今日係勞動節假期，
當然要俾自己去勞動一下！
今朝又去跳舞na^^
跳左個半鐘，雖然好累，但好滿足。
有好多動作都做到啦，
同埋記得返！要加油努力呀！
兩點散場，搭返車落ntp，
講左陣電話，講無聊野.............
今日個天空好靚呀！
好想去踏單車，但咁即興，
應該都搵唔切人，
但自己又唔想返屋企住，咁就行左陣街。
去左買度位貼整ar jack，
又見到佢兩個同時返工..........
大家當唔識，買完就走左。
跟住再行多陣，又買野、又食野，
一個人無拘無速、漫無目的咁行，
都幾好，起碼點都得，唔駛就人^^
行左一個鐘度就返屋企啦。
又再一次由上車訓到落車，
又差d落唔到車，惡性循環！
其實前一晚我都好早訓，但居然都係咁，
好明顯係因為平日小做運動，
一做完運動就想訓教教豬...........
返到去，玩左陣電腦，
幾個鐘後，舅父叫我地去佢屋企開台，
完全無興去，都唔識打.........
跟住半個鐘後就話去bbq...........
真係好天氣先咁玩法.........
由六點幾等爐等到九點幾..........
由肚餓變唔餓............
中途我、細佬同表妹被差遣去買野.......
咁就由獅子山公園行落竹園，
再由竹園行返去wts上村，
再由上村行入下村，
由下村行去龍翔中心，
由龍翔中心穿過wts中心，
去到目的地既時候，遲左七分鐘，
人地山左門..........白行！
跟住兩個細既就話去百佳，
去完wts中心果間無得賣，
就轉移去啟德果間...........
救命，好支力 ar，e兩個細佬都唔理下d老人家.........
好彩響間士多度見到，
仲有好多好平既零食xd，當然就買啦！
八點幾出發，最後九點九先返到去..........
去到終於有得燒............
omg好多野無得食.........
不過有我最愛既墨魚丸、茄子、多春魚^^萬歲
係咁食e三樣野.，因為其他都唔食得><
燒燒下去左傾電話，太悶啦！
都無野可以燒住............
傾電話果陣發現左d好得意既野，
當然要影低佢啦xd！
又再次返去食野，食左小小就同表妹去練舞。
半個鐘度啦，跟住有人打架，
我就同表妹返返去，
到十二點半就收拾，
差唔多兩點回到家中...........
p.s.人生第一次響公園燒野食要除襪同抹鞋................. |
