沉晚終於都比我睇左套《神探伽俐略－容疑者ｘ之獻身》
啦，好開心！可惜呀媽睇唔到∼原來我想２４號去睇架，點知
又要反呀婆到，我唔可以再等啦，聽日又聽日，聽到幾時呀？
又要就細佬Ｄ補課，又要就我反工，仲要就埋呀媽探呀婆既日
子，咁點就呀？而且，佢話唔睇都得，咁就唔好睇啦，結果，
我預先買定Ｄ飛，就算唔得閒都要死去睇（如果唔睇會曬左Ｄ
錢），咁樣就一定有得睇啦∼哈。
超正，成個故事我都好喜歡∼睇完之後我同細佬都有討論
到套戲的感想等等…之後我反到屋企，嘗試將它們組織一下…
…
其實係我地一路睇既同時，好多人都係邊睇邊講的；我既
右邊係兩個男仔，佢地不停講左好多中ｐｏｉｎｔ既廢話，我
很同意，但我唔會講出黎囉，因為我想專心ｄ去睇。記得佢地
有個ｐｏｉｎｔ係係一開始既時候講：「湯川好似老左」。雖
然我一直無講野，但係突然我細佬同我講喎，之後我間唔中都
引唔住要講，唉…
睇完之後我被細佬話…因為同佢所講咁，特別篇同套電影
真係有關，佢仲話下次再遇到Ｄ類似既情況，唔會好似今次咁
，咁早睇套戲，要順序睇，真衰（＝３＝）
記得一開始講石神訓覺果陣，我仲以為佢同個女人係一家
人黎，後來先知原來係鄰居果陣，我就懷疑佢係鍾意個女人架
啦！點知真係比我估中喎！其實都無咩咁特別。我覺得石神對
個女人既愛，唔係ｄ低層次既愛（即因為鍾意對方而愛佢），
因為佢覺得個女人比到一種生存既目標佢，令佢人生有返意義
，所以佢會咁幫個女人。
係臨尾影返轉頭講石神想自殺，突然門鐘響起，令我聯想
返早排我係ＴＶＢ睇既《醜女大翻身》！唔知您又覺得覺呢？
其實真係幾似架！講返單案，我覺得一單咁既殺人案件，好似
出動左太多警察咁？定係日本真係用咁多人？例如果幕講ｄ警
察報告單案既資料時，成班（真係有一班咁多人）警察坐曬係
到，仲要得內海一個女警（佢好似好叻咁），會唔會唔多合理
呢？
又有一幕講石神返學校果段路有好多露宿者，又令我諗返
起《２０世紀少年》果到，哈哈，我好似聯想到好多野咁？另
外，係雪山果到，我初時以為石神想捌底湯川而走人，目的係
殺左湯川，佢可以扮野，唔救佢，咁樣就俘咩證據啦？但係好
意外地佢竟然返轉頭救佢，我覺得可能係因為前一晚佢地係間
屋入面時，湯川講過話佢當石神係朋友？
到左事件開始明朗果部分，最初我無諗過石神會認罪架！
直致係雪山間屋到佢講過果ｄ野，令我認為佢會認罪。呢點我
同細佬既諗法一樣（其實有很多地我們都一樣的）。
如果以故事既內容程度黎講，我同細佬都覺得呢套電戲比
《Ｂａｔ Ｍａｎ》和《Ｓｐｒｉｄｅ Ｍａｎ》好睇！唔知
您又點睇呢？我諗我幾明白湯川既感受（？），一個咁犀利既
數學天才，竟然淪落到咁既地步真係好可惜……我覺得，湯川
之所以唔（敢？）戀愛，係因為驚自己會好似石神咁，唔知係
咪呢？我覺得呢個可能性係有的。係呀！係呢套戲入面，我發
現湯川同弓削既髮型都唔同左，後者既唔洗點講啦；細佬話唔
覺湯川轉左髮型，但係我覺得有少少唔同呢！您覺得呢？
很抱歉我的感想寫得麻麻，因為我懶得組織∼我把我的想
法都打進去就是了，哈哈……
| 
