今日一起身...姑媽黎左...原來係黎打麻雀，我無理佢地，自己做自己野，原來自己一個真係咁好嫁...
直至以家我終於領悟到，我知點解有兄弟姊妹過d點解咁唔想有啦...哈哈~好難靜到，原本諗住睇書...
都搞度無心機lu...咪開到勁大聲聽歌囉，竟然都可以俾d麻雀聲覆蓋到...犀利~=.=今日要學吉他啊,咁
岩出去又落雨,無帶傘..都幾狼狽，不過好快就停左,都濕左啦~.~去到阿傑都未黎...跟住係咁打碑佢,都
係無人聽...心諗~~~~~...... 佢會唔會有d咩野事呢，係咁不聽咁諗，佢都未黎ow...我就入左去先...
跟住佢黎左..原來佢無帶電話=.=''真係俾佢玩死，今日學轉key...原來好易，轉C Dm Am G7....
一陣就學識左~~之後阿傑叫我去政豫屋企ow..我綵佢都傻~~我返左屋企....
我每日都好珍惜睇妙手人心的時間...我覺得佢每集都會教曉我一d道理,每一個人都係有一個使命嫁,醫生
使命就係要救返每一個有生命危險的人，不論救唔救得返，都會盡力救，這便是醫生的應有的態度。
而我呢，其實至我信主之後,我都知神交了一個很重要的使命給我，就是要我將福音傳揚開去，
現在我終於領悟到啦...我要相信主和相信我自己...我得嫁.... (見idol咁有興致吹水...我咪試下吹囉)
不過真係真心嫁...我相信你都係啊..^^
今日有件事令到我好開心啊,就係浩南禮拜日肯同我一齊返教會啊...其實我係好想佢信嫁..
唉..之前個日記板壞左,開左呢個日記板都搞左成晚啊...嗚...希望唔會再壞啦>.<
***********************************************************************
今日上網見到架車勁好笑~~
人地係滕原豆腐車...
過架就係西門曲奇車...(令我第一時間諗起龍卓騏)以為係佢嫁添

10點15分~~
嘩...遲左起身，本黎諗住起身靈完修之後返學嫁，太遲啦，趕唔切
搞得黎...都天光啦，衝衝忙咁出左去。返到去遲左少少...哈~好彩
無俾人話姐。今日星戰講領詩啊!!其實領詩都係事奉中一件好重要的
事，絕對係唔可以忽略的。原來有好多野我都要注意嫁，我覺得一位
好的領詩員要具備在帶詩前有充足的準備，例如要將那首詩歌背誦入
心，領詩絕不是個人表演，主角乃是我們的主，在領詩前要將心交托
給神。從今堂開始，每一次都會請一組出來學習領詩，今日eva同小米
出黎領詩~~唱"回家"帶得都幾好~~最尾一次先到我地...可以準備下。
放左之後同toby去寶湖買數學數，我發覺到toby真係愈黎愈口水多過
茶啊，吹水係吹唔停嫁，同佢去寶湖直到走都係一直咁吹，但係都諗
到野講先好啊=.=話黃色衫可以吸紫外光??我問佢聽邊個講的，佢話
自己~~...唉~~我今日買左兩本靈修書啊~~都係教我點讀經同埋靈修。
下午諗住返去做暑假作業，攞左出黎又走左去訓覺~.~都唔知幾時先
可以做完……

好累啊，好難得入到3日兩夜的camp，係呢次的camp俾到我好多好多好多的得著。 例如係我入camp過陣時都有諗過的，之前同神的關係都唔係咁好，靈修的時候又唔 專心，好似又無咩得著，感覺唔到神俾d咩野指引我，讀經的時候又唔夠，靈命就開 始慢慢咁下降落去，其實自己係feel到嫁，可能這一次去呢個靈命成長camp就係神為眾人所安排的，他都知各人是軟弱的。係呢次話長唔長話短唔短的宿營當中，神真係允許左我的祈求，我覺得來到這黎是無白費的，真是能帶到一些有用的東西走。在當中，我學識了不少的東西，與神的關係拉近了，接觸了好多福音，每天都有詩歌和敬拜的時間，雖然講道的時間有一小時那麼長，不過這兩晚一來，我都覺得很好,都是聽得懂的。講下這幾日來，我最心刻的事啦，我覺得在是靈修和分組查經的時間，當中,我係好享受!!今日靈修的時候就最能觸我心弦，經文：「耶和華必指示誰是屬他的，誰是聖潔的，就叫誰親近他。」(民數記16:5)以我感覺黎睇，親近神就是我們所選舉的，若我們肯親近神，神就必親近我們。我諗返起我其實以前都係犯左罪之後就唔敢面對神，不停咁逃避逃避……睇完呢節經文，令我體會左好多野，我以前都係一個幾無恆心的人黎嫁，禱告幾次，好似聽唔到神要我想點ow，就好快好想放棄，不過我以家唔會嫁啦。『如果你是屬神的，必誠心等候，他必使你進到他面前，信靠他的應許，我們若親近神，神就必親近我們』其實係每日忙碌中都能好好的倚靠他，只有他能使你親近，住左他的院子裡。
「誰是屬他的，誰是聖潔的？離罪而分別歸神的人。」尋日真係好感恩啊，因為阿琪，曲騏和micky都一一咁決左志信主……其實有好多事都係預計唔到嫁，係神冥冥中的安排，曲騏就係一個好好的例子，佢雖然係信左主，不過自己 經歷神不多，覺得有都是有空虛的，好奇心又強，甚麼都想去試，不過有些事可能都係神不喜悅的，不過經過今晚後，可能真是神所安排的，connie姐同佢講左好多野，我身為佢個好朋友和過來人，其實我都身同感受，突然有一大 班弟兄姊妹係多唱詩ow..感動左佢囉，雖然我無喊，不過都係覺得神仲會係你在一些低谷派一些同路人和你一起面對，真係好感恩，之後佢重心決志，我覺的佢真係開心左…我都好開心啊，之後micky都重新決志，日後有多幾個人返教會，一起面對，一起領受神的愛……
係個camp最搞笑的就係食飯過陣，有兩次都同陳培陽坐啊…佢食量好驚人啊，同toby有得fight…哈，俾我地話佢地兩個係失散多年的兄弟，其實都幾似~~^^ 講起好笑，最好笑就係夜晚同toby鋤大D….同佢玩真係笑死你嫁….每時每秒都帶俾我地有歡樂。得兩隻牌，一隻紅心2同"階專"8，佢竟然打隻8，又唔知我已經last card左…我過隻係J黎嫁…真係好好笑啊~~
營訓：
希伯來書12：14
「你們要追求與眾人和睦，並要追求聖潔；非聖潔沒有人能見主。」

營歌：
神願你來陶造我，使我在靈裡果子更多。
奇妙聖靈，請將心窩潔淨，剔出污穢願能成聖。
恩主我求能像你，心內柔和與謙卑。
憑熱愛熱誠感染萬千生命，彰顯美善靈性。