話說依家返緊哩份兼到無得再兼既兼職，工作內容固然係悶，但係我都可以講，過去三個幾月已經令我眼界大開，尤其明白到有Ｄ女仔，即使窮我一生之力，都無可能追到。

　　事關個女店長有幾分姿色，屬於果種係雄性生物都想望多兩眼既人，就係咁，每日都有一大班狂蜂浪蝶美其名走黎食餐後甜品，實質就為左昅女。證據就係佢地對淫眼總帶幾分賊光，每當店長係面前行過，就好似渣古上身咁，對眼有自動追縱功能，可以頭不動下眼珠左右橫移。每當見到哩種神技除左驚嘆交加外，都想大聲同佢地講”係男人既，就光明正大咁望啦！”

　　如果桃花運可以用數值量度的話，店長既運程肯定係100。因為我咁大個人，第一次見到有人係可以係情人節可以收到差唔多十束花，平均一星期增加一個追求者。即使班男人知道佢有男朋友，仍然死纏爛打，無時無刻強調自己係最佳替補一樣。不過哩班男人都唔講得笑，個個都相當有條件，講下佢地既共通點。

一：有車，寶馬，賓士已經係標準牌子，CHEAP D既，本田都比你過骨勒，如果踩架單車黎就當自己係車主，我諗店長眼尾都唔望下。

二：有錢，唔係個個都大富大貴，但係當中比較窮既，都起碼有份有穩定收入既職業，換句話講，學生立禁。

三：奇招盡出：為左令店長留下深刻印象，班男人真係絞盡腦汁；有個警察一睇準幾點落雨，即刻揸車過黎店舖，就係為左比把遮店長，怕佢淋濕喎；仲有就係次次黎都食同一樣野，不過哩招大多人用，搞到我都幫班人改名做楊支甘露人...糖不甩人...

　　其實做得佢男朋友，我想像到佢每日都提心吊膽，怕會比到位其他人有機可乘，一個咁多人追既女仔，要管束得好，根本係無可能。拍拖拍成咁，都咪話唔辛苦。

　　總之呢，多謝哩個店長，令我次次返工都好似睇緊”精裝追女仔”真人版，仲要永無悶場，使我平白既自修生生活添上幾分色彩。

　　人總有一D往事埋藏心底，期盼住年月既消逝，能夠將不堪回首既片段慢慢忘記。每當有人問起，抗拒既心內既反射性地回答”唔知呀、唔記得啦”

　　不過，就算未能忘記過去，時間亦能將事情淡化，尤其係經過人生既起跌之後，回想往事，就會發覺一切都係咁荒謬可笑。所有事都只係年少輕狂下既產物，人所必經，又然人人都有，獨特性一去，昔日既秘密再唔係秘密，結果，埋藏多年秘密，有如山河缺堤，一瀉而出。

　　就似美國FBI，NASA、抑或係蘇聯既KGB，都有個共通慣例，就係最高機密文件都有個保密期限，一般為50年，只要50年一過，所有以往既國防機機密將公諸於世。50年，時移世易，老一輩的政客也早已魂歸天國，勾心鬥角的格局亦面目全非，點會仲有野怕比人知？照咁睇，FBI,KGB等機構哩個設定，都相當人性化。

再見了,該死的2009年

　　每個人都曾經有不甘平凡既心態，覺得人生在世，不做點轟然大事，名留青史，或者遺臭萬年，有點兒枉為人。

　　其實我們在年幼時就有這樣的想法，小學時期，老師發問問題，同學們都爭先鬥快舉手搶答問題，當老師點到自己個名那一刻，心臟似停止跳動，一股信心卻從心底湧上，整個人腰骨挺直地站起來，將答案大聲喊出。答對的話，故之然會飄飄然，仿佛剎那間，地球圍繞自己而轉動一樣。這種愛出風頭既想法，本質無非想別人認同自己。

　　人大了，終於明白到，名留青史/遺臭萬年既方法，不在舉手答問題、不在考到第一名、亦非徒手打死鄰居的狗。而是去做人類史上從未做過既事，聽起來好像很難，實情是‥‥‥好鬼難。畢竟文明既發展上，已經出現過太多巨人，即使站在他們肩膀上苦苦鑽研，亦都難有寸進。何況不是每個人都是天才，不是每個人都有潛質。

　　不過，退而求其次的話，出名，還有第二種方法，就是去做世上99.9%的人都不敢做的事。好不負責任地話你知，犯罪，佔了其中絕大多數。

　　以打劫來說：想成名，單靠普通地打劫還遠遠不夠，要打就要打得更徹底。比如一進店內就得一輪亂射，強調子彈無眼，同時警告眾人不得交談，否則說一句得挨一槍，當然要說得出，做得到。店員見到如斯無人性的匪徒，日後接受訪問時，定必添鹽加醋，形容劫匪為一個喪盡天良兼狼心狗肺的十惡不赦之人。更重要的是在作案現場刻意留下線索，例如掉落的絲襪面罩，刻意寫下的一串神秘數字等，更甚者，可以找個同伴將作案過程拍下，再發送給各大媒體，在傳媒鋪天蓋地的報導下，閣下的大名定必街知巷聞。當然這種出名是遺臭萬年。

　　亦有一種名留青史的打劫，那就是劫富濟貧。西方有俠盜羅賓遜，日本有石川五右衛門，香港亦曾出產了海盜張保仔。他們不單只出名，更成為傳說，為後人所祟拜，能將打劫這樣種劣行幻化成傳頌千古的英雄行為，上述三人皆熟悉箇中巧妙。他們有幾個共通點，第一，所劫之人的財產必然是不義之財。第二，將不義之財盡數歸還貧民，如所謂”還富於民”。第三，自己永遠保持清貧形象，才得以讓他人膜拜。

　　當然，上述方法只是胡扯，若有人刻意模仿，或以相似手法作案，本人並不負責。

　　”人生於世上有幾個知己...”

　　有知己是件難得的事。畢竟不是每個人都找到一位能”相視而笑，心心相印”的好朋友。

　　我覺得知已還有第二層意義，那就是讓人更認識自己。能交到個做到這點的朋友，當真此生無憾。

　　到目前為止，我的交友方式仿佛是戴著面具去演戲，根本是雙重欺騙。演得久了，連自己也遺忙掉那張面具下的面孔。一段好的友誼可以讓我摘掉面具，以真面孔示人，能做到這一步的，我都視他們為知已。然而，真面孔流露出來的仍然是假感情。是我太會演戲嗎？抑或是我已經失去真我？

　　我已經忘記有多久沒有放開心胸與人交談了，即使是最好的朋友，我也不會將我所想的，全部訴說出來。更何況，在他們眼中，我本來就是個沉默寡言，不善交際的人，無謂打破這個刻板的印像吧。

　　但我還是曾經遇上一個令我放下所有掩飾的人，在他面前，雖然不可以為所欲為，卻可以暢所欲言，真真正正的感受到自我的存在，從對話中又能了解到自己是一個怎樣的人，這樣面對赤裸裸的自己，反而更覺舒泰。可惜，這一切都是後知後覺，當發現事有蹊蹺，想作出挽救時，大家早已漸行漸遠了。

　　在我看來，第一層意義的知已，可以用時間建立關係，然而第二層意義的，就只能依靠緣份了。