SHARING FROM http://chris-mok.blogspot.com/2011/09/3d.html
3年前大學選科到今天搵工...讀書工作做人為d咩？
3年前，我已填好JUPAS，25個choices，大約有15個是BBA。
因為沒什麼特別興趣，by elimination，最後就是BBA和Social sci。
成績最好的人，可能選擇最少。為什麼呢？
IFA,QFN,GBUS,MEDIC,LAW,PAC,你仲有咩選擇？
可能你會諗，喂，我拎住幾條A，無理由唔讀呢d科姐。
我以前都係咁諗，拎住條A，仲唔入3大BBA？
我成日諗如果我成績差d，我或者選的科不一樣。
結果呢？3年了，學到什麼？
......
好多嘢都係吹水，只有一堆附上假設的理論。
即使你GPA幾高都好，叫你考番上1,2個SEM的嘢，你估你識幾多？
好似中學咁，而家叫你考番A-LEVEL，你又記得幾多？
D人成日話中大有四大頹系，但我個人覺得BBA先頹。
永遠就係project + mid-term + final。
mid-term成日就係50條MC，個mean次次係40幾條，
project就大家1人做1part夾埋佢，好yeah搞店！
但果時我傻傻地諗，讀Social sci出黎做咩呀？讀BBA好似有前途d bor。
其實除左medic school, law, ifa之外，根本大家都係一個學位。
即使係big4，請的都有一半都唔係讀account的。
咩嘢叫做professional呀？
既然係咁，何不讀一科自己喜歡，有興趣的呢？
所以，我唔推介人讀BBA，萬不得已真係要讀的就hotel仲好。
起碼有得上紅酒course，煮下嘢食先啦。
BBA俾到你的，其實係識人，仲有好多soft skills。
你可以見識咩係商科人，好識把握機會，好aggressive，你可以知道所謂現實社會是什麼。
大家老友鬼鬼，有咩著數，記住話我知XD
我個人強烈推介政政系的GPAD1076同1095，
2個course學到的比我3年business course學到的更多。
-------------------------------------------------------------------------------------------------------
3年後的今天，我正面對如選科相似的問題。
問：”搵工搵咩工？” MT lor，big 4 lor…..
幾個月前，有一單新聞令我好感觸。
一個25歲中大會計畢業生，入左big4，考到牌，結果意外死左。
大多數入big4的就諗住捱捱捱，考完牌就好世界。
唉，邊有人諗到自己咁早死呀？
我靈機一動，上香港統計署的網頁。
原來跟我90年出生的男性，在20年內死亡估計約有1.22%，30年內死亡則3.02%
90年出生女性，在20年內死亡估計約有0.63%，30年內死亡則1.67%
有3%我會係51歲前死，你一定諗你死你事，無理由係我的。
但如果你在那3%之中呢？
你有什麼遺憾？
香港人平均工作時數為一星期45小時。
如果一星期工作5天，加上1小時食飯時間，未計算坐車時間，即是朝8晚6。
回到家中，食飯沖涼，又講訓覺，第二朝起身。
大家就活在這樣的營營役役之中。
工作為了什麼？賺錢。
賺錢為了什麼？大不了就是衣食住行。
食得好，穿得好，住得好，一年兩次旅行。
$150一碗豬扒飯我食過，$50一碗豬扒飯我又食過。
$600一塊牛扒我食過，$60一塊牛扒我又食過。
當然貴的貴得有原因，你想享受，就要追求。
但在追求的過程中，你又失去了什麼？
賺錢為了什麼？當然是為了自己所愛的人。
想把最好的給自己愛的人，相信不一定要當過父母才知道。
於是，我們就努力地爭取最好的，記住，是我們認為最好的。
老生常談如父母只顧賺錢，不斷物質滿足子女，
卻忽略對子女的關心，失卻共聚相處的時間，
這樣的例子多不勝數，我也認識一些。
咁到底工作，除左戶口的數字，仲可以俾到ｄ咩俾你？
有個簡單故仔，3個工人起教堂。有人問佢地做緊咩。
第一個答"起緊教堂lor，看都看到啦”
第二個答”搵緊食lor，唔駛養家咩？”
第三個答”我起緊一條通往天堂的道路”
聽過幾年前有個CU GBUS，結果佢選擇去左1間NGO做。
又看過本書，係某一年一個會考10A，佢選擇去做一個普通的中學老師。
讀Medic的，相信都有人去做無國界。:)
不知在那兒看到的，覺得很有道理。
我們的生活質素提高，一般人其實已經相當於二三十年前富有人家的生活。
以前你想飲茶？一盅兩件，想錯你個心。而家飲茶真係再普通不多。
以前想話搭飛機？又係想下好了。而家係街是但捉個人都坐過飛機。
但，我們變得開心了嗎？
佛洛伊德話人做的嘢就係兩樣，追求快樂同逃避痛苦。
追求快樂，所以我們用物質去滿足自己。
你買第一個名牌袋時會好開心，一個月後呢？
半年後呢？你仍會為它開心嗎？然而當你買第二個時呢？
逃避痛苦，你會數一大堆如我唔想住板間房，我唔想食大牌檔等等。
什麼是痛苦？在不丹，生活環境差得可憐，一部電視已夠奢侈。
但人家的快樂指數高得叫你望塵莫及，死未？
促使我諗咁多嘢的有好多，其中有關擇業的，
有天行者出版社的＜劈炮吾撈＞，同ppstream上可以看到的＜三傻大鬧寶萊塢＞。
當然仲有好多，不能盡錄。
在這個資訊發達的年代，我們收到很多資訊。
好多人咁講，好多人咁講。
如果唔用下個腦，根本連對錯都冇可能分得清。
即使我自以為常常用腦自我反省，也常常處身在十字路口中，不知方向。
唉，講埋諗埋呢D咁的嘢，我真係一個好失敗的BBA人 :)
睇完 佢都有佢道理
人生苦短 至三歲起就開始讀書
都有話 三歲定八十 但我地係唔係就係要讀到去八十歲?
其實我都想講好耐
學習係有趣 但加上了考試/測驗 難免會變得無趣..
之前係補習果時 呀SIR都話過人愈無知愈快樂
無錯呀..
識得愈多 思考就愈多 但分歧更多 難免有人有機心 有人有善心...
競爭根本因此無形地出現
當競爭有出現 社會就會揀有能的人
較差的 或完全落後果啲 就被歧視
壓力無形地出現
有人逃避 逃避到去死
有人對抗 舒緩 讀好啲書令自己個壓力少啲
其實 某程度上 因為這樣而讀書 我地早就已經被成個社會觀念支配咗
我們為這時代成了過渡 把這觀念推至下一代
推至時間終結 才算係完結...
我地咁樣爭 死讀爛讀 個個都為咗張入大學的入場劵
話為咗到時可以做份好啲的工 反哺家人
講到尾 做份好啲的工 賺到多啲錢
我地而家讀書咪又係為咗未來錢...
一句講晒 有錢最實際 就係一切
咁到時讀唔到書 但賺到錢 又算唔算擁有一切?
我想做我想做的
我唔想去到八十歲仲要係到被呢個所謂好的觀念所縛束..
但如今 我有我夢想可言?
|
