起身啦..然後我收到一個sms.我估到係紫菜啦..呢次佢又同我講分手啦..呢次我無喊啦.因為我估到有咁既一日.唔通我真係咁蠢咩!!我亦都唔識喊啦...今日我個心想返工.但係..唉..佢地又叫我唔好返..自己心情又唔好..唉唉.點算呀..
呢段係佢send比我既sms:
我地不如分手喇-我係一個唔好既人-呢段日子我自己真係同你唔係好夾-我已經決定左喇-雖然你可能想問我點解點解-不果我唔想再講喇-今次我咁樣-係我既問題-對唔住-我已愛上了別人-sorry
係咪好絕情呢..或者啦.但係我send返sms比佢.我同佢講:
到依家我仲未諗到呢個訊息係邊個send黎,但係我想講同女仔講分手唔係話愛上左別人就會易甩手啲.索性同個女仔講我唔愛你啦!咁樣會唔會絕情啲,寧願個女人憎你,亦都唔好比佢鐘意返你!岩唔岩呀?陳xx!
呢次點解我可以咁樣答返佢..因為我睇化啦.佢係一個錫我既人.我知ka..只不過真係有緣無份啦!曾經相戀過亦算幸福呀!!對不對?又何必再去在乎天長久唔久呀..愛過已經足夠啦..對不對?傷心總難免ka啦..慶幸我呢次無再喊到死老豆咁既樣呀..或者以後我都唔會搵佢ka啦..因為我都知道自己搵返佢..真係只係做朋友咁簡單咩..我知自己未能做到分手後亦可以做朋友.皆因我愛佢愛得太深.從此連一個真心錫我既男朋友....都已經無啦. |
