差不多又過左一星期啦 ... 又係時候寫下 blog 先 ~~( 雖然係未過 ) 今個星期又忙但係又好開心  忙係因為近排成日都係エ場整下膠喉 & 鐵喉咁 .... 岩岩先整完由膠喉造出黎既エ件 依家又要整鐵喉 搞到成個身都係機油 ... ( 煩 !!! )  今日放左學之後我地成班諗住去捐血(除左我 .. ) 點知去到旺角有人話想去睇戲 講講下就去左睇"鐵三角" 冇去到捐血 ~~ 睇到八點左右諗住去食晚飯 點知話過左九點平D 之後就去左打機 .. 呀磚超勁 用左幾蚊坐足成半粒鐘 ~ 打到九點幾就去左花園酒家打邊爐 成班好似餓狗咁係咁搶 .... 之後又飲啤洒 呀磚係咁比人"隊" ... 我地成班飲到面紅紅 ~ 食到十一點幾走人 之後請呀磚搭的士 ... 返到屋企沖埋涼 成十二點幾瞓 累爆 !!!!

今日又去左香港仔 .... 我都未試過連續兩日都去香港仔(除去返學之外) 去到香港仔之後等埋肥楠&阿樵之後就去左吉田拉麵度食午 (好好食呀 !! ) 

食完就諗住去abba度買衫 點知冇新貨返(灰哂 ... ) 跟住就搭小巴去左肥楠屋企打下機咁 ... 我地三人無聊到爆 ~ 玩到夜晚食完飯就返左屋企 沖涼打機 .... 今日就係咁就過左一日 時間過得真係快 !!!