今日一個字就可以形容我的狀態,,

係一個「攰」字,,,,,

先唔理係英文堂同a-math堂,,

兩位阿sir都好"體諒"咁樣俾功課我地,,

但係只不過係chem補課,,

mr.tam都可以俾成兩大份工作紙俾我地自己做,,

但佢就要落去開會,,唔教得我地做,,

嘩,,大佬,,想收埋人命呀?!

而且仲好笑的是,,佢俾個兩份工作紙,,

全部題目的課文佢都無教過,,

佢淨係叫我地就咁睇書做,,

我心諗,,,「又唔教,,又叫人做,,做咩呀?!做個頭呀?!」

唔係我唔想做呀,,睇書就做一d唔識o既野,,

倒不如我自修吧啦,,,駛鬼係到同你補課?!

我地今日上完PE,,跑完9分鐘,,

仲要行上5樓,,就為左佢一個做工作紙的補課,

個一刻,,我真係好想拎條麵條上吊,拎磚豆腐扑頭呀!

做做做,,上左成日堂,,仲要係個班房同佢做工作紙,,

我真係好攰呀!!,,唔好話我成日呻,,

今日個個都嗌晒話唔識做,,

個個都係到暗罵佢,,,

「如果睇書就識做,,咁仲駛請老師咩?!

我地又唔係摩哥,,我地唔係天才黎嫁」

邊個可以話我地聽,,點解人地做中五生,,

人地就真係可以淨係諗住個會考,,

但係我地考完個會考,,

仲要諗住中七個陣點同班三三四的中六鬥爭學位?

我可唔可以當係,,教育局放棄左我地呀?!

我地比人讀多一年,但又要比人多一倍o既競爭,

邊一個錯呀?邊一個錯呀?!

我地呀?!錯左我地生係1993年,,係2009年仲係中五生呀?!

會考會考會考,,邊個唔知會考對我地好重要呀?!

但都唔好忽視我地的感受,,忽視我地需要休息呀!!

屆屆中五生就係人,,我地就唔係人,,

下,,谷得就谷,,D時間用得就用,,

塞得就塞,,係唔係都教左先算,,

「唔識?!咁係你無聽書,,唔怪得人,,!!」

點呀?!係咪真係我地錯呀?!

係咪因為我地係末代會考生,,就可以用呢個藉口,

將一切極大的壓力諗都唔諗就壓晒落我地到呀!?

適應期,,話就話係俾班中一至中三一個適應期,,

咁我地呢?!難道我地就唔需要適應?!

難道我地係神人,,無論係咩改變,我地一瞬間就可以適應?!

唔好玩啦!!就算係大人都無可能咁樣,

更何況我地只係一班未成年的青少年喳!!

我地失敗左,,我地係無後路嫁啦!

唯一一個你想上中六的方法,,

自己跳返落中四啦,,,,

即係話,,我地變相要比而家的中四,,讀多左兩年呀!

我地無得repeat中五,,

我一諗到呢到,,我真係覺得好好笑,,

因為係末代會考生,,所以連翻身的機會都會無,,

即係話,,佢地係放棄左我地,,

以成全佢地另外著重的國家幼苗呀!

邊個可以話我知?捱埋呢幾個月真係可以唔使再擔心?!

無人可以答我,,因為答案連佢地自己都唔知,,