今日8:00就起身喇..一起身覺得成身都好痕//

原來好多蚊蚊咬呀..痕死我喇..討厭呀//

起身就刷牙..做下面部護理..之後開電腦//

但係成日都hand機..又同寧寧傾電話//

10:15就同姵妏落去喇..去買野食//

之後就去搭車..同埋寧寧一齊搭車去大興體育館//

去到睇倩怡比賽..打得唔錯..但係輸左呀//

佢地特登輸架..因為要次名出線..但係倩怡都喊呀//

傻女..唔使咁喇..之後去食野同埋倩怡果班//

本來諗住同呀sir一齊食..點知佢唔知道呀//

我地成班去左食牛什麵呀..都幾好食既//

之後搭車去倩怡中學打..但係個校工太煩//

就返小學喇..練波呀..又熱又曬呀 ..支力爆呀//

ar sir要我地加強練習..而家愈練愈嚴呀//

因為ar sir想我地隊波除左守得仲要攻得//

要我地三傳同埋追波..4:35就打完喇//

成班去啟豐食下午茶..好好笑呀..我地成班都係青山之友 //

我就成個傻婆咁..之後成班上左"卓麗"睇波衫//

又玩細細個既排球仔..好好笑呀..但係都有難道架//

又要三傳呀..好難架..但係都做到呀..勁開心呀//

即刻打比楊sir..最衰佢走左喇..如果唔係佢就睇到喇//

又睇下遲d一班人去camp..我諗一定好好玩喇//

七點幾先同呀媛一齊返屋企..之後食飯睇電視//

聽日呀sir去黃大仙比賽喇..加油呀..我地唔去喇//

因為聽日我有野做呀..下次係荃灣就去喇//

今日7:00就彈起身喇..仲撞親隻腳呀//

之後就整野喇..打比姵妏..7:45同媽咪出門口//

返到去成身濕晒喇..之後傾下計就去禮堂喇//

今日早會呀..之後上閱讀堂..都OK呀..睇書MA//

上ERS堂..老師講左好多野先睇書..所以好快落堂//

星期五家長日呀..果日12:55就放學喇..正呀//

中文堂作文呀..四個人一組呀..作遊戲玩法//

我地作"煮飯仔"呀..好好笑呀..之後上電腦堂//

有個新既老師教..果個老師好惡呀..唔識笑架//

之後上數學堂..點知個門開唔到..等左好耐..好快落堂//

LUNCH返屋企食..2:10出門口..上音樂堂..仲以為好悶//

點知MISS朱話最尾果堂同我地去禮堂睇F.2既時裝表演//

3:45就放學喇..去打排球..點知彤彤果個波比人整壞左呀//

同蘇SIR講..跟住蘇SIR借左個排球比我地..去操場打//

點知操場又有人要步操..去左棉景打..好多蚊咬呀//

之後同小瑩子去搵彤彤..唔見佢喎..之後又去返棉景//

原來彤彤過左去..同佢地拎埋個書包就走喇//

同佢地返一返學校去個洗手間先..之後我就去搵呀媽喇//

又去買甜筒食..6:00返到屋企喇..即刻沖個涼先//

食完飯訓覺覺..訓到成9:00起身..起身成身都好痕呀//

之後做下功課..同倩怡同埋姵妏傾電話..又打比呀sir//

聽日去睇倩怡比賽..呀sir都去呀..倩怡要比賽心機喇//

唔知點解今日無啦啦6:20又彈左起身//

訓到7:00起身整野..攪掂打比姵妏//

7:45同媽咪一齊出門口..之後同姵妏一齊行//

姵妏紮頭髮咪幫佢拎袋囉..嘩..點知佢個袋重爆//

8:00返到學喇..發現唔記得帶中吏作業..真係大檸樂//

跟住小彤子啦啦聲幫我搵人借..好彩借到..唔使留堂//

之後就過禮堂早會..之後就上閱讀堂喇..悶左少少喇//

普通話係好悶好悶..數學堂好煩好煩..果個張老師係咁話人//

中文堂做小測~本來佛學堂..而家做左綜人..真係悶到喇//

講埋晒d勁難既野..都唔知佢講乜..又講星期一執垃圾既事//

中吏堂都OK LA..LUNCH返屋企食..家姐又唔使返工//

2:00同媽咪一齊出門口..返到去傾下計..上視藝堂//

都唔係好悶姐..係度油顏色..3:45就放學喇..好準時//

之後同小瑩子..小彤子同埋楊婉瑜上電腦室做電腦功課//

做完就落左操場打排球..好多人呀..成7個呀..好熱鬧呀//

打打下果陣..見到MISS屈呀..見佢望住我地以為想鬧我地//

原來唔係..佢仲叫我地繼續打..好好笑呀..同佢地好好玩呀//

4:45就同楊婉瑜去買野喇..去左OK買野飲先..正呀..爽//

又見到媛媛呀..佢去買禮物比人呀..楊婉瑜話佢好似化左妝//

其實佢係冇架..但係媛媛真係幾靚女嫁..仲好可愛TIM AR//

去左"萬寧"..但係冇買到..之後佢就走喇..我係門口等媽咪//

去"萬寧"買百力支果陣比人屈錢..啦啦聲叫佢比返錢我地//

之後同媽咪去左"美樂"買麵包同埋蛋糕..返屋企喇//

今日又係無啦啦6:00起左身..之後訓過//

7:00起身..換衫食野..打比姵妏..7:40出門口//

同姵妏行完就見到鄧芷YING..劉力晴一齊行//

早會係禮堂..開左冷氣呀..正呀..起爆之爽呀//

上閱讀堂..睇睇下我咪飲水囉..比條廢柴話//

佢唔知就唔好講喇..係人地都知飲得水架喇//

上DT堂整下野..畫下圖..比平時好好多架喇//

中文堂..老師幾個講犒寫得好既人..我有份呀//

老師話我講得最好..送左個靚靚FILE比我呀//

英文堂默字..同埋謄文..又同小K子傾計..好好笑呀//

派返之前d文..果個煩人德係度話自己幾多分幾多分//

比MISS NG聽到呀..MISS NG話仲之最高分唔係你喇//

MISS NG仲話最高分係68..我睇下自己果張//

原來我68呀..真係勁開心呀..果個煩人德真係抵死//

同小K子傾鐘意食乜..攪到好肚餓..我地好白痴呀//

睇本英文書講野食果度..哈哈..玩"望梅止渴"//

LUNCH返屋企食..2:05就出門口喇..返到去又傾計//

上晝數學堂先..小測呀..之後去左禮堂玩問題比賽//

行行下果陣..MISS屈無啦啦叫左我出去幫手//

企左係度幫老師計時同埋整個制..果個老師好好人呀//

3:45就放學喇..陪小瑩子上佢屋企拎波..之後返去//

打波囉..同佢地一齊打..但係成日打左個波上去//

上面D人仲係咁望落黎..4:40我就走喇..5:00返到//

開電腦..知道小學排球比賽輸左..大家都好唔開心呀//

希望佢地快D開心返喇..連AR SIR都唔開心呀//

夜晚睇電腦..玩電腦同埋做功課..聽日陪楊婉瑜買野//

今日6:30無啦啦醒左..之後訓多陣7:00醒//

起身換衫..打比姵妏..7:45同媽咪一齊出門口//

同姵妏一齊行返學..又見到關靜儀同埋楊婉瑜//

早會又落左去..企左好耐..又睇下人地試新校褸//

上閱讀堂..果個ar sir好惡囉..化課之ma..扮晒野//

上佛學堂又係代課老師..呢個好好多喇..冇咁惡//

中吏同埋數學悶..英文都OK..生教就好好玩喇//

講拍拖呀..好好笑呀..LUNCH返屋企食飯//

2:00同媽咪一齊出門口..返到去傾下計//

之後上科學堂..OK LA..放學留係學校做功課//

因為屋企樓下裝修..好快就做完晒d功課la//

之後我同小瑩子都好想打波..咪諗住搵老師借囉//

行到去教員室..好似唔見蘇sir..又諗住搵郭sir//

但係佢咁惡死..等左陣..小瑩子見到蘇sir喇//

搵左第二個老師幫我地叫佢..蘇sir好好笑呀//

佢話原來唔可以借波..佢又問我係咪識打排球//

之後陪小瑩子上佢屋企去拎波..之後返學校打//

同小汶子..小彤子打..好好玩呀..真係笑死人//

5:04就走喇..去左搵呀媽..去買野食..返屋企//

6:10返到喇..玩電腦睇電視同埋食野//

夜晚同芷瑩傾ICQ..我都好掛住你呀..好姊妹呀//