今日特登約左個長輩上黎, 

問左好多有關建造業入行既野,

一向唔鐘意污糟既我, 以為入呢行都幾少野揀,

點知多野揀到頭暈, 點解我個fd可以講得咁簡單, 一條直路上

知道佢呢幾日冇再頭暈, 就放心晒

我成日擔心沖沖下涼暈低咪大獲!?

終於肯應我wtsapp, 雖然好cool, 但希望唔係唔想同我講野啦

咁會好hurt架嘛。

早幾日fb有條友加我, 個名幾都大路下, 

一直都以為係中小學d唔顯眼既同學, 加左就算

點知今日無啦啦add我問我係咪家偉, 家咩偉啊

家偉明顯係ka wai, kai wing點睇都唔會讀到做家偉掛...

趁有時間了解, 希望快d搵到自己入邊行做邊避啦

 每日出街, 望住自己一櫃都係衫,

但著極都係A+B+C,

就好似茶餐廳D自選下午茶咁...

特別係外套, 我其實唔係特別鐘意牛仔外套,

但每次出街,

外著, 內襯, 總有佢既身影, 

究竟係佢太百搭, 定係我太懶去襯衫呢?

發覺每日寫Blog記低自己D事都幾有趣, 

但我字數好多! 生活隨筆定係日記, 我已經分唔清啦

我諗有耐性睇晒佢既人, 應該得一個, 就係我自己 哈哈

其實, 我而家先想放棄去澳洲係唔係正確決定呢, 好似顯到自己冇恆心冇骨氣咁,

但我想早d有成績比佢睇, 為咩都好。

遲d廿幾歲, 一定要做激光矯視, 因為男人如果冇得戴太陽眼鏡, 我覺得係個悲劇啊!

其實呢篇係縮字數練習, 縮有縮好, 唔縮有唔縮好, 定每日都打兩篇呢?

 題目不自覺打左forgive, 正如本應鬱悶既心情, 係番黎既時候唔知點解嬲嬲地一樣。

我其實都唔算一個唔識控制脾氣既人, 極其量, 唔識控制心情。

琴日打完blog, 去沖涼訓覺, 沖涼既時候諗起, 之前番貨既時候掉紙箱, 

同事話 : 今日婆婆實好開心啦, 咁多紙皮執。

我心入面覺得, 其實執紙皮唔係工作黎, 有得揀, 其實都唔揀執紙皮啦。

我覺得我同我同事完全係兩個世界既人, 

執開紙皮今日特別執多d, 老闆鬧人今日特別鬧少d, 

其實我諗係類近,  一碗苦茶變少始終都係苦, 大概就係咁, 

合理化佢, 都只係令自己好過d, 雖然令自己好過d其實冇咩唔好。

琴日話左, 今日同聽日都鋪左路打聽消息, 收獲都算幾豐富。

話說今日約左中學兄弟晏就食飯, Ruby Tuesday, Damn! 好貴, 真係好貴! 

我發個靚誓, 如果再去食, 一定要對象/女友在場!(其他人唔值我一餐飯使咁多囉。)

肥仔, 我諗我都係會留番係香港, 先讀個1牌再讀埋個3牌做科文啦,

雖然我唔想失信於大根, 都唔放心佢一個人過澳洲,

但係我講過想25歲前搵到3-4萬一個月啊, 講過就要做架啦。

你做建築我做風火水電, 你話幾好。

Rocco, 今日同得肥仔, Edwin出黎食飯, 都預左你在場架啦, 

第一次見面我就放心講心事既你都係第一個, 所以今次你會主動問有咩心事, 都唔出奇。

But i lie to you, 雖然話知, 但其實我都唔知道人地諗緊咩, so just wait。

其實我真係好怕人地嫌我煩, 但我真係有好多野想講先會講咁多。

仲有, 點解你見親面都問我係咪巨蟹座, 應問既唔問, 唔該問既走去問係巨蟹特色黎架咩!? BTW thx

Edwin, 我真係好羨慕你啊, 有個咁善解人意既女朋友, 佢既成熟度已經係女人啦, 你都快d變做男人襯番佢啦。

你d健身tips真係冇得輸, 90度胸貼地掌上壓嘛, ok冇問題, 拍埋手又點話。

酷兒啊, 沖涼唱你唱到就爛啦, 而我把聲根本仲未好番晒。

很想做誰的風兒, 來陪誰迷路。

"可否想也不想, 馬上戀上, 不必舉世讚賞, 

我也知道別人大概怎說, 流浪漢沒權利愛上。

可否僅此一雙, 既是天生也是天養。"

理咁多做咩, 唔做一次又點知係錯,

縱然再爛身爛勢, 有d資格, 係唔需要人同意就擁有。

本身以為係食太多甜野, 加埋Ruby Tuesday 杯cocktail終於頂唔順牙痛, 

omg唔通有蛀牙!? 發現原來係牙側邊生飛之, 好彩定唔好彩啊?

放棄掛RC一晚, 早D訓準備聽日要做既野。

 呢個二月係我辭左第一份工既月份, 本身好好咁用二月黎做一直想做既野,

但因為未習慣工作生活而積累既疲倦, 加上差唔多日日都天光先訓, 結果除左健身之外, 咩都冇做過。

今日打去搵番經理, "我想番Parttime啊, 鋪頭夠唔夠人手啊?" "暫時都夠"

唔緊要, 好在聽日同後日都鋪定大路, 冇錯係大路, 我呢個Phy撚唔係電機就建造業, 雖然唔想承認, 但係都明白自己離唔開呢類行業架啦。

BTW我唔要做粗人, 唔要做麻甩佬, 斯斯文文既柔弱書生Feel請你一直跟住我啦 哈哈哈

十二夜, 一套2000年既港產片, 睇過一次之後就深深吸引我, 一夜一句, 十二夜十二句, 

我覺得, 好快好快, 自己就會親身接觸到呢D句子, 當中既含意同當年仲未拍過拖既我無關, 雖然我係朋友間既愛情治療師, 超級矛盾。

近呢三晚, 睇完直播之後, 除左係RC等人, 就睇十二夜, 當然唔係剩係睇戲啦, 做下其他野, 最後將一套十二夜分開三節睇。

由以前到而家, 電視都係深夜先播, 我睇到第七夜就已經忍唔住訓著, 從來未好好咁睇完成套戲。

第七夜 - 你快樂, 所以我快樂?

其實都幾岩既, 你快樂, 至少我知道你快樂, 唔會亂估。

講笑咩, 其實邊有可能, 對方快樂到忽略自己既時候, 又點會笑得出,

因為對方根本冇同你接通, 連分享既想法都冇, 快樂就自然變成單方面。

所以, Jeannie再堅持都係冇用, 最後咪棧自己掉落, 令自己灰心。

黑夜不再來, 係佢既電影主題曲, 特別既係, 戲同歌, 係我分別接觸, 分別迷上

"如果將街燈的光線代表真愛, 或者熄燈了會更發現你存在"

你唔係帶黎光明咁簡單啊, 你係我眼中, 你本身就係光。

"誰叫我這樣活該, 縛起雙手給你愛, 愛到兩腳浸沒在大海不懂再走開"

充分表現, 以對方為前題既感覺, 全心全意為左一個人一件事, 是令人著迷的。

"如果將香煙點給我代表深愛, 或者煙熄了會更震撼與期待"

呢段將角度切換, 變成被愛一方, 有人對自己好, 漸漸習慣, 變成理所當然, 變成煩厭

"難道討好我等於鼓勵我去歧視你, 一手將心摔下來"

或者, 你唔再幫我點煙, 我至會伸手去抓緊個火機, 否則, 都只係浪費你既愛

"嫌棄你想再會, 被丟低想反悔, 誰叫我要靠別人待薄才配"

掙扎, 我覺得其實唔係源於犯賤, 只係你太愛對方, 無論如何都想係佢身邊。

"如果一呼氣一吸氣代表相愛, 或者淹死我會更發現你存在, 

如果日夜一起想不起我曾被愛, 難道分手會令感動再來?"

淹死才察覺呼吸, 分手卻因為太習慣相愛, 難道分手會令感動再來先係正解。

呢兩日既夜晚除左睇戲, 都係係到打下blog, 聽下歌, 離唔開紙箱國, 離唔開酷兒。

一首好童話式, 另一首充滿一種本能既渴望, 兩首都好鐘意, 

不過, 聽日先講啦, 再講真係怕自己會忍唔住。

今日先發現近呢個禮拜都係起身肚餓, 之後晏就...umm有陣時係5-6點啦, 然後神奇既事情就會發生

一直到天光8點都唔會覺得肚餓, haha點解前排番工既時候未學識呢d特技呢, 話多唔多前後起碼慳多兩三千

okay, 其實我知自己唔係唔肚餓, 只係冇胃口唔識餓姐, 完全明白照咁落去, 未等到之前我已經會因為營養失調死左先

好地地渾渾噩噩玩facebook, 做咩玩番qooza?

東窗事發有原因, 第一我知道根本冇人會睇, 第二根本冇人知我有ac(?), 第三我意識到原來連係facebook發洩下都係有限制,

But what can i do? I really need to find a place to vent it.

睇左華爾街狼人, 李安納度果套呢, 應該算係傳記形式寫成。

令我諗到d野, 咩係成功, 咩係成熟?

Jordan Belfort咁?Oh yeah, 搵大錢搬大屋, 年紀輕輕身家千萬, 想玩咩就玩咩。

Come on, 首要條件, 唔背住良心係搵唔到大錢。一蚊就係一蚊, 你只可以將果一蚊由人地戶口搬去你戶口, 事實上係冇變。

你可以話, 一買一賣公平交易, 何來唔良心?

如果唔推高價格,唔用任何威迫利誘既一買一賣的確係公平交易, 但我覺得呢種唔係賺錢, 頂多叫以物易物/交換。

Jordan第一任老婆都講過"點解唔賣比d蝕得起既人?"

事實係正如Jordan心入面講既一樣"果d有錢人只會比自己更聰明, 又點會比錢你賺?"

How about 成熟? 戴上厚黑學既面具去工作對我黎講已經好足夠, 如果你間唔中同我會有衝突,會覺得我搬d blah-blah-blah出黎好煩?

恭喜你, 咁代表我係你面前仍然係我, 一個唔裝模作樣, 會緊張, 會傻傻下, 對於某d野會上心既我。

其實我都覺得自己職場上都算幾厚黑, 係公司公事私事永遠係個yes man, 對住d核突佬肉騰騰咁係面前試你十幾套衫都仲可以笑笑口, 

比著私底下, 真係fuck off啦大陸佬, 又要買名牌又要嫌貴又要咩size咩款都試一餐, well...模擬示範姐。

諗番早幾年, 人際關係真係好少考起我, 因為我知道我講咩, 用咩語氣, 做咩舉止, 對方就係跟我所想咁有一樣既反應同行動

一動一靜全部控制得清清楚楚, 又點會有問題? 直到有一日我覺得呢個唔係我, 我唔應該係個咁既人, I let him go, 放走左果個我

雖然話係擺脫佢, 但累積落黎既野始終都要還, 習慣封閉自己, 唔識點同人打開心扉傾談, 咁唯有對人對事都盡信, 務求係信任人當中搵到被人信任既方法

但好在, 我仲有一個推心置腹既兄弟, 直到佢狠狠咁背棄我同中傷果我, 莫論我唔係鄭子誠, 而我都冇陰謀。

有做冇做既野比人搬上枱, 一句證實都冇就令全世界當我公敵, fine, 當係罪有應得?

Anyway, 越說越偏, 今次事源係我唔清唔楚, 誤會令我以為自己今日得左, 第二日又話冇可能, 搞到頻頻講錯野。 

企得太近, 失去焦點, 所以關於愛情我好蠢好鈍,甚至唔識好好表達自己, 你怪我嬲我, 唔緊要, 最怕嚇走你

好多野, 講過就係, 包括愛你, 等你, 如果你肯, 我甚至想照顧你 

講出黎, 連自己都笑, wing啊wing 你係個冇得救既超級大傻仔

其實自己好多事, 都好鐘意用音樂, 用電影黎比喻, 我知抽象我知冇人明, 不過是但啦

曾經為著一個女仔守左三年, 佢當時講既時間唔岩, 屋企唔比, 會考將臨, 我信左三年, 佢話, 你要努力做個配得起大家既男人

就好似電影劇情咁, 努力讀書, 努力賺錢, 甚至做一份有競爭而自己連工作經驗都冇既工, 可以搵萬五六一個月, 

老實講, 我覺得自己都幾誇張, 但我突然聽到"喂, 齣戲閉幕啦"  佢要既唔係我既辛勞, 都唔係我既付出, 甚至唔係要我既錢, 成果, 生活

佢只係要一個滿足自己任性既環境, 而佢只係想緊隨呢個環境快活下去。Let her go.

過去既過去, 初戀都不在話下, 呢刻覺得自己幾似寫緊影評, 睇黎未來可能可以係blog到寫埋業餘影評(笑

最後一件事, 我個fd竟然鐘意左果條仆街, 上得高登終遇虎, 

唉, 要講既都同佢講左, 真係睇佢自己造化, 但呢d食女食到上腦既仆街, 我係咪都應該加入見獲打獲行動呢?