今日個鼻塞晒><.....
透唔到氣呀！

不過好過琴日好多．．．．
成家一齊同詠恩婆婆飲茶
返到屋企訓到不醒人士
再出去圖書館．．．

練左一陣結他．．．
我唔見左份指法><"....
鋼琴呀sir星期六朝早唔得閒...
好唔好又停呢？

由星期日晚發病...琴晚咳到成晚都訓唔到
到今朝發燒，終於要去睇醫生了

天氣轉，多左人睇醫生，好彩我唔駛點等∼！
譚醫生話我五年沒有去睇佢，
唔講都唔知咁耐

醫生話我感冒，好多藥呀＞＜"... ...
最怕食藥...d藥丸一放落口即溶...好苦呀！

本來今日同聽日既測驗，唔知幾時補返

食完藥，諗住訓覺，
點知屋企個電話，每隔１５mins響一次
真係想好好休息都唔得...
如是者不停訓，不停醒...

今日朝早龍精虎猛的返教會

唔駛獻詩，但仍然要坐返詩班陣營
兒童詩班．真係比個叻字佢地
miss yu話佢地練左2個月咋！
雖然唔係話全部音準晒，
但見到一班小朋友好比心機去啦，
一刻的感動！

主日學，超大班
我，仍然靜靜的聽，偶爾笑一笑

愛筵，哈！今次好似無人整野返黎
食得好似特別快

敬拜隊練習，miss yu唔係我地當中
但就交帶左d野，由我hold
．－．哈!都唔知自己up乜...
不過大家都算合作既
唔知係咪miss唔係度既關係
大家無咁大壓力，感覺好似比之前好
但亦都係因為miss yu唔係度...
睇到一樣令人失望既野，
真係好希望大家每一次都用心去練習，
每一次既練習都係認認真真... ...同投入

唱到聲嘶力竭，到練完
真係失聲喇．．．．加下個喉嚨好痛
之後去左tea！KFC with YL
傾左陣計，Uncle就急call

唉,成班人黎晒我屋企...今晚又溫唔到書咖啦！
救命呀＞＜"...我唔想讀書啦!!!!!!
點解考試要背書？open book唔得咖咩？
讀完第二時都唔知用唔用得著，
讀黎唔知做乜！
沒氣了><....

琴晚訓得唔係幾好，但發左個夢
乜都唔記得，剩係記得唔知邊個比左個謎語我猜
謎面：請差遣我
題示：留意身邊一切事物
到底有冇特別意思既呢？

今日oral test...有驚無險，
何解別人時間不夠，
但我們時間有餘呢?

５點前考完，但都係５點半先走，
搵唔到呀松，但照樣出沙田，
還是頭一次！竟然第二個到，
曉興，呀鋒，到呀榮．．．

開始懷疑我係咪有遠視...
定視力真係好過人...
隔成條街我都認得呀雞...
哈，近排經常撞到佢，
泳池撞到，放工撞到，出到沙田都撞到
傾左幾耐下．．．哈∼
有一種親切既感覺，
話晒中五時候坐左係我隔離咁耐
真到佢個ｆｄ黎，呀ｓｉｒ叫我就end up 左個傾談喇~

今日都學左野！等我ｔｅｓｔ完就練好佢！
I Hope I can remember that ！

今朝８點半醒左....
好開心連續2日算叫做訓足8小時^^！

又再次眼睜睜的望著巴士走了... ...
2點半堂，11點半返到去，今日熱左><"...
返到去坐都未坐就被人拉左出去玩check point-.-
終於完成左一個activity

食完lunch，未夠鐘上堂
走左去人地班度上-.-"...哈~
但有人黎睇堂,怕走唔甩,所以坐左陣就走左！

唉．．．今日都係溫唔到書！
已經決定星期六唔去ｏｕｔｉｎｇ嚕
原因：晚上要出席公公壽宴

聽晚，點好呢？