今日終於睇完轉角遇到愛,全劇有成16集,由第10集開始喊到最後。套劇真係好感動,唔知點形容好,呢套劇係我睇咁多套以黎,最勇敢去放手既一部。睇完,喊完,就完結。然而我真係好鍾意呢套劇,太好睇,有搞笑位,有感人位,而且主角仲係我地所熟悉既大S同小豬,佢地既演技好正!!!好想轉角愛有續集,好想睇既時候o個份感覺一直長存,但...可惜,佢地並冇話過會拍續集。

         我睇完套劇之後呢,俾秦朗影響到,佢鍾意畫畫,我記得我細個都好鍾意畫畫,有諗過大個之後做畫家。今日我重拾畫筆,試下我既畫功有冇退步,好彩,仲能夠保持水準。我唔知以後做咩,但我只知我一定會做有關創作或者藝術既Job,因為我太愛呢兩樣。

         今日幫新member步操,嗌到喉嚨痛,好彩冇聲沙,如果唔係18號既DI面試都唔知點算。今日教左Right Marker呢個動作,所有野總算教完,但唯獨佢地操得唔夠齊同冇士氣。點解決呢?我記得曾劍峰話過,長官係睇你有冇士氣,冇士氣就一定唔PASS,咁佢地點呢?我咩辦法都試過,但對佢地........好似冇咩用。另外,佢地既最大問題唔係呢樣,而係冇數timing,個個變哂千手觀音,唉....唔知點算!

         仲有一個禮拜就考試喇,真係好擔心。最近勁忙,顧佢地但都冇諗過測驗。因為佢地考試,我完全忘記左要溫書呢樣野,但唔可以唔理佢地,一定唔得!!!唯有趁星期六日攞d通宵時間黎溫書,冇辦法,而且我今日拎左d書番黎諗住溫。好喇,加油加油,Fighting!!!!!!!!!!!!!

        頭先睇番xanga,睇番陳麗同關超傑既一篇留言,佢地寫得好正,陳麗:唔好咁 la...我知你地好努力ga...亦都知你地做左好多野...其實班新member都知ga...加油牙!! 有咩事都好,,有我十卜你...我知你同5+2都好辛苦,,不過講真果句,,你2個已經做得好掂ga la...邊個做得多野,,邊個做得少,,,我地走左果3個好清楚,,仲有其他人都好清楚...加油吧!!  另外,關超傑:其實我都估唔到你重可以忍唔到e家..個個星期我都見你係圖書館搞RC d野..有冇做野有冇幫手我係睇到..其實我唔希望你去考DI..原因同我唔去一樣..如果你考到..d人又會話你考到就扮晒野..考唔到又話你唔努力..呢份壓力唔係人人都受到..唔好太免強自己..

         真係好感動,有呢兩個fd咁support自己,佢地真係好好,知我辛苦,成日黎安慰我。為左自己,為左佢地,一定要更努力!!!講真,連關超傑都見到我有做野,我真係忙架,我真係有做野架!!!

      今日係PE考試既大日子,難得我今日狀態大勇,竟然俾加手累事。事源我今日考試,先用右手射手球,再用左手。其實啱啱練既時侯係右手勁D,但練得太耐,然後右手就開始攰,我就用左手繼續練,竟然俾我發掘到我既「左手力量」。於是,我考試時,有兩次機會,我第一次用右手,然後第二次就用左手,我諗住右手應該回復狀態,點知,一開始我隻右手射球既時侯,個波跌左落地再陣上去。但係呢,我隻左手去射既時侯係射得快而準加上大力囉,真係砰左一聲好大聲。然後MISS同我講,連珮菁原來你既左手係大力D架?

      哈哈,我忽然覺得好正,我既左手原來係有一種好神奇既力量,但我平時係用右手寫字,估唔到原來我真係文武雙全,嘻嘻!!!右手文、左手武,掂!下個小說又有着落,以我為主角,以右手文、左手武為主題啦!正,又再一次覺得人生好充實!哈哈!!!!