真的好好睇，我講緊架係《醜女大翻身》；佢同我相像中

差唔多，但係始終都係差左少少，不過整體黎講我都覺得佢好

好睇。

　　我最想講架係，個男主角真係好靚仔（＞３＜）ｂ我發覺

呢，自己最近鍾意架男藝人都唔係Ｄ咩廿幾歲既年青男，而係

３字頭、４字頭架囉∼嗱，好似有唐澤壽明啦（４５）同福山

雅治（３９）咁，而呢套劇果個朱鎮模都已經３４啦，哈哈哈

，睇黎我都係鍾意Ｄ成熟Ｄ架男人ｘｄ

　　其實我覺得朱鎮模（《醜女大翻身》男主角）係韓國男人

黎講算係靚仔，因為我覺得韓國的男人唔靚仔。能夠見到佢個

樣真係好開心，嘻嘻嘻。

　　其實我覺得呢套戲如果少Ｄ喊架場面應該會同我相像中一

模一樣。睇黎韓國始終都係想保留一Ｄ自己架風格係入面（原

故事是日本來的）－－係咁喊，個女主角喊得太多啦，有好多

地方其實可以唔喊的，搞到最尾果到果個感人位唔夠感人；感

動唔到我囉。

　　其實一開始係講個女主角已經鍾意佢；我覺得個男主角都

鍾意佢，因為佢收留左個女仔隻狗，當珍妮同佢講漢娜Ｄ衰野

架時候，佢都叫珍妮收聲，而且佢好記得漢娜畫過架符號啦、

又有佢既果段片，仲有漢娜係幕後代唱時，佢都好緊張漢娜，

所以我覺得佢其實都鍾意漢娜的，只係佢唔肯成認。不過到最

尾，我覺得佢已經真正咁鍾意左漢娜，但漢娜已經無最初咁咁

鍾意佢。雖然佢地最尾都無係一齊，但我覺得佢地應該一齊的

（＞”＜）我覺得如果漢娜肯架ｗａ，佢地兩個會一齊的。

　　呀媽、我件玩具ｘｄ（我細佬）同埋我老豆今晚會去行公

展會，唔知好唔好行架呢？原本係簡星期一去，等我都可以去

架，不過要我同我老豆去行街架哇，我寧願唔去行……不過老

豆又無直接問我去唔去，唉，咁樣仲好啦，唔係我拒絕佢果時

佢又唔鍾意啦。希望佢地執到Ｄ平野返黎啦，當然係食既就最

好啦，唔係放係屋企果到只會呀訂架姐。　　　　　　　　　

　　梁漢文今日結婚啊－－雖然我唔係佢既ｆａｎｓ，不過多

多少少都會替佢感到高慶既∼雖然同我丁點關係都無……　　

　　另外，同日我接到個令我ｏ左嘴既消息，相信大家都可能

估到，就係周慧敏同倪震宣佈結婚既事，究竟搞咩？咁樣係咪

就係叫做「咩胡盧賣咩藥」（同音異字）？　　　　　　　　

　　終於都到左今日啦！今日係Ｍａｒｉｅ既生日∼∼我好開

心咁食左Ｍａｒｉｅ個蛋糕，哈哈哈ｘｄ　　　　　　　　　

　　Ｍａｒｉｅ似乎很喜歡我送比佢既禮物ｗｏ！咁就真係太

好啦，不枉我簡左咁耐！初頭我仲好擔心份禮物會太老？不過

佢襯衫都唔差，應該會襯到的。　　　　　　　　　　　　　

　　係Ｍａｒｉｅ屋企果到，佢果３隻兔仔都肥＆大隻左好多

！３隻之中，都係果隻賓尼兔最得意（＞ｖ＜）ｂ不過如果比

我再簡個話，我都係會選擇養龜，唔養兔仔，因為…波波問答

遊戲既關係，哈哈，無人會知道係咩黎架啦？淨係得我同細佬

先知∼　　　　　　　　　　　　　　　　　　　　　　　　

　　Ｍａｒｉｅ今年生日，可以話係分開３ｐａｒｔ！第１　

ｐａｒｔ係返學，第２ｐａｒｔ係同我地食蛋糕－－食之前仲

做曬所有煩文續節（？），真係搞笑ｘｄ不過我都好喜歡它們

，只係到我生日的時候唔知道點解唔會做而已。而第３ｐ－ａ

ｒｔ就係佢同佢呀媽去行街街，唔知佢ｄａｄｄｙ有無去呢？

我總覺得佢老豆好慘的，哈哈。　　　　　　　　　　　　　

　　８個小時之後，我又差不多要起身預備上班，但我還在玩

電腦（＝３＝）點算呢？唔想訓教（＞３＜）”不過，其實我

依加呢個狀態用電腦認真麻麻，因為我正係到漫無目的咁用電

腦，其實我仲有好多野要做的，咁果Ｄ當然都係電腦上既私人

野啦∼唉…算把啦，我都係去訓啦，因為我仲要返工的……