| «‹ September 2017 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 |
|
驚濤駭浪  |
分類: 未分類 |
14、15號要交既兩份paper
今晚先做起叫唔叫deadline fighter?
其實原先唔洗咁chur 自己
只係早兩個禮拜本notebook down左
自己又唔識洗機
搵師弟Yeung Wing Hei 禁幾個制搞掂之後
又到個差電器出事
部notebook 又開唔番
咩mood 都冇哂
(好任性既一句話XDD
當然最後都係死死地氣用番阿媽部腦趕起D功課啦)
btw 今年台慶頒獎禮
胡鴻鈞 - 如這麼愛她
|
2015 年 11 月 21 日 星期六  |
香港國際無伴奏合唱比賽決賽  |
分類: 未分類 |
黎支持Cocktail 既SCC人唔多
數真D有3個
我, 章魚同我俗稱ITP 既Ho Man Leung
實力, 的確同國際既級數有一段距離
別說靚聲底既台灣清新組合
唱功同配合都好老練既新加玻同韓國
(另外再omit 我覺得比較似唱搖滾多過亞卡貝拉既中國同日本)
即便同另外兩隊香港代表相比
人家的編排可能還比雞尾酒來得和諧一些
作為某個程度的忠實聽眾,
即使自己幾冇音樂底都好,
我必須誠實提出以下既問題:
Peggy 唱歌好聽高音勁大家都好清楚
但有必要每次表演都showcase 得咁盡?
吳業坤 - 原來她不夠愛我
|
2015 年 11 月 11 日 星期三  |
又要頂硬上唔係掛  |
分類: 未分類 |
不記得是第幾個禮拜的SCC跳繩隊練習了
肯自律的資質還可以
資質更好的卻毫無紀律
這是常態還是甚麼?
難得今年總共有9個女孩子報名
可以實現參加女子組2分鐘8人大繩的比賽
練習時偏偏經常要我和form one 小男孩客串
黎唔齊, 其實真係練黎把鬼...
另外呀
孫sir 和Miss Chung
已經不知道有多少次邀請(其實是提醒)跳繩隊
於6月30日校慶表演當日演出
最怕到時要班後生仔放學練繩又話忙忙忙
一眾校友又唔係話請就肯番黎一齊練一齊上台跳
Supper Moment - 煩擾中起舞
|
| 2015 年 10 月 31 日 星期六 |
方丈?  |
分類: 未分類 |
家長指引
因為係講衰野
所以唔開學校名啦下
今日係我第二個禮拜番新一間學校既課後支援班
呢間學校叫呢D班做學習鞏固班
我既任務係分2個時段教小六同小四數學
小四果班冇乜野, 全部醒醒目目, 係有一兩個多嘴D啫
小六果班本身都冇乜野, 頭幾堂試我底線就預左架喇,
點知今日係我唔好彩定乜野
正當我仲未派工作紙
用緊問題開展課堂既時候
其中一位小六人兄攞部手機出黎上網
我坐左響教師枱準備起身叫佢拿拿林收番部手機唔好玩住既時候
呀校長響門口目睹一切景況
佢就一野叫哂班學生出課室比佢訓話
又話佢地又唔專心又唔投入又唔主動學習又諸多藉口又剩
上完呢班仲死
叫哂我地D導師入教具室又比佢訓話
話咩佢要求導師要準備教材, 唔係坐響度教書
極度單打既feel
大佬, 我唔係冇準備呀, 我有工作紙未派咋
而且係你班學生未準備好呀
你行慢兩步黎裝我果班
或者我快你兩步外加少少嚴厲咁叫佢收埋部手機呀
個課堂就好正常咁開始左啦
洗鬼方丈你浪費自己寶貴時間同班學班同埋我地成班導師訓話呢
仲有, 唔係坐響度就教唔到書,
眼神控制秩序唔係唔可行之餘,
教書都唔係下下攞住粉筆響黑板寫寫寫啦
你都未睇成效就ban我, 好唔公道wor
張紋嘉 - 最佳男主角
|
有一種門將叫陸平中  |
分類: 未分類 |
中五做IES去考察既時候
正好睇到16歲既佢代表屯門足球隊上陣
中六踢學界既時候
做過一場對手
上到大學
發現做左同校同學
一次輕鐵偶遇越傾越投契
自此惺惺相惜
佢有佢繼續向職業足球員既理想進發
我有我繼續以寫足球雜誌稿做興趣
雖然學業同事業上都各有各忙
但係好多野自然會心照,
即使響教院見到, say個hi就得
因為大家都知道彼此仍然繼續努力緊
今日適逢教院打入成龍盃決賽
事隔3、4年再一次到現場親身睇佢既演出
(比賽場地: 嶺南大學室外運動場)
撲救, 長傳, 企位等等既技巧大幅提升
心智成熟左, 響後場指揮若定
90分鐘力保不失之餘互射12碼仲救出2球射門
成為奪冠功臣
真係超興奮
完場既時候簡簡單單黎個bro hug
一切心照
好波呀平中!
C AllStar ft. 梁詠琪 - 后會有期
|
| 2015 年 10 月 23 日 星期五 |
堅離地  |
分類: 未分類 |
世界有好多事都好離地
香港教育學院既小學教育榮譽學士(數學)課程同樣如此
一D有志鍛煉自己成為專業小學數學教師既學生
顯然會質疑數學教育主修課程某D必修部份既必要性
最簡單既例子莫過於一年起碼2個高等數學科目
無論係比高中M1, M2只係難少少既Statistics, Calculus等
抑或係貼近Advanced Level 既Geometry, Number Theory, Modelling等
其實一句講哂, 佢地都同培訓專業小學數學教師絕對係大纜都扯唔埋
學生每年花長時間去做高等數學題溫高等數學概念,
為既就係唔好唔合格同retake
變相削減左佢地研究小學數學課程、教學法等更貼身既知識既機會同時間
再老套D講句呀, 比我讀少科高等數學,
D時間我攞去教班, 學到既野仲更加多更加實用啦
唔收錢去教我都肯
可以理解既係
當準教師響最後既求學階段得唔到充足既職前培訓
結果就只有比你好彩做到老師,
你既quali 都會好快見底,
然後家長以至社會炮轟D老師唔夠專業,
課程認受性下降, 越黎越少具潛質既學生修讀課程.........
惡性循環是也
曾經我有個同系同學話Vincy Koon
"數學教育系"同"數學系"都係讀數啫......
終於
我用以下呢個例子令佢醒覺個問題出左響邊度
Um......情況就好似小明去燒味鋪同阿叔講要1斤叉燒,
(我呢位同學唔係SCC人, 所以冇用到何老大"陳鴻騰的故事"系列)
點知阿叔拎起大大舊豬頭骨塞比佢,
仲同佢講"叉燒同豬頭骨都係豬啫"
當然到最後, 大家都會盡學生既責任去"考好個試"......
如果重新比你39個study hours,
你會去鑽研點教小學數學費事Interview 比人問到口啞啞同實習騰哂雞丫,
定係去鑽研一D會話比你知原來世界那麼大既高等數學?
有一樣野真係要好清楚
最重點既知識都唔夠時間學喇
你仲咩要我學D無關痛癢又難到飛起既野呢?
呢個道理even 應用去小學生度都一樣得
最基本既知識課程都比唔足時間學喇
你仲咩要我做TSA補充練習呢?
胡鴻鈞 - 明知故犯
|
| 球迷定領隊 含笑洞悉生死 越過另有天地 |
分類: 未分類 |
SCC足球隊參加今朝9點舉行既國慶盃7人足球賽
琴晚表演完之後攰到爆既我本應訓到黃朝白晏
唔知發生咩事
6點幾比個洗衣機嘈一嘈之後訓唔番
索性8點出門口食個早餐去睇下波啦
點知去到發現
虎sir 手握幾隊校隊都唔得閒理SCC
促使我放低球迷身份一次, 充當一日領隊
最好笑係我個已經form 6既GP仔盧伯
黎踢波竟然唔記得帶波boot
累到我要3個字之內來回湖山同屋企攞對鞋比佢
跟住又ngum 荷包買箱水比佢地飲
到佢地比賽又要響場邊指揮、遞水
每場比賽之間又要提佢地記得幾時番黎預備上場
總之就係一腳踢
化身T Manager 仲攰過琴日表演
帶完隊踢波之後
我同佢地其中幾個
去大興體育館睇SCC女排打學界
今次真係可以做番球迷喇好開心呀
中學生涯之中都甚少睇學界排球
印象最深果次應該就係SCC打決賽果年
因為好少可會有咁多SCC人一齊去睇學界
(註: 一般黎講, 對SCC黎講體育冇"經濟"貢獻, 因此不受重視)
今次女排幸好有三兩位我係識既
芯姐同周詠芝就係跳繩隊中流柢柱啦
(同場加映, 芯姐男友Yi Nok 亦有到場支持 oh so sweet (心心眼))
另外仲有位李頌欣同學經足球隊師弟介紹原來係任安千禧校友
我即刻都feel 到唔怪得咁熟口面啦
所以我既在場都不至於太莫名其妙XD
又老老實實啦
觀賞度就唔係好高架喇
畢竟學界女排定律, 打波過網贏左九成
但係我仍然feel 到睇學界支持自己學校果種感覺
仲有支持我想支持既人既果種感覺我的好妹妹芯姐
總結
今日相當充實
不論去體驗作為球迷抑或領隊既身份
都比坐響自己間房做D又難又唔關做老師既數黎得有意義
最少我有出去比個太陽曬下, 呼吸一下新鮮空氣
Gary ft. MIWOO - Get Some Air
|
|
