唉！！！聽日呢個＜大日子＞，好多人都唔鐘意∼
因為有啲同學成績唔好,真係唔想面對現實- . -
名次高嘅同學當然開心,但係成績唔好嘅同學都唔好氣餒喎!!!!仲有一個呈分試,喺嗰次再努力就得啦啦！！！！！
但係我就係勁唔鐘意嘅同學喇∼雖然我啲成績唔係差，但係都唔係好喎！！！
唉！我成日同彭子麒，婉婉仲有張永昕玩，同埋傾計
今次啲操行一定好低，可能得乙－咋，我地玩嗰陣又笑得好大聲喎∼又成日比老師叫
唉！！死期到喇∼真係死囉！！！慘慘啊！！
聽日我話你地知我攞第幾名啦∼（一定好低囉）
聽日先算啦，講番今日先∼
今日都無咩事發生，只不過我又欠功課喇，可能就快要留堂
點解？我地學校有個家課政策，如果喺某段時間入面，你欠功課多過４次或者４次，就要留兩個星期堂，留堂做咩？做功課囉！！！
我而家已經欠左３次喇∼差一次，真係死喇∼
之後放學彭子麒話想飲珍珠奶茶，但無錢（都唔知係咪真）所以叫我借２蚊，點知佢無啦啦話借４．５蚊，唉∼無錢喇我！！（講笑，其實今日帶左好多錢）之後就借左比佢啦，本來４．５蚊嘅，但係嗰個收錢嘅人話５．５蚊
不過算啦∼之後見到婉婉，諗住走人
我問婉婉：彭子麒去左邊呀∼
之後婉婉話：又入左去喇∼
我地都唔知佢做咩，咪走囉，之後後面無啦啦有人比一蚊我，原來係彭子麒
佢話咩：４．５咋，嗰個人以為我支冰條都係喺佢間野度買
之後我咪哦左一聲，同婉婉，佢一齊上去輕鐵站囉∼
我竟然會覺得彭子麒無啦啦打我∼=_=
之後婉婉話：佢一手攞住支冰條，一手攞住罐珍珠奶茶,點打你呀
喺輕鐵站見到Nicky，就同佢一齊搭車留天水圍喇∼
我喺架輕鐵入面會無啦啦傻笑，真係覺得自己神經失常呀！！！！
好喇∼今日都打得最多，聽日話你地知考第幾名！！！８８
| 
