潛水潛左好耐好耐既天月姐突然間上水, 無聊吹左幾句, 原來佢都同我一樣冇打機好耐, 剩係番工,

well, 番6休1既生活其實唔討厭, 仲幾enjoy, 但係就認真悶左d 

簡單而隆重

常人生命　是數十年
起碼十年　苦失戀
遲來一日　甜蜜就更短
我早識你　早愛定　快幾年

旁人都話　未免快點
多看十年　多觀察點
明年或有大戰亂　拖　拍得那麼遠
擔心有承諾　不能實踐　Ha

＊假如動心　假如認真　不如就早婚
想待你好　想多相處　想令你安心
假如著緊　不如別等　既然合襯　＊

不必再找來和找去　教堂前跟你熱吻

潮流生活　就算自由
戀愛問題　很保守
碰到真愛立刻抱住　要研究多久
肯定愛　何必有保留

Repeat ＊

口講也許毫無根據　不如來一吻
地上沒幾多愛侶　夠老慶祝到金婚
若愛定了　為何還要等

假如動心　假如認真　不如就早婚
金屬戒指　簡單婚禮　一樣夠窩心
假如著緊　不如別等　既然合襯
早一秒　給旁人知道
有人還相信　那最舊派婚姻
十八直到近百　要做世上最大情人

講得岩, 時間短暫, 考慮咁多, 浪費時間不如一試

碰到真愛立刻抱住　要研究多久
肯定愛　何必有保留

Goodnight dear

 朝早知醒番工, 係一件好事, 但係發夢自己開會比人炒, 嚇醒就係另一回事, 痴線, 我做得好地地發埋呢d夢真係嚇鬼。

The one that got away, 幾多次幾多次都係咁好聽, 

In another life, you would be my girl . 

an唔another life都一樣咁愛你, 不過當諗六月, 又即刻醒起, 

去旅行舊錢之外, 仲要預2個月份量既吃喝玩樂基金,

唔係到時你番到黎我冇錢出街就大檸樂啦。

今日傾過條數, 老老實實, 最高gp果幾壇野都比晒ricky, 我同billy係咪真係要食屎???

盒仔, router, usb sd卡同埋harddisk仲有最近門口果2台野都入佢單, 咁我同billy係咪賣lan線,keyboard每個月賺4萬4???

咪玩小弟啦, 最好食果d入晒佢單, 咁除非d人係食lan線維生, 唔係邊得黎咁多人買呢d雜物???

今日突然間醒覺, 覺得乜都係假, 貯個首期凹番層樓實際d, 咁除左溝女, 搵食, 貯錢, 黎多左個終極大佬啦今次, 香港人共通既大佬sosad

鬼叫我睇左公屋, 居屋, 私樓既潮文咩!!!

 今日睇youtube最深刻一句, I miss you and I love you all.

放假真係萬惡, 一行街就發現好多野要買

 按照每年慣例都係愚人娛己再愚己

今日放工番屋企既途中係到諗, 話咁快就到四月, 仲有2個月你就番黎, 啊唔係, 係2個半月先岩

諗到呢到, 就將思路暫停, 夠啦夠啦, 唔好想深入, 然後繼續踩著雨水向前行

因為再多想都係冇意思, 畢竟唔係一個人亂諗可以決定發展同結果。

今日鋪頭都算幾靜, 靜到夠我係外面睇足成套美國隊長, 

睇到尾聲既時候, 有一班學生妹比display播緊既韓風吸引, 輾轉望住我都望緊既美國隊長, 

屌, 真係好撚型囉好冇?

戲裡"你已經沉睡左七十年了, 隊長"

戲外"呢套咩黎架?", "唔知wo, 佢好似去左七十年後既世界啊"

戲裡"What?"

戲外"呢套係美國隊長啊"

估唔到呢幾年賣得咁行, 竟然會有人唔知超級英雄電影...

認唔到隊長, 都應該認到單眼佬掛!?

不過都好, 又吸引到人投marvel呢個坑。

成功約到人陪我睇美國隊長2, 太好既係我岩岩今日有重溫完第一集,

原來續集上之前播番第一集係有意想不到既效果, 成功賣到唔少機, 可惜條數唔計去4月啦 sosad!!!!!!!

 好多時候, 好似不著邊際既說話, 我往往會留低一d線索, 關於自己真正心情既線索

掛係口邊一段時間既人既事, 突然之間絕口不提, 任誰都會知道發生咩事吧?

死心了嗎?放棄了嗎?有新目標吧?

我愛你你愛我, 我愛你你不愛我, 我愛你我愛你, 講太多就邊成迫你愛我, 乾脆咩都唔好講

我選擇任由佢放置係生活上既一旁, 視野內既一角, 每一秒都會見到, 每一刻都會記得

我唔清楚我既日記會唔會同樣出現係你既眼光之內,

我唔清楚其實大家破裂之後, 其實仲係咪仲繼續有交集, 

我只係知道無論如果去年, 今年, 往後, 你都係我最珍惜既人

當你回來, 再度問起同樣問題既時候, 無論咩時機問我, 我都會照直答你。

Come on !