青年足球領袖Level 2 終於黎到最後一節課
呢節課就係試驗一下舉辦足球節係點既一回事
表面上
我地響跑馬地既仿真草球場度
試行一個比100人參與既足球活動啦
實際上
其實係比一D場地實習試唔合格既學員
有一次翻身既機會, 等佢地帶多一次活動比考官睇
咁呀好彩地小弟唔響呢個行列啦
亦唔係表現出眾到可以幫手參與做足球節既統籌啦
所以我當日只係做一個小小既學員啫
正因為呢個角色無關重要
我觀察到好多野
當日雲集左香港、九龍、新界區3班既學員
發現重考既學員大多數都只係衰在冇聽書 (or 教練冇教哂所有野呀下)
可能踢波好叻, presentation skills 多數都唔差
但係一D好細微但係又好重要既野會忽略左
which is 你既服務對象
輕輕點幾個points 啦下:
響鼓勵小朋友享受、投入足球既大前題下, 你會唔會響度加入懲罰?
(某重考人仕指示限時內盤球最慢果位要罰青蛙跳)
你會唔會對住1個唔高於1米5既小朋友拋高個波叫佢控低?
(某重考人仕向學員拋高球要求學員控一腳後射門)
你會唔會響一班不大於11歲既小朋友既比賽入面加入複雜條件?
(響一場模擬欖球式得分既足球比賽中
重考人仕指所有隊員過半場達陣得分方為成立
達陣前必先完成4腳傳球, 若途中被攔截, 傳球次數要重新數過)
特別係最後尾呢點
嘩, 真係踢開波既中學生都未必做得到
我自己participate 個比賽果陣淨係feel 到個挫敗感好大
下下都話唔計分, 真係勁無奈囉
從以上經歷亦都可見有D端倪
點解我可以口口聲聲話有可能係個教練當初教書既時候冇講足所有野呢?
我既體驗係咁
課程總共有5堂場地課
大概上左2堂場地課之後既理論課
個教練先同你講其實呢你最後考場地實習試要交教案既
咁個教案呢就要有你個活動既設計圖
依家就教識你點用畫畫黎表示雪糕筒呀傳球呀射門呀咁
全部有國際標準格
excuse me
點解唔一早教我呢
咁我頭兩堂場地課drop 既notes 咪要重新畫過囉
由此可見
畫圖有國際標準
不過課程教授既應有次序就冇國際標準
教漏野又或者學員跟唔切
一下子變得好合理
最大問題係上完成個課程
一張意見書都冇得寫
想話比D建議你改進下個課程都唔得
唉
足總.............................
anyway
最少響呢個course 我識到一班志同道合既人(最起碼係鐘意足球先啦)
咁呀以自己既領悟同埋分析力結合課程既基本元素
我有信心可以學以致用之餘,
亦覺得自己有能力將吸收到既野演繹得更符合實際需要
(這裡暗指其實有D活動幾不切實際XD)
胡鴻鈞 - 相信明天
| 
