我今日過得好痛苦,
CHEM堂,
睇住份小測係珊姐手上係咁交叉,
我覺得好辛苦,
我不斷咁諗,
點解會連呢D咁簡單都錯?
點解連銀可以寫係Mg?
點解可以錯埋D咁小o架野?
好攰,唔諗得唔得呀?!

係數學堂我上得好唔知點,
好迷茫,我覺得呼吸唔到,
好辛苦,雖然係呢兩堂唔使小測住,
但我的心情依然好低落。

英文堂,我同曾浩講,
我好喊,所以我就真係喊左出黎,
我唔知點解我會真係喊,
我個陣淨係知道我好想發洩,
曾浩俾佢隻手我咬,
我捉住佢隻手但咬唔落口,
我咬自己個隻,
成個牙引,好深的,
我唔知點做,我先可以平復自己個心情。

lunch要a-math test,
我開卷,我兩題淨係識做a部,
b部,我完全記唔起點做,
我知道我肯定會唔合格,
所以我喊,我係咁喊,
我喊到mia都驚,
之後成個閱讀堂我都喊,
ms cheung都問我係咪唔舒服,
我唔想咁的,我唔想個個咁擔心我,
但我忍唔住,我淨係想喊。

派卷,我知道自己一定唔合格,
而且岩岩喊完,
我唔想再喊,但係盧sir又話要test多次,
但我好驚,我今日個狀態咁差,
我唔想再死多次,
所以好緊張,初初知道個兩題我尋日都做左,
我覺得好好彩,但係又係做到b部,
我又唔識啦,我好驚....
我係咁諗係咁諗,
我諗到,但係最後尾兩題錯做錯左,
我好辛苦,我知道自己開始崩潰緊,
就算今次合格又有咩用,
自己已經做過一次,
但係咁都唔記得,
我等盧sir個陣,
我又喊,練寶,妍妍,湉,mia,fish佢地都安慰我,
但係好對唔住,俾我喊呀!
我好辛苦.......
之後盧sir走埋黎,
我個陣淨係諗同盧sir講對唔住,
好對唔住,
我知你安慰係唔想我太過注重成敗,
但我唔想再次嘗到唯一識的科目都唔合格的滋味!
好攰......