呵呵呵，今朝早終於被我睇返日曜日（星
期日）果集《神探伽俐略》！好開心唷！福山
雅治真係好靚仔（＞ｖ＜）ｂ
呢個結局真係幾得！對我黎講，我自己就
好鍾意。柴咲幸被個炸彈包住果陣貶起個咀果
時個樣真係好得意，連我呀媽都係咁講。
不過到最後都無講過佢地有無拍拖真係唔
好，雖然成個故事由頭到尾都無講過佢地之間
有愛情，不過我都係想佢地一齊。其實佢兩個
都ＯＫ襯？不過可能年紀上會相差大左Ｄ？但
係我覺得佢同妻夫木聰唔係好襯，可能係因為
我鍾意「伽俐略」架關係啦？？
咁快大結局真係有Ｄ唔捨得，不過再係咁
做落去又似乎無咩意思？因為個模式既問題。
嗱，如果係香港劇呢，就會發展愛情線，然後
就會覺男女主角的感情問題，講講下又會好似
離曬題咁？然後就會整Ｄ案件出黎穿插下個故
事咁，結果呢，主要係愛情，查案反而退後做
陪襯，所以呢，ＴＶＢ既劇（我已經知明道姓
）就好睇極有限。雖然我想伽俐略同內海有感
情線，但無呢我又覺得ＯＫ，係覺得有Ｄ可惜
咁多姐。唉…都係日本劇好睇Ｄ！
我覺得日本劇勝在不會太過賣弄愛情呢個
元素係佢成功（我認為日本係成功的！）既原
因。
好好睇既《神探伽俐略》！未睇過一定要
睇，最好呢就睇埋電影＆特別篇，因為我都會
睇架！（＝Ｗ＝）∼♪
我得返１５日架時間炸，但係我仲未諗好
買Ｄ咩野比Ｍａｒｉｅ？點算呢？買咩好呢？
就係呢個時候（＝ｖ＝）＋我突然之間諗到買
Ｄ咩野比佢！無錯！真係太好啦！但係…仲要
搵個時間去挑同買！我要爭取時間！！！！
死啦（＞口＜）”我仲未挑好生日卡呀！
好邊到買、買邊個款好呢？
終於都到左１１月最後一日，步入１２月，也
就是代表呢一年就黎完，至少我係咁覺得。時間飛
逝，沒想到０８年轉眼間就只淨返３０日（＠＠）
我和Ｍａｒｉｅ去唱Ｋ了！好久沒有去唱Ｋ了
，今次我和Ｍａｒｉｅ都唱得好開心，哈哈，諗返
起都覺得好正！好ｈｉｇｈｔ！今次唱Ｋ又好鬼抵
和！我地係星期日去唱Ｋ ｂｕｆｆｅｔ，總共唱
左５個鐘！就算係咁，都只係每人＄９９炸！真係
超抵！仲要我地其實係可以繼續唱的，但係我老豆
囉，又要我返屋企，真係超黑人憎（＝口＝）╬
不知道我地幾時會再去唱Ｋ呢？
唔唔！真係超級爆笑，嘩哈哈哈哈哈哈！！有
睇開《鋼鍊》既您應該會知道拎開佢既書套，可以
睇到入面既搞笑漫畫、圖畫等等，今次呢兩期既仍
然係咁好笑，哈哈哈∼每期既，都會同故事本身有
Ｄ關係∼咁當然呢種關係同故事本身係無影響啦！
所以每次睇漫畫之前，我都會先睇佢地先，真係每
次都可以比到驚喜我的！哈哈哈，見到高清版的愛
德華嗎？又會靚仔左咁多ｘｄ艾爾都唔弱架！哈哈
！同愛德華王子有得揮，哈哈哈……
