好晏既一日, 而家都仲未訓既我, 一陣點番工, 

有時望住自己為錢而努力, 真係有d不齒, 雖然我清楚我係為錢背後既事而努力緊(例如旅行啊, 一個休閒既六七月之類)

但其實說到底/眼前既, 始終都只係為錢努力, all right, 繼續落去都係一件好事

研究直播, 放工番黎再解決埋d小問題佢就完美過關!

尋日sell野既時候, 好似發堀到d之前學唔成既skill, 最後連消帶打咁賺左800gp, 

岩岩過左新手時期, 對於up-sell呢樣野, 睇黎又有排玩。

尋日最後一單, 有個想買wifi蛋既客, 見到680蚊就即刻打左個凸,

咁心入面我都承認, 我地鋪係貴外面好多, 不過你唔係到買, 就晒時間車錢出去買都得既。

由9折去到齊頭600, 佢終於話"我去禁錢先" , 救命, 你唔買咪唔買囉, 使唔使話去禁機, 

年終都唔少人睇完唔買有咩咁出奇, 係都要作個大話出黎

古靈精怪

時間跳番黎9號, 即係今日, 晏d去睇美國隊長2, 陣容, 裝備, 畫面, 劇情, 伏線都比上集豐富得多, 

傳聞仲講到美國隊長2連貫晒咁多套英雄電影, 咁咪配合番隊長原著既領導地位?

製作人既心思真係不得了。

 越黎越期待六月到來, 工作上未算得上順利, 但越黎越上手, 係一件唔錯既事, 

同事有D獨斷, 唔係全心全意sell內場既野就好心唔好衝入黎爭住做啦好嗎?

今日有人問我, 你會唔會追一個人追足幾年

"試過啦"

"咁結果點啊?"

"有咩點?可以點?咪又係咁"其實我唔多識答

"唔覺得浪費左幾年時間架咩?"

"唔覺啊, 有咩浪唔浪費?" 我同Johnson既答案一樣, 係睇你有幾鐘意果個人姐, 所以我唔介意。

"比著我兩三個月貨仔就算數啦"

"咁你鐘意極人都好有限wo兄弟"

"咁你而家呢, 有冇對象啊?"佢再問

"嗯, 等緊"

"等緊人啊?打算點做啊而家"

"冇咩點做, 佢係好遠, 冇咩所謂啦, 六月再算"

"咁六月如果唔得呢?咁咪晒左d時間?"

"點會晒, 一切都值得, 不過講番, 六月之後真係唔得, 我都唔知我會點, 睇下對方點答啦"

"吓, 咁點答你又會點啊?繼續煲落去啊?"

"唔知啊, 可能啦, 等到佢讀完晒書番黎都唔出奇"

"咁神心, 咁如果到時人地拖住個番黎咁你點算啊?"

"再算啦, 起碼而家呢幾年可以專注事業嘛!我肯定如果係香港搵到個, 一定掛住拍拖, 我錫女朋友一定多過錫份工架wo"

我冇講既係, 我既樂觀令我唔認為自己會失敗, 但如果到時真係發生, 我真係唔知可以點...

 近呢幾日成日諗, 好似簡單而隆重既歌詞入面, 早幾年開始, 愛多幾年時間, 對我黎講, 少左一天一秒一刻, 都miss得太多,

想開口而偏偏望到上次一對話, 覺得距離好遠好冷淡, 我唔知係咪現代人慣左wtsapp既錯覺, 定係事實想對我冷淡

不過呢, 就有樣野好肯定, 就係我今次真係認真, 認真左, 認真過龍, 而且想更認真落去。

If you have something get wrong, let me fix it

讓愛再回到原點...唱到呢到, 真係會有D眼濕濕

 最近耳機壞左, 月尾呢樣野, 其實係持續性既, 鬼叫我2月成個月都冇番工咩, 

成個3月都係食自己, 咁岩去馬鞍山頂人更, 仲收到風有隻新興耳機

d聲拍得住shure隻535, 會唔會咁過份啊, 仲有埋低音, 嗚哇, 二話不說買左先, 五百幾2隻比我殺到四百五, 知道cost真係冇野係冇可能。

至初初番工之後, 第2次去馬鞍山店, 見到既世界完全唔同晒,

沙田店既2個同事都因為怕瀨屎上身, 避開唔賣某d野, 

好啦, 賣邊d唔賣邊d係你既自由, 但唔係件貨有問題, 唔應該覺得某d貨係固有問題而唔掂佢, 我覺得成件事係錯晒sosad

我唔會放棄, 邊到死過一次就邊到黎多次, 挑!