22號, 禮拜二, 冇應承同事既掉假, 繼續放禮拜三,
番緊公司既時候見到有條友突然攬埋黎, 原來係一個舊朋友, 佢話我知, 佢又轉工, 黎左沙田做。
其實我同佢分道揚鑣既呢幾年都一直諗, 究竟我地仲係咪朋友, 究竟會唔會係好似好多好多人一樣, 靠近一番又再遠離,
心底裡, 我係想同佢繼續做朋友, 話唔再信佢, 其實我自己都做唔到, 6年相識, 攤牌應該合適d。
我有個朋友, 一場約會, 令佢同佢既小學同學一齊, 呢場係一場long d, 佢同佢女朋友一個係香港, 一個係英國
一場平凡既long d, 身為基督徒既女友, 有好多規矩, 唔係基督徒既佢, 自然一d都唔理解。
冒住時差既佢, 一邊番工一邊盡力保持多d連繫, 唔想因為分隔異地而令佢感到不安, 唔想因為時差, 而錯過交流同親蜜既時間。
直到某日佢發現女朋友同一位教友行得好埋, 發現一d唔應該發現既野, 一向思想簡單既佢終於忍唔住攤牌, 當然得到既答案係否認。
分手之後, 佢搵我訴苦, 一向甚少主動聯絡既我地, 通常唔係有大問題就係因為寂寞過剩, 留意到facebook少左恩愛照, 所以我都唔意外。
雖然佢無喊出聲, 但係當佢好似細路咁講左句"我真係好愛佢", 佢既失落可想而知。
係一個月之後我朋友似乎開心番唔少, 最大原因係佢既女同學, 之後佢地會走埋一齊都係預料之內。
只係事隔冇耐, 我朋友話, 果個飛左佢既前女友搵番佢, 要求重修舊好,
我知道佢心底最愛既人係ex, 但係咁而家呢個女朋友呢?就咁掉低就算?
最後最後, 佢都冇同Ex係番埋一齊, 原因可能係唔想再信佢, 可能覺得唔應該對唔住現任。
Whatever, 有好多既曾經係番唔到轉頭, 再留係過去都係無補於事。
可能佢其實唔明白呢個道理, 但至少佢做到了。
呢個問題, 又有幾多人願意聽得入耳, 又有幾多人肯去面對??? |
