試過唔去注意, 始終手賤禁左入去, 再度掀起漣漪, 再度猜想千百轉。

Don't get too close it's dark inside

我自己有幾黑, 其實我真係太清楚,

立即變黑亦得, 得左!

訓左3個半鐘就去番工, 好攰啊, 

點解我唔係一個電腦毒撚呢, 咁我咪好易上手好易跑數囉...sad

 不過比較多既叫在職貧窮咁解姐

今朝未訓醒就收到call, 叫我去面試,

面試開始前一分鐘, Esprit就打黎想叫我番工, 但係唔好意思既係, 

我面試緊要過份parttime...最基本既中文自我介紹完之後, 

就單方面同我講上班需知...

暫時長番沙田, 第一城, 應該跑佣so easy啦。

第一日番工就要去馬鞍山頂更, 好遠啊。

等到你番黎先算啦!

 因為一個人一D事, 終於令到自己知道自己係個點既人, 

終於訂立自己明確既目標, 見到理想中既自己, 

同埋, 終於知道"咩係可以做但冇資格比人知"係咩感覺。

明知道對自己係唔容易, 但知道左應該點行既同時, 都接受左自己要面對既事,

雖然未知道自己應該用咩方式面對, 對比以往明知去到面前都唔去正視, 

而家感覺上反而多左分享受, 或者呢兩年輕鬆得太耐, 連自己本性係點差d忘記左。

將之後既所有, 全部都不偏不倚地面對

 "小時候以為大人知曉世界上的一切, 根本沒有迷茫的事情, 

  但是再看看自己變成大人後, 世上的事也好, 自己的事也好, 沒有一件事是弄明白的。"

至從經歷過第一次之後, 一直都知道人同人係可以由陌生到熟悉, 以至關心再到陌生,

然而同樣繼續活動於同一個群體。

嗯, 冇錯, 我係知道係可以咁, 但每次我都會受唔住呢個起跌, 有離開呢個群體既衝動,

但當想到必定有人會話, 

"佢走左, 緊係佢同啊邊個嘈左啦" , "最衰都係佢啦, 搞到啊邊個走左" , 

一諗到呢d說話, 我會選擇忍住走既衝動,

每次走先既都係對方,

每次都會有人同我講"係佢自己走姐, 唔關你事既"

雖然會有人話唔關我事, 但弦外之音, 大家都聽得出。

如果覺得唔關我事既, 又何必特登去同我講唔關我事呢?

可能, 有人覺得繼續扮冇野咁留低咁相處, 算係一種厚顏, 算係一種薄情。

我只係唔希望私人瓜葛影響到群體, 更唔希望因為有人離開而變質。

但往往走先既, 都係對方。

其實我唔想見到對方因為呢d事而少左一班朋友,

如果可以, 走既應該係我, 

如果你想, 只需要你開口, 

如果認為要走都係我走, 雖然會因為對方既既唔再重視而傷心, 但又會因為對方唔會少左班朋友而安心,

然後, 走既係我, 無因為咩原因, 只係覺得, 忍住去關心既衝動, 比起疏遠一班人更難受。

我唔搵你, 只係因為有時我唔識得去相處, 雖然冇野比你做證明, 但係我會一直愛你。

其實聽到一句晚安, 我已經好開心