今日的早餐就係一塊好似葉子的檸檬包，超好味呀，酸酸甜甜咁，好醒神﹗
好﹗今日的行程就係秦始皇陵了，先到火車站去坐車，到咗皇陵之後就發覺真係好大呀﹗
唉﹗連死都要霸咁大片地方，真誇張呀﹗﹗
但行到半路阿寶就發現個銀包不見了，所有I.D卡、回鄉卡、VISA都不見了，
我哋估會唔會黎咗係酒店呢，因為佢的袋鏈沒有開、又無俾人CUT袋，
所以我哋就返酒店找啦，點知真係反轉都找不到呀，
咁唯有即刻通知酒店、報失VISA......
之後等張大哥一黎就即刻去報公安了﹗
咁我哋報警之旅就開波LU~~
2點幾去西安的南大街派出所到報案，
我第一次見警館係在大街的後巷內，
環境就一般啦，但真係好難找囉﹗
等了一陣，先有一個公安施施然地黎問我哋發生乜事，
搞咗兩、三個鐘之後就推卸話係邊到發現唔見就去邊樹報警﹗
唉﹗咁點解要玩我哋咁耐呀﹗ (好彩我哋無話係秦陵發現呀，如果唔係就真係大鑊呀....)
之後就即刻趕去火車站，係火車站就有一位公安等緊我哋，
佢用公安車車我哋去火車站的派出所，
開頭我好奇怪點解要我哋特登去火車站再坐公安車去呢，
點解唔直接去呢？
原來間派出所竟然係城外橋下....呢間真係一絕呀，
我以為剛剛那間已經夠難難找啦，
點知呢間係仲高難度，真係服咗佢哋囉~~~
終於真真正正攞咗份報失紙之後，
就要從東郊去西郊的交通出入境管理中心到再報多次 =.='''
坐咗9個字的士先到....
去到找咗一輪先發現當值房入面個兩個蛇王係到，
草草備了案之後，今日的行程終於完啦=.=
之後張大哥就請我哋去打邊邊了，食完邊邊就番酒店再繼續明天的行程了﹗ |
