今日中文堂個陣,
莊sir好嚴肅個樣已經令我地知道佢好嬲,
結果佢真係好嬲咁樣話我地中文卷令佢好失望,
佢問我地問題,但係得好少人答返佢,
佢好大聲咁樣叫我地全班應佢,
睇佢咁樣,佢應該唔係只係嬲咁簡單,
佢同我地講,有d同學連格式都寫錯,
佢又問其中一d同學,
可以點樣幫個d同學,點解個d同學會咁寫,
佢逐個逐個問,
就黎到我陣,我好驚...
因為我諗唔到有咩方法,
我望住莊sir,佢好嬲呀,我見到..!
好驚呀....
雖然之後佢無問我,
但我個陣個心突然跳左一下之後就停頓左一下,
原來我係驚成咁嫁...

之後派卷,我一拎到份卷睇到個分數,
我即刻講句感謝主,
我唔知點解我會咁講,
我淨係知我好驚莊sir講緊的係我,
結果今日呢堂我地過得好驚,
好痛苦,因為未見過莊sir係咁嬲嫁,
佢平日都係搞爛gag嫁嘛,
我唔識分佢係唔係真係莊sir啦!
佢發起火上黎真係好嚇人....