好耐都無試過跟團旅行lu~~

今次襯無野做就同屋企人及親戚去下旅行啦﹗

但因為時間唔係有好多同無乜"筆直"的時候，

所以就選了一個短線遊呀﹗

今次去咗丹霞山呀﹗

果度d風景真係幾靚的，雖然好多景點都係當地導遊吹水吹出黎的﹗

但當你可以離開香港呢個石屎森林去到一個真係有山、有樹的大自然時，

真係會覺得神的作為真係好奇妙呀﹗

如果可以有多D時間係果度就好啦，我真係好想試下係果度行山的滋味呀﹗^0^

雖然整個旅程都係坐車、食及瞓呀，但可以睇到d咁靚的環境，

又可以同屋企人一齊去旅行 (雖然又係激到火都黎﹗)

所以都算GOOD!GOOD!GOOD! ^0^

今日烏龜小組出動LU~

大戰一場烏龜VS墨魚戰﹗

結果﹕墨魚隊大鑊全勝，

烏龜隊只係攞咗8分，

仲要係靠外援幫手入球~~

呢場比賽真係好精彩呀﹗

仲要發現個船長係TVB演員，而且架船仲要係華仔坐過添

今日係我在西安的第五日啦, 亦都係最後一天LU.

今日的行程真係非常之趕呀!! 食完一個好味味的早餐之後,

就去左我最怕的行程啦! 點解咁驚, 咪就係要去踏單車囉!

哈哈, 最後結果係有兩個瘋婆用極速踏完半個城牆，　

最搞笑係身邊Ｄ人一定心諗，呢兩個傻婆係到做乜野呀，

係城牆到單車比賽呀！ＫＡＫＡＫＡ~~

之後同張大哥佢地SAY GOODBAY之後,

就預備回香港LU!

五日的西安之旅就係呢度結束啦!

今次真係試左好多的第一次呀, 第一次去公安廳啦, 第一次坐公安車,

第一次係城牆到踏單車, 第一次報警, 第一次買手信買到要用訂的,

好多的第一次都係西安到發生,

真係超鐘意西安呢個地方呀!!

 今日第一個目的地就係興慶公園啦﹗

呢到真係好靚呀，係入面有一種身處仙境的感覺，入到去好似乜煩惱都沒有啦，

空氣好清新，環境又GOOD，而且好似退離咗外面世界咁﹗

公園入面有好多人呀，其中見到有一個女人坐係到不停咁織野﹗

佢織的龜龜好得意的，開頭唔知佢係自己整呀，還是做出黎買的，所以我哋無問佢呀﹗

但最後都係敵唔過喜歡的心，都係面皮厚厚的走過去問佢呀﹗

好彩有問呀﹗如果唔係手信就無著落啦﹗d龜龜真係好可愛呀﹗﹗

去到最後我哋仲要同佢訂多d添﹗我估佢心諗呢兩個水魚都痴痴地呀﹗

之後就去咗今次西安之旅的重要目的地 - "大唐芙蓉園"

大唐芙蓉園係05年先開幕的，佢重現番唐朝的景觀，

而且仲有一個全世界最大的水幕電影添﹗

一去到真係一個字 - 大﹗

地方係超大呀，而且攞住張地圖我都唔知由邊到開始行好呀，

係入面睇左一個叫"夢回大地"的歌舞劇、拍了一些相之後，

就夠鐘去睇水幕電影lu﹗

真係俾d煙花嚇死呀，因為我哋去咗一個較高的位置欣賞，

搞到放煙花的時候，d煙花好似係我哋面前放一般，

嚇到我死呀﹗但就真係十分十分抵呀﹗

好靚呀﹗但就最衰唔夠時間行啦﹗