今日返工，聽到有個同事同老細遞信走人，

個老細當然會留一留佢啦，

當中有d對話我覺得幾正呀﹗kaka~

老細﹕[你做乜要走呀，你同d同事相處唔好咩~]

型男﹕[我係封信寫得好明啦，我唔想再講~]

老細﹕[話晒做咗咁耐，留係到啦，大家互相遷就咪好囉~~]

型男﹕[老細，唔使講啦，我唔會改變的﹗]

老細﹕[唉﹗咁好啦，咁你d工作.....]

對話完畢。型男即係走番去位攞袋走人~~當時只係4點多，真係多麼瀟洒呀﹗

之後公司就發生一段discovery入面先見到的分屍情節，

一班人係佢個位到分屍........唔係﹗係分晒佢d jobs，

果個畫面真係正呀﹗

中間都算平平安安咁過咗D日子~~

但有時都會諗究竟自己的決定有無錯呢~

放棄一間各樣都好過現在的公司~

但我知果間就算俾我繼續做落去我都一定會走的﹗

只差時間長或短，

唉~唔諗啦，呢間繼續嘗試啦，唯有...

又去到一間新公司啦﹗

第一日都OK啦~

不過不失﹗但又要渡過一段唔知自己做乜的時候了...

繼續等啦﹗

等自己知自己做乜﹗等適應﹗

終於決定唔做啦~~

唔知點解呢份工由第一日直到今日為止，

個心都係好想好想走，成日覺得自己唔係係度返工的~~

雖然呢度福利真係好好呀，個個禮拜有一餐食咁，

但就係想走囉~ (真係屎忽痕呀 = =''')

咁橋又有另一間公司請我，

福利雖然無咁好，

但呢間公司我就係想走﹗想走﹗想走﹗想走﹗想走﹗想走﹗

想走﹗想走﹗想走﹗想走﹗想走﹗想走﹗想走﹗想走﹗

想走﹗想走﹗想走﹗想走﹗想走﹗想走﹗想走﹗想走﹗

想走﹗想走﹗想走﹗想走﹗想走﹗想走﹗想走﹗想走﹗

所以都無諗清楚就走LU~~

最搞笑係返咗兩個禮拜之嘛~

個經理竟然加我人工留我，仲要係加唔少的~

理由就係"好耐無見過一個咁好用的人~~" (係呀﹗俾你點得使得呀嘛，梗係好用呀.....)

但最得決定都係走~~唔想留呀﹗

今日大老細心血來潮請晒所有A/C 及 ADMIN DEPT的同事一齊食飯，

大家一齊去公司附近的西餐廳到食西餐，

唔平的﹗位位起碼百五左右呀，

都媿大手筆﹗﹗嘻嘻，果間D豬扒真係幾好味呀，

炭燒之餘，塊豬扒都仍然好多汗，

再配上沙津、湯、甜品~~YUMMY~~

不果，中間都發生咗一個幾好笑的笑話，

話說果間野有幾個SET俾人選攞的，

咁點知幾中一個女仔諗住特別D試下咩叫意大利燴飯WO~~

所以就點了呢款啦，

唔知係唔係現在的人小睇電視，還是完全唔接觸外面的世界呢，

在坐十幾位竟然無一個人知咩叫意大利燴飯，

等到個飯黎咗之後，

佢哋就好突兀地大聲講~~

[嘩﹗呢D俾BB仔食的嗎，咁核突~~]
[一PAT PAT咁，點食呀~~]

真係唔知俾乜表情好呀...