其實個日返屋企之後就想打日記嫁啦,
但係勁攰喎,之後個幾日又狂做功課,
所以推到今日先去打,唉...!

個日我同三姨同大姨媽佢地好早就起身,
喳喳林咁去換衫同搭港鐵,
咁我地同啊媽就約左9點就係碼頭到等,
但我地係上水,
所以路程就比我媽佢地遠,
去到中環就已經差唔多9點,
個陣我媽就打俾我地話俾佢地到左了,
咁係我地要食早餐,
咁就要佢地等下先啦..>~<""
但我地都食得好快....

好啦...搭渡輪,
嘩...勁多人,
而且有人的家人離逝,
要將佢的屍體運返去長洲,
所以有副棺材係到,
其他人就係玩掛,
搞到我無位坐,
好慘啊..!!

去到長洲,多人到我想打人啊,
黏線嫁!!估唔到個日係長洲的天后誕,
勁多人係到舞獅呀,
咁我地就去隨便行下啦,
點知行到去長洲的公屋村,
(乜長洲有公屋嫁咩?!我初初真係唔知喔!!)
 

公屋啊...#,#""

行完呢條村之後,
我地就隨便咁行,
行到去一個網球場,
入左去,因為佢地要去廁所,
 

好靚的裝潢...

之後就去張保仔出發啦

...沿路的風景

龍舟呀...

行左勁耐我地終於行到
有張保仔路牌的山底-,-""

我地係咁行,竟然係路途中見到燒烤場,
-口-"咁遠的燒烤場點解都會有咁多人去,
行左好耐的之後真係終於到啦,

 
見唔見到有個箭咀呀?佢指個到就係張保仔洞啦!
裡面勁黑喎,媽佢地又唔落去,
我又無得落!-0-""

之後我地又去到一個地方,
條樓梯多蚊到我想喊呀,
俾佢地咬左好多啖呀!!
但係係個到有好多仙人掌同蘆薈喔!!
跟住我地沿路返去,
去到燒烤場,我地行一條唔係我地初初上山的樓梯,
原來條樓梯係去天后廟
好多人啊....行唔到出去呀,
迫..迫死我啦!
之後我地就搭一隻內洲船返去↓

返返去碼頭,大姨媽話去搵長洲薯塔,
本來係碼頭前面有檔都係買薯塔,
但佢又話唔係個檔,
行左去東堤個到,
見到檔野,但係佢又話貴唔買,
好O咀...
咁就行左去沙灘,

然後我地行到沙灘的最尾,
經過一間酒店,
又行山啦,行到去關公廟,

之後我地終於行返去買六合彩個到,

好啦...都走啦!!
BYEBYE啦..長洲

~完~