角位，暗角，視角盲點都潛藏住敵人，等玩家經過時給與致命一擊。而場地陷阱方面亦相當可惡，例如會突然斷裂嘅高架橋，忽然下陷嘅屋頂或者係會有大石滾下的小徑，令無數玩家一次又一次咁爆粗。

　　兵卒比大佬強係Demon’s souls的特殊現像。我統計過，自己死係卒仔手上比死係BOSS手上多成十倍，遊戲初期比幾隻兵仔圍住已經必死無疑，去到後期更出現一隻能夠一棍扳死玩家嘅敵人，所以係Demon’s souls內，所有敵人都有BOSS級實力，令玩家一步一驚心。

　　既然Demon’s soul難成咁，點解仲話佢好玩呢？弔詭的地方就係遊戲好成功地挑起玩家們嘅唔服輸心理同挑戰慾，愈死愈想過關，尤其係每一關所有怪物同陷阱都係定點出現，只要死多幾次，就對所有難點瞭如指掌，直到玩家斬殺關卡BOSS後，先發現原來已經有咁大進步，就會覺得所有挫折都值得。過關的甜美俾到玩家堅持落去嘅動力，當玩家進入下一個章節之時，又再度陷入上述循環之中……

角色去到700級都仲會比怪物秒殺

靈魂傾向系統

　　初頭見到哩個介面都唔知係咩黎，而整個一週目我都無理過佢。直到第二週目開始攻略白金獎盃先至開始有接觸。去到第四週目先完全掌握到系統玩法。由於實在太複雜，所以不作介紹啦。

　　對於想拎白金獎盃嘅朋友，強烈建議用離線模式遊玩，咁樣就易拎到道具好多。

　　希望Demon’s souls續作能夠簡化或者更換整個系統，哩個實在太不人性化。

複雜嘅靈魂傾向系統

連線合作/敵對

　　遊戲時如果覺得關卡實在太難，可以召喚玩家黎一齊攻關，叫埋三五知已挑戰巨BOSS更是痛快。

　　Demon’s souls內亦可以做邪惡角色，入侵其他玩家的遊戲。如果成功擊殺對方，仲有相當唔錯的獎勵。不過因為咁，好多人一見有玩家入侵，即刻消極咁拔網線，令入侵者無癮。

　　無論幫人定係入侵人，都有等級限制，玩家唔可以同等級差距大過10既其他玩家連線。因為我利用遊戲BUG將角色升到712級，搞到無人同到我連線。唯有好孤獨咁攻略白金獎盃。

　　所以奉勸各位唔好隨便用BUG。

評分：95/100

 

耐玩度：

　　Demon’s souls一共只有五章，關卡算係偏少，不過係難度頗高情況下，玩家攻克一個陌生章節，大概要兩，三個鐘，一章落黎，死亡次數超過100都屬正常。一週目時間通常廿個鐘左右。而二週目開始，怪物實力就會大幅強化，每過一週目，怪物會強化一次，理論上怪物可以無限強化，而玩家本身能力就有上限。不過經過一週目嘅洗禮，所有玩家都會清楚哂每一關嘅陷阱，怪物埋伏位置，被陰死機會大減。所以我第四週目用4個鐘就爆機。可見遊戲流程實在偏短。

　　

白金之路

　　想追求白金獎盃的話，遊戲時間又再延長幾十個鐘。最難拎嘅獎盃睇怕係要用刃石改造武器果個，為左粒純粹刃石，玩家要不斷重覆打一隻掉寶率奇低嘅黑色骷髏。好運的話，兩三粒鐘就打得出，人品差起上黎，打一個星期唔掉都唔係奇事。我就屬於人品中等，運氣平凡，打左兩日就出左，算係咁。

辛苦左大半個月嘅成果

評分：85/100

 

總結：

優

I. 具挑戰性

II.另類RPG風格

III.中古歐洲魔幻氣氛濃厚

 

缺

I.極難，容易令玩家氣餒

II.防具，盾牌略嫌不足

 

推薦玩家群：挑戰自我型、劍與魔法愛好者、動作遊戲高手，M男

不推薦玩家群：神經過敏型，躁狂症玩家，優閑型玩家

總評分：90/100

分類︰亂語

　　討厭什麼最恐怖?

　　厭倦，厭惡還是是厭食??我想是厭世吧....厭食症不難根治，但人一旦有厭世思想，只會愈陷愈深，像條不歸路。

　　曾幾何時，站在月台呆望著路軌，聽到列車快要到站的廣播後，突然想到，只要我向前一躍，所有煩惱將離我而去。但我很清楚，這是一個很不負責任的想法。事實上，我也沒有什麼非跳不可的理由，只是在好奇人死後會是什麼樣的光景，有別的地方等待著我們嗎？

　　不時聽到有關死亡不是終結，只是另一個開始的言論，真想知道發表這些偉論的那班人究竟"開始"了沒有。而我現世的旅程還未啟行，怎會隨意踏進那道不知通往何處的門呢。

　　我相信每個人都曾思考過生與死。譬如說如果自己突然過身了，親朋戚友會有什麼反應，又死後有否輪迴轉世？抑或會化為厲鬼，流連人間？這些沒有解答的問題正是其引人入勝之處。我喜愛思索這些弔詭的謎題，所以害怕死後無法再參與這種智力激辯，這或許是厭世思想與我絕緣的原因。

分類︰亂語

政治的必要性：
其實政治的出現也與人類的不完美有關。只要人類存在著這些因素，就難以逃離政治的框架。

不平等：
人從出生以來已註定不平等。我們無法選擇自己的父母，出生地，國家，種族，甚至是天賦。種種差異令人類史上從來無出現過相同的兩人，即使如孖生兄弟，亦有微細的分別。
不平等引致人類之間的實力差異無疑是場悲劇。強者有支配弱者的絕對理由，弱者找不到不依從強者的方法。即使強者無心領導眾人，弱者也會無意識地甘願被強者帶領。
事實上，人類的確需要由強者領導。獅子帶領的一百隻綿羊比綿羊帶領的一百隻獅子強是無可否認的。
在這法則下，多少自認為強者的人出現，企圖支配眾人。

控制慾：
人類的控制慾是文明前進的最大動力，驅使文明不斷創造，革新，演化。可是野心亦隨控制慾而來，總有人以佔有權力，財富，地位乃至名譽來充實他們空虛的心靈，一旦既有利益受到挑戰，即會奮不顧身地試圖維持現狀。這解釋了何以政治的變革總有一班頑固的守舊派。
對有野心而身份低微的人來說，向上爬，取締現有既得利益者成為他們最終目標。這種力爭上游的行為同時鞏固了"人類需要支配者"這法則。
歷史上，當人在政治領域中加諸無限的控制慾時，就演化成帝制和獨裁。無限制的權力成為極大利誘，無疑成為眾人覬覦的對象。
無論何種政治體制，總會吸引到對人類有支配慾望的人參與，只要人有存有控制慾，政治就不會消失。

惰性：
為什麼人總是放心地將統治權力交予一少數人。這源於他們的惰性，即是對自身支配權力的不重視。對於現在的腐敗，竟然不切實際地期望總會有人令一切好起來，而想不到其實自己正是政治體系中最重要的一員。
令無數野心家抓住這點有恃無恐地擴張權力。