今日又係7:00醒喇..整野同埋換衫//

攪掂好晒就打比姵妏..跟住出門口//

同佢一齊行..佢到左我就自己行//

返到去傾左陣計就要過去禮堂喇..要早會呀今日//

上ERS..屈老師話我地班差左..話左陣就睇書喇//

小息..陪黃曉瑩去DT室入電腦果份功課..整完就上返去喇//

中文堂..MISS WONG又話人喇..之後就教書//

小息去左買野食..之後上電腦堂..悶爆囉..黃SIR好煩呀//

之後上圖書堂..又係悶悶悶..果個老師又係好煩呀//

LUNCH返屋企食..2:05就出門喇..見到楊婉瑜..鄧芷YING同埋關靜儀//

見到佢地就梗係揮下手喇..點知楊婉瑜跌左個銀包係地下//

真係好抵死呀..之後一齊行返學喇..返到去又傾計//

之後上音樂堂..好悶呀..又要吹笛..抽號碼呀..點知抽中我//

我都冇練過..嚇死我呀 ..好彩都吹到..如果唔得就要留堂喇//

3:45放學喇..黃曉瑩又要我陪佢搵老師..搵就返屋企喇//

4:10返到..跟住開電腦同埋睇電視..仲有食野.. //

6:10落左街同呀媽去食飯..又係去"千味食坊"食//

好好食呀..又係飲朱古力咖啡...真係好好正呀//

夜晚係屋企玩電腦同埋睇電視..仲有做體能//

因為我唔想星期六打波再打得唔好..所以而家係屋企練下//

不過..就隻腳仲係有少少痛..瘀左果度..仲係好大舊呀//

今日又係7:00醒喇..整完野就打比姵妏喇//

又係同佢一齊行返學..呢幾日都係咁呀//

8:00就返到學..一返到去比人坐左我果位//

真係討厭呀..之後就去左禮堂喇..有早會呀今日//

普通話堂都OK..上數學堂派卷呀..我心中有數//

知道今次既數學一定唔係好掂..但係無論如何一定要合格//

因為唔合格就會大檸樂..星期六就要返學校上基礎班//

收到卷..係合格既,..但係就唔太高分喇..今次一定唔可以考25內喇//

中文..佛學同埋中史堂都係派卷..好彩科科都合格咋//

除左數學..中文..佛學同埋中史我都幾滿意架..希望仲有果兩科考好D喇//

LUNCH返屋企食..家姐同媽咪都係度喎..家姐唔使返工呀//

2:05同媽咪出門口..之後就上視藝堂喇..時間好快就過喇//

傾下計食下糖..之後就返屋企喇..換衫喇約左姵妏整野//

同姵妏講野好好笑呀..佢話街市我聽左嘉智..笑死我喇//

去蝴蝶..佢要買薯仔呀..之後買下野食..5:00去左搵呀媽//

又買野食..仲見到倩怡tim ar..我地仲抱抱呀..keekee//

5:40返到屋企喇..開電腦..楊婉瑜幫我做左電腦幗圖喇//

thxthx唷..因為我要拎校服去改呀..條裙太短喇..姐係我高左喇//

夜晚我喊呀..因為我覺得自己今次考得唔好..希望下好d喇//

今日7:00起身..之後就刷牙換衫喇..好快攪掂//

7:30就打比姵妏喇..7:45出門口..同佢返學//

上DT堂又係爆悶..成日都要人畫圖..又悶又煩//

中文堂MISS WONG又冇返..冇得對卷..又要等聽日//

今日班男仔係咁話馬文暉鐘意我喎..一定唔係喇..都低低地既//

不過佢咁樣衰..就算係我呀哥(徐仔)都靚仔過佢多多聲喇//

英文堂就派左卷喇..合格..60幾分..同上次差唔多//

1:00練習走火警..好煩呀..熱死人喇..晒時間//

之後又上返4樓拎書..LUNCH返屋企食..又打比姵妏//

初初以為佢會去同小學打排球TIM..點知佢好乖乖溫書唔去//

佢又幫我整個日記..THXTHX唷..好靚呀..2:10就出門口喇//

今日要去週會呀..數學堂都冇埋呀..又冇得對卷//

係禮堂聽人地唱流行版既佛歌..好悶呀..係咁釣魚//

又比老師話仲攪到遲放呀..頂呀..4:20先放人走..有病架//

之後就返屋企玩電腦打日記喇..今日好爆熱呀..成身濕晒//

夜晚食飯沖涼..同劉力晴玩眼仔..又同佢同埋楊婉瑜傾電話//

聽日可以換夏季喇..一定要轉夏季..仲約左佢地一齊換//

隻腳仲係好痛呀..仲要撞親隻腳指..痛上加痛呀..痛死喇//

今日本來10:00已經醒左..但係唔係好想起身//

因為隻腳好痛呀..琴日打完排球就好痛喇//

10:15正式起身..之後就啦啦聲咁整野喇//

同媽咪去左啟豐既"千味食坊"食早餐..好正呀//

又係飲"朱古力咖啡"..因為真係好好味呀..好掂呀//

果個姐姐仲問我琴日果個係咪我排球ar sir..佢話ar sir好慈祥呀//

楊sir又真係好好人既..食完搭車出街喇..去碼頭搭車//

又要轉車..好煩呀..本來去小欖跳蚤市場行下架..但係搭錯車//

咁就出左荃灣喇..回程先再去小欖跳蚤市場喇..落左車就行街喇//

行左好耐呀..又買左對鞋同埋香薰..3:00去左吉野家食野喇//

食煎雞飯..好好味呀..食到飽飽..本來媽咪話去呀婆屋企架//

但係我唔想上去..所以就唔去..搭車去小欖跳蚤市場//

落左車行左成15分鐘先到..又好靜喎..又未去過..跟住d牌行//

行到入去..見到好多人呀..仲見到牛牛tim ar..都冇乜野好行//

之後又行返出去搭車返屋企..嘩..見到好多狗呀..嚇死我呀//

落車就自己行返屋企..呀媽去買送呀..返到去就開電腦喇//

今日六點就起身喇..好眼訓呀 ..之後就換衫喇//

6:25就打比姵妏..睇下佢攪掂未..之後就同埋出門口//

落到去見到凱文同佢媽咪..佢話冇波呀..之後我同媛上去拎波//

之後就一齊行去體育館..一路行一路笑同傾計..因為要一個禮拜先見到次//

去到就練波喇..由7:00~8:00同"浩悅"練..8:00~10:00同小學練//

好累呀..仲整親隻腳..瘀左呀..痛死我呀真係 ..練完就去啟豐食野//

又去左"千味食坊"食..我地仲請呀sir tim..好乖呀我地//

本來今日可以同青松打friendly..但係突然又唔可以打喎//

倩怡果miss反口喎..真係好唔掂囉..佢個老師好黑人憎呀//

之後係卓麗傾左陣計..一點幾就返小學練波喇..練得好差囉//

好嬲囉..我都知道自己番臉黑晒..因為我都係好嬲自己囉//

但係咁都可以嘗試下失敗既滋味..我知道我地係輸咩喇//

我地唔係輸技術..而係輸比我地自己..聽完呀sir咁講//

我明白左喇..下次一定會更加努力..過左陣就冇事喇//

同呀sir佢地去食野..芷瑩同凱文都黎左食野..之後去卓麗玩下//

凱文同芷瑩好合拍呀..如果凱文係男仔就好喇..雖然佢真係好似//

我地又打迷你排球呀..哈哈 ..好得意呀..但係真係打到呀//

呀sir仲"咩'住我呀..佢係咁係度跳跳跳..嚇死我呀真係//

呀sir今晚呀sir去練波..我同芷瑩佢講笑..話去睇呀sir練波就去唱k//

點知佢真係想喎..所以就約下喇..我都好想唱k呀//

7:30返到屋企喇..又同芷瑩傾下去唱k既野..//

原來好貴喎..唱"貓頭鷹"時間..但係呀媛話累唔去..得我..芷瑩同佢媽咪//

太少人喇..所以就決定唔去喇..下次先喇..因為"貓頭鷹"時間成一點先開始唱//

夜晚係屋企睇下電視玩電腦同埋同姵妏傾電話..聽日出街//

雖然今日係有失敗..但係我地一定再努力..下次唔會再輸//

突然發現今日整親隻腳果度..係瘀到好利害..超爆痛呀//