|
15號@@
我同charlie去左旺中行街~
係咁買野~因為今日帶左6百幾7百蚊出街~
收獲:1條,3件衫(有一件我已經唔係好鍾意),
1個銀包(我都唔知叫靚定唔靚),
一個背囊(又唔係好鍾意,因為會好易同人撞袋),
仲有一條超肉赤手鏈(有d比人[握]o既感覺
因為冇寫價錢牌,比佢刻左字先知要成50蚊~
刻野仲要手工費~之前都冇講~明玩野姐!!!
o個條o既死人手鏈~大家都個我唔鍾意戴野加ma~
貪得意先買~好肉赤呀~
仲有剪左個好7o既頭~唉....早知唔剪啦.....冇臉見人.....
16號@@
前幾日本來約左tungtung出街~但係.....
因為我剪左頭髮~所以我唔想出~
咁就放左人飛機........之後佢d親戚都黎埋~
想出都冇得出~不過我相信佢唔會怪我o既~
因為之前佢都放左我2次飛機~^U^
我就o係屋企玩下電腦~發下白日夢~睇下書就過左一日~
夜晚汁埋聽日去camp d 野~就訓覺.....
17,18號camp@@
今日去camp lu~本來約左charlie 12點樂富地鐵站等~
但係因為我要比張回條比佢mama幫我交~
所以要去埋佢屋企~所以突然改左個時候~11:30....
我就實趕唔到左~不過本來都唔會遲好多o既~
不過我落到樓下先發覺冇帶d回條~
就上返去拎啦~點知搵極都搵唔到禾~
最係成11:25先出到門口~唉....
我就想打比charlie叫佢唔好咁早出門口啦~
點知佢已經出左門~又冇帶手機~打左幾次都飛左去留言信箱..
晒左我幾分鐘電話費......之後仲要等錯車~
等左成6分幾鐘加ma....可能真係太耐冇搭MTR喇....
最後12:10先到....sorry,遲左8個字.....
之後就行返佢屋企~去到見到佢隻"喵"~
簡直係縮水版"喵喵"@@不過佢唔係貓仔黎嫁~
實在好得意~我同佢玩o既時候仲比佢"咬"~
不過唔痛o既~之後去買去camp d野食~
過馬路過得超危險~不過佢o個邊冇o麥車o既~
如果o係旺角~你咁過馬路就死左好耐~
我地去完7-11再去OK~勁掃野食~kaka~
之後去到彩虹地鐵站~話恆生銀行等~
點知有兩邊....我地就去錯左~搵返佢地之後~
就去搭小巴~行得慢到死~暈死我喇~
終於都到喇~原來又係form 1去o個個~唉......
一路都好悶~玩d野真係悶死我~
到夜晚BBQ~都唔錯~不過落雨...唔緊要,我地有大傘姐住~
不過仲係有水滴落黎~幾有氣氛@@
不過o個條紅色衫dede(其實佢係升form3o既)就黑人憎到死~
白白痴痴又成日尖叫~成日比我地串~
又比周sir玩~笑死我地!!!我地同周sir一路傾計一路燒~
知道左好多野~我知點分班喇~原來真係1-40名入~
之後睇埋英文~英文都得就入到喇~
仲有好多野~不過冇理由唱人~所以唔講喇~
我地B完之後D人仲燒樹葉~真係冇眼睇~
勁多煙~好似火(捉)咁~
之後返房沖涼~等到封塵.....
之後返去玩~玩下killer 果d啦~之後又傾下計~
突然佢地又發下癲~玩下枕頭大戰~
證實左佢地係"dogdog"地o既~我先唔同佢地一齊癲~
正o係佢地癲緊o既時候~我就食下野~聽下mp3咁啦~
因為佢地癲完又會正常返~之後玩下UNO呀,牌呀咁~
中途發生左借熱水煲事件~佢地問我地借啦~
咁"朱精"就好好心咁煲埋拎埋比佢地~
拎左幾次之後~就同佢地講佢拎得好辛苦~
不如佢地自己過黎拎~用完拎返過黎~
點知李LAM 竟然話話做O麥唔叫D FORM 1拎禾~
有冇搞錯呀~FORM 1都係人~你地自己要用~
做O麥唔係自己拎呀~個熱水煲係我地借返黎嫁~
仲要煲埋煲埋比你~你當你邊位呀~
之前仲要話我地自私~自己去借水煲唔幫埋佢地借~
食屎啦佢~一間房借到一個嫁咋~仲要拎鎖匙去借呀~
如果借到呀~我地點知你要呀~要又唔自己去借~
我地有咩義務幫你去借呀~仲話我地自私~當我地呀4牙~
之後自己入黎借仲要黑口黑臉~又叫我地針左先~
我地而家都唔想食杯麪住~你分明唔想拎返過黎姐~
我地都唔怪你~比你拎走~你仲要發脾氣~真係好唔gur~
去左呢個camp先知李lam係d咁o既人......
之後就玩到凌晨5點幾~"朱精"就一早訓左~
我地本來諗住唔訓嫁喇~話睇日出嫁~
點知講下講下講到個每日一篇~
點知羅小姐話佢一d都冇做過~我地咪話會比老師罵~
我地愈講佢就愈驚~冇心機玩~走左去訓~
搞到我地呢個通宵活動衰左~個個走晒去訓覺~
因為佢地聽日仲有個油旺camp要去~
驚聽日死晒~唉...有冇搞錯呀~我諗住唔訓加ma~
我都唔眼訓.....不過唔想訓都要訓...因為個個都訓晒~
我最後睇鐘o既時候已經係5點7~o個個已經聽到bird叫~
姐係就快天光啦~之後就慢慢訓著左~
破記錄呀~5點7!!!!!!我知我係最遲訓著o個個~
但係我係最早醒o個個~因為比我個電話鬧鐘吵醒左~
放o係耳邊~真係吵得醒喎!!!
charlie個電話鬧鐘就一直係咁ring~不過charlie都理佢~
繼續訓~最後都係我叫醒charlie~先熄左佢~
我對眼好紅呀~仲好痛~先訓左1個鐘+5個字~
不過之後玩都唔眼訓~d早餐好唔掂姐~
粥+炒麪+油炸鬼+腸粉~個look好唔掂~
見到都唔想食!!!!!個個都食左好少~
出去玩閃避球~第一局打和~因為只可以閃~
fok sir比人打中左~我地都話佢老喇~
走得唔快~之後第二局~可以接~玩到2打2~
我o個組餘返林先生同fok sir~之後林先生都比人打中左~
餘返fok sir~1打1~fok sir話自己係鋼門~
初初我地都唔信~點知最後fok sir真係win左!!!
之後我地自由活動~跟著食lunch~
個個都話唔食~因為見到個早餐~
點知lunch d 餸好好食~個個食到好飽~
之後就出camp喇~
我個lunch食左3餐呀~飽死我喇~
食lunch之前以為lunch好難食~又為左令個袋輕d~
所以食晒d零食...已經好飽~再加一個豐富o既lunch~
之後行左半粒鐘落山之後~全部人又去食糖水~
真係飽死.....
我發覺呢個camp可以睇清楚d人~我對好多人都唔同左睇法~
當然有好有壞啦~仲知道左好多野~
|