前兩日約今日

真係倉卒到一個點

FunFunFun 各成員因實習忙碌同埋受傷病困擾既關係

第一次約出黎係波都唔打淨係食飯

就番各人既住處同實習地點

最後揀左旺角吉野家打邊爐XD

但係我同權仔去到覺得太熱所以決定叫個飯食算XD

都畢左業一段唔短既時間

我發現大家涉獵既學術知識越黎越唔同,

同埋工種越黎越唔同既時候

大家既話題或者用語已經好大分別

就好似一開始我問大家實習做D咩

我真係可以聽到一頭霧水

我體驗到我自己同大家一個好明顯既分別就係

我冇好好擴闊過我既圈子

我既人生一直就響屋企同學校兩邊徘徊

返學響學校

返工響學校

放學放工就返屋企

我對呢個世界其他野既認識實在太少太少

anyway

知道funfunfun七子其餘六子暫時都順順利利

我都好開心

最後仍然好熱血咁話要約打波

同埋同Toby 密謀約孫希等人唱個K

希望呢個sem break 內事成啦^^

另外仲有個小發現

大家講粗口流利左好多 -.-

而我話哂都為人師表係咪先

就梗係一句都冇講啦 :)

係咪好叻叻豬呢XD

吳業坤 - 原來她不夠愛我

日期：2015-06-21

時間：下午5時

地點：中華基督教會公理堂演奏廳

受曾曾曾孫歌莉亞邀請出席HKMM既合唱小組音樂會

十級大鄉里出城

我醒呀 一早cap 左個google map

一出銅鑼灣站F1出口就即刻攞個電話

試下跟住個map 行啦

行左5分鐘先發現自己調轉左條路黎睇

完全係opposite direction -.-

(其實我中學畢業之後已經唔敢同人講自己DSE係讀Geog XD)

好彩預早左少少出發所以冇遲到

我做觀眾的感受:

去到演奏廳門口有D戰戰競競

好驚會係D 好serious 既場面

好彩臨入場前見到Peggy 同Gloria 啦

其他觀眾都似係HKMM成員既親人朋友咁樣

個個都著得好casual

個心都定D

我勁乖啦 熄電話先入場

(點知我發現佢地一路唱歌D觀眾就係咁拍片影相)

入場之後我揀左最上果兩行既中間位

諗住坐到咁高又坐定定咁達到"你睇我唔到"既程度

(點知有好幾首歌D演唱者都望過黎

好似同我有眼神交流咁

有時仲會望到實一實

搞到我勁驚><")

我總算好好的堅守自己的本份

等演唱者鞠躬我先拍手XD

(呼, 鬆一口氣)

我觀賞整個演出既感受:

當然我唔係好識欣賞啦

我淨係覺得, 嘩, 好犀利, 好有趣

個個唱同一句但係同時又可以有唔同既聲線

係一種好合理既和諧

D高音低音疊黎疊去咁

好神奇既感覺

我特別鐘意以下呢幾首:

4. Verbum caro

6. Three nonsense songs

10. Dona nobis pacem

11. 運動員進行曲

14. Yesterday

15. LonDali Bridge

16. Mainly Men

18. Can you hear

唔知呢

可能係上半part 既演出比較傾向於音樂性

我會覺得, 嘩, 好好聽, 但係唔係幾識聽, 對唔住

後半part 我覺得好有劇情啦, 好有活力啦, 好有故事咁

對於我呢D非音樂人我都覺得好enjoy :)

與上述無關的總結:

呢單野講左接近三年喇

我終於都入場睇歌莉亞唱歌喇

我終於都兌現到呢個承諾喇哈哈哈哈^^

拋拋書包

引用一下正向心理學專家Csikszentmihalyi 的理論

佢提出一個人響專注一件佢好鐘意既事上面

當佢達到一種忘我既境界

佢就係經歷緊"神馳"(Flow)既階段

響呢個階段既人, 就係享受緊一種自己心底嚮往既歡樂

今日我見到既歌莉亞就有呢一種感覺比到我

好開心可以抽時間黎睇下你

繼續加油^^

HKMM x Robynn & Kendy - LaLaLa

話說成個實習最煩就係交實習反思報告

因為呢份報告

我講左好多假話

我覺得好多心裡面真實既感覺

都唔能夠響果份限制你要講咩topic 既反思報告度反映

更真實既實習反思

值得響呢度記錄一下

對我黎講

我所飾演既一位老師

係好有形無實

我用得"飾演"呢兩個字

係因為我好清楚D學生會好清楚一樣野

就係實習老師唔係老師

佢地大條道理唔當你係一位老師

雖然

我個人認為自己都扮得似一位老師既

而且夏主任同譚主任用過唔同既expression 話我做得似模似樣

(當然鼓勵性會係大過真確性啦)

事實上我運用左好多以前上堂, 之前教班所吸收既野

簡單黎講我上堂既風格係好似教過我既好幾位老師

亦會copy 番少少原任既做法

令班學生所有野都易跟D 易明D

不過

響教學上

"捉到鹿唔識脫角" 可以話係我今趟實習既寫照

有好多教學上既細節

但係始終唔夠細心

容易比人一個感覺我係響度主持節目而唔係教數學

運作一個課堂既能力我絕對足夠

絕大部份既課堂我都控制得唔錯

學生做到我要佢地做既野, 講到我要佢地講既野

但係講到傳授數學知識既能力

我就唔係堂堂都做得到

始終實戰經驗不足

你唔經歷過你係唔會知自己既教學設計有咩問題

總括黎講

我明白自己處於一個乜野既水平

有乜野需要改善

你可能覺得上述既總結好虛好廢

但係呢度既一字一句都比我響交比院校果份爛鬼報告黎得真心

而且我話比你知

係真係有D人明知自己實習既時候有野做錯,

都修正唔到

甚至冇心改, 冇果個意識去改 :(

Robynn & Kendy - 找自己

我教的四博班

有位學生在整個上星期去了旅行

我唔忍心要譚主任幫我追番哂D功課

(特別係當我知道響我實習期間佢一路都病緊)

我上個星期五已經作左個藉口

話要響今日番黎交D實習野比夏主任

實質就係番去幫佢追功課同改功課

等佢冇咁辛苦之餘

我自己亦可以知道

究竟自己教過既topic

我D學生響功課表現成點

(棒形圖工作紙...... 做得唔錯

係開放題果度表達能力差少少)

實習的最後半天

最後半天......

實習...... 原來不知不覺間就完左

我仲記得

當初實習左唔夠兩個禮拜既時候

Brian 問過我

會唔會唔捨得D自己教過既細路

我話唔會

時至今日

即使係最後一日以實習老師既身份見佢地

我都會答唔會

而我可以講事實上我真係唔會

我唔係想講我係果種好無情好薄情既人

而係我唔會用捨唔捨得呢個字眼

因為我知道實習既機會係得來不易既

(聽夏主任講原本學校唔收只係實習6星期既學生

但係見我係畢業生所以先收)

譚主任咁放心交班學生比我

(唔計教授睇堂佢一定要坐響課室

實習6星期以來只係睇過我上堂4次)

我更想用"珍惜"呢個字眼

我對我班學生應該係 "珍而重之" 多過話 "唔捨得"

簡單黎講

the school is great

the students are great

i should and i did treasure the time having the teaching practice here

Supper Moment - 幸福之歌

原定所有實習學生第一次實習的完結日期為5月29號

偏偏千禧攞左呢日做聯校畢業禮

自動變非上課天

令我提早一日完成實習

趕及參加同日既SCC水運會

連續第9年出席,

並且受馮暐程邀請, 第2次以校友身份參加師生接 

(上年: 馮暐程+陳雪喬+黃祉彥

今年: 馮暐程+范芷欣+朱家震)

咁靚既timing

唔係上帝既傑作既話, 我真係諗唔到仲有咩原因

一大清早去到屯門泳池

"舊生黎架... 舊生黎架..."

一如以往繼續由Miss Chan 響入口把關 :)

"哈哈, 我係參賽校友~~"

其實今年番左去教繩

連班校工對住我都已經見慣見熟XD

"做咩咁早到呀"

管觀眾席秩序既Miss Yang 第一句就潤我XD

"hey, 睇下D師弟妹游成點先丫嘛, 我自己都要熱下身先啦"

(結果我淨係拉下筋就跳左落水游師生接XD)

"咁曬><"

"hey, 我本身都黑啦, 怕咩曬啫~~"

跟住少不免同我D泳隊師弟妹吹水啦

Abby, 雪喬, Yammy, 暐程呢D好戰友啦

(響佢地透露既資訊裡面獲悉左好多屯門泳壇既轉變)

當然唔少得我個好細妹matthew社長女神芯姐啦XDD

(抵唔住頸幫佢搵人游社接

男仔4x50米自接2隊人馬就係差1個

我就教佢叫個淨係報左25米既同班同學做備胎先

反正呢個年代孫sir 都唔check 呢D野架啦

之後就keep 住搵D低form 問下

點知比我響撞岩頒獎台附近捉到兩個form 2 matthew 仔等攞獎

呢個時候芯姐都趕到黎

我地夾手夾腳勸服其中一個出賽

勁好笑

本身果兩個細路淆淆地底

跟住我焗佢地猜包揼, 輸左果個要游接力

點知真係乖乖聽話XD

猜輸果個諗住推搪啦又話冇泳鏡啦

隔離果個幾醒目即刻遞副泳鏡比佢

跟住我同芯姐一齊讚佢"好兄弟"

異口同聲到我地兩個都忍唔住high five

真係有默契到一個點XD)

路加社長張雅然啦, 肌肉男蔡承熹啦, 震仔啦

足球隊班傻佬啦

另外Ma Tsz Kiu, Leo, 阿Mic 果D我都傾到兩句

仲有跳繩隊同暑假小組討論班既form 1,2 學生啦

(由於我畢業既時候佢地都未入學,

所以佢地會統一地稱我做Tom Sir)

真係好開心自己畢左業3年都仲有咁多人識我同我傾計

講完師弟妹就講下老師啦

今年年初因為功課同何sir 做左個訪問

我地響教學上呀或者做老師既話題之前已經交流左唔少

尤其佢又知我岩岩實習完

所以好多野都盡在不言中

冇上年咁多野傾XDD

and then 唔少得Raymond 啦

雖然佢年年都係果D對白

"你maths 最好就link with PE呀知唔知呀"

不過佢今年多左D新意架喇

就係呢句

"你要以principal 做目標呀知唔知呀, 哈哈哈哈哈哈"

真係比佢越扯越遠-.-

無幾耐游完師生接就比Miss Or 串

"你應該要讓我地5秒你先跳落水丫嘛"

(話說n年前Miss Tam 已經罷玩,

呢幾年連孫sir 同黃耀漢都唔落水

上年都仲好D有個蔡sir 另外加1隊全校友一齊玩下

今年除左我果隊, 另外兩隊係technician 郭生同埋TA柳師兄

我見柳師兄果隊三個都係校隊勁人

我梗係唔敢掉以輕心

原本諗住游個蛙就算

後尾都係決定衝一個自由

誰不知我跳落去閉氣衝左25米之後

第一次抖氣果下望望右手邊

shocked, 我帶開左勁多

跟住先意識到另外兩隊既"師"係超級參與性質

我先開始放鬆游XD)

等頒獎D時間同Miss Tang 寒暄左兩句

(你知啦D身份特殊到不得了

我係任安千禧兼陳瑞芝校友

今年做瑞芝跳繩教練, 岩岩又做完千禧實習老師

Miss Tang 又教過我, 佢先生又係千禧校長)

好在佢都glad to see me

又比好多鼓勵我

仲話"你已經係陳瑞芝"師"既一份子" :)

都不知說了多少次這句話

我跟同齡人真的有點難溝通

跟前後輩們聊天還比較舒服自在

但話說回來

到底我是否接受我自己的性格是如此的呢

周柏豪 - 同行

最後一天實習

亦是第二次(兼最後一次)有教授黎睇堂既一日

我認識既所有實習生

個個實習頭兩三個禮拜就比哂教授睇

pass 哂, 然後輕輕鬆鬆"享受"埋之後既課堂

(早D比教授睇堂然後攞pass 壓力冇咁大係絕對真既)

唯獨我一個要響整個實習期處於高度戒備狀態

認真壓力山大XD

今次黎睇我既果位教授

其實year one 上過我堂所以認得我

加上佢係出名killer

係一隻心思細密既老狐狸XDDDDDDDDDD

我更加唔敢掉以輕心啦

(雖然慣例上已經確定

佢最後一日先黎睇即刻一定會pass 我咁解)

一見面佢已經睇相咁睇講中哂我D野

單單同佢傾談兩句

佢已經話feel 到我響千禧既適應力高

上堂講野正正常常,

控制場面技巧冇乜問題,

反應快諸如此類

想唔話佢係有料之人都唔得

結果去到佢睇堂既時候

我都總算不負譚主任同自己所望

交出正常既表現

加上學生又冇第一次有陌生人睇堂咁扮野

令我順利完成第一次實習主持既最後一節數學堂

課後檢討既時候直頭傾計咁傾XD

(教授講講下仲up 埋自己D研究出黎)

有驚無險唔覺唔覺就完左個實習

之後去左睇逢親有練習我都去八掛下既跳繩隊練習放鬆一下

導動堂完左就同譚主任, 仲有數學科panel 黃老師影相留個念

最後就做埋物資運送隊

派哂D餅乾朱古力比校工, 校務處同教員室上上下下

果晚我仲同夏主任

仲有一班曾經都響任安千禧實習既準老師響東城食飯

當中包括同樣曾就讀任安千禧兼陳瑞芝既嚴師姐同羅師姐

師兄師姐們分享左好多增值自己同搵工既經歷

希望佢地都可以"仕途"順利啦XD

Robynn & Kendy 林奕匡 - 新一天

520, such a beautiful day

由一開始知道要在母校實習有著無比憂慮

到實習了差不多兩個禮拜已幾乎完全適應校內運作同文化

特別在一眾認識我的老師的友善對待下

傳神少少講句

簡直已經可以當響自己屋企一樣咁自在

直到今日殺出一個破壞王

令我呢條第一次實習既平坦路

無啦啦多左一個挑戰

都唔知應該多得佢定多謝佢好

話說星期三既任安千禧

如果冇聯課活動既話

學生上6堂就可以放學

我教果班今日原本上堂既次序係:

中文->中文->音樂->小息->數學(我教)->英文->英文

好, 入正題

呢位破壞王係一位代課老師

(一位好惡既代課老師)

佢負責代英文老師既堂,

而恰巧原本既英文老師係兼教呢班音樂

但係呢位代課老師係唔識教音樂架

咁音樂堂點算呢?

佢就攞黎教埋英文

變相班學生今日6堂裡面有3堂要上英文

都未算喎

重覆一次, 佢係一位好惡既代課老師

班學生冇左音樂堂已經好慘

仲要上代課老師堂係咁比佢咆哮式教訓

鬧人都唔緊要

你唔好over-run 搞到學生連小息都冇埋丫

打哂上堂鐘先比我入課室開始準備

我果堂已經比你搞到唔夠30分鐘架啦

我仲要比番時間D學生去廁所又冇左5分鐘

依家班學生冇哂生氣又要我幫手安撫,

蘊釀番個上堂氣氛又冇左5分鐘

留番最後做總結派功課又冇左5分鐘

結果我成堂都教唔到野, 學生又學唔到D乜

阻礙左教學進度之餘, 學生情緒又不受控制

簡直係我成個實習裡面最失敗既一堂

最無奈既係

我差唔多落堂既時候

個代課老師響出面(因為又到上英文堂既時間)

無啦啦開窗鬧D學生唔夠靜

come on 我仲響個課室度

又唔係有咩嚴重事故發生緊

做咩要插手我既管理模式, 破壞我既教學自主呢

我汁好哂野行出課室

佢仲要走黎"醒"我兩句

話咩呢班學生好曳,

唔惡D佢地唔聽話,

要鬧多D佢地先得

唉............

我心裡面即刻反白眼

佢地係四年班呀無敵反叛期呀,

what do you expect?

乖乖地答岩哂你D問題兼做好哂你D功課?

就係你鬧到佢地體無完膚,

佢地連上堂既興致都冇,

仲講咩學習呢?

不過礙於佢係前輩

我唯有係佢面前poker face 地唯唯諾諾

"係", "知道", "明白"..........

拿拿林敷衍下佢就走人

同佢講多兩句都費事

資歷淺如我都知啦

每個老師有自己一套既teaching style 係好正常既事

但係唔係每一班學生都一定行之有效加嘛

你唔因應學生既性格同學習特質adjust 下既話,

班學生點會服你? 你既課堂又點會有效呢?

Mr. - 雙面人

實習的期間

一直沒有靈魂地, 麻木地,

完成所有一個實習老師該做的事

現在想補寫一些實習以來的深刻經歷

實習左兩個禮拜

大概已經熟習去運作一個流暢既課堂

亦都熟悉各個學生既性格、學習特質等等

教書既時候自己講起野上黎都開始更有自信

但係今日係第一次有教授黎睇堂

明明只係多左個陌生人響班房

教案裡面D對白我就即刻忘記得一乾二淨

差唔多每講兩句就要望番份稿一次

最好笑既係

連D學生都交戲扮乖

平時D活躍搶答問題寶寶消失得無影無縱

成個課室氣氛同之前經歷既完全唔同

真係勁 panic

焗住扮哂成個節目主持咁

避免有學生off track

或者課堂over-run 呢D 課室管理 mistakes

終於去到課後檢討既時候

個教授淨係捉到我教學科知識果面要優化既地方

(一世夠運, 對唔住, 俗少少黎講, 即係死好彩囉)

連睇過我幾次堂既譚主任都話我冇平時咁定

我沒給學生好好上一課

偏偏自己卻上了一課

都唔知應該定係好

陳柏宇 林奕匡 - 無限

MCYOMS

11 years ago, I came here as a 4A student

Today, I come back as a 4A teacher

可笑, 多麼可笑, 自覺渺小

Mr. - 昨天

這是歷史性的一天

SCC跳繩隊第一次參加學界比賽

能夠以領隊的身份帶領一班師弟妹代表SCC參與其中

去見識, 去體驗, 呢一切一切造就左一個好珍貴既片段比佢地比自己

特別係我地練習密度同強度比人地低

其他學校又有港隊港青成員

經過世界賽既歷練, 一定進步神速

此消彼長之下

以我地既實力 係好難有機會攞獎

但係比賽好神奇既地方係

運動員好自然會盡力發揮到自己最好

今次我地7個人參賽報8項

有4項造出個人最佳成績

(包括兩位form 5) 天賦、Crystal

最後一年有機會參加比賽就做到personal best

可以話係無憾喇 :D

而我對年青的力量抱有更多希望

終有一天我會離開他們, 不再當他們的教練

現在起盡力讓他們享受, 就是我的責任

下一次見面應該就係排練試後活動既表演

敬請期待

草蜢 - 我要跳舞