每個星期日朝早都會去gym，出完一身汗就梗是要沖涼啦。但當你一身光脫脫嘅時候，有一個女性「實Q」喺你身邊行嚟行去，你會覺得點???

又或者係當你沖完涼嘅時候，有另一個member(梗係女人嚟啦~)眼甘甘咁望住你 - 重點係你當時成身只有一條大毛巾，而你正準備著番衫 ...

我知男人會想睇吓人哋支「茅」係長定短，咁女人又係咪會對第二個女人對「愛美神導彈」有興趣呢?  想睇就睇四仔啦~ 要幾長有幾長、要幾大有幾大囉~

一踏入12月，個個人都好似好開心咁，plan去邊度、plan要做啲乜。我都有好多plan，日頭趕file，月個做training、月尾出trip，咁就一個月喇。講來講去都係公司嘢，自己？有覺好瞓就偷笑啦，仲講乜希望吖~

究竟我幾時先可以真正咁rest in peace呢？

MuiMui又發燒啦~  今次仲高到102度。佢爸爸媽媽又返咗，唯有由我呢個姑姐帶佢去睇醫生囉。

MuiMui真係好乖，又唔喊又唔扭計，佢甚至連打針都只係叫咗一聲就無再喊。學老豆話齋，真係睇見都心痛呀~

你用乜嘢顏色嘅牙膏嘅呢？我屋企有黃色、白色、藍色，以前用過綠色，仲有藍白間、白綠間 ... 真係多「支」多彩。

喺我屋企，牙膏就好似我啲香水，唔同日子、唔同時間可以用唔同味或者唔同顏色嘅牙膏。

唔單只顏色、味道，仲有來自唔同國家。白色嘅係中國佳麗，因為兩老話用咗唔會咁容易有牙週病 - 而老豆亦因為用咗佢，牙週病真係好番。黃色嘅係本港代表 - 高露潔，不過真實國籍無人知。而藍色嘅靚女，係話自己來自英國嘅「大陸妹」。有時仲會有喺旅行時帶返嚟嘅日本妹、賓妹、泰妹 ...

十足十聯合國 ...

喺我嘅朋友圈子中，三頁公司嘅電腦系統「屎」，係出晒名嘅。唔單只成日down機，依家仲連retrieve同save都耐過人。

今日，我就試過用超過3分鐘去開一個file。我點知超過3分鐘？因為我去玩厠所都未開到。依家，我就係用緊打呢個blog嘅時間save一個file。又超過3分鐘啦，都仲未得呀。唉~

你話~ 有啲咁嘅IT Support，香港嘅IT泡沫想唔爆都幾難。

選擇題︰

一(?)橙    (A)粒   (B)個     答︰現今大部份人都講「粒」，我以前學嘅係「個」

一(?)蕉    (A)條   (B)隻     答︰現今大部份人都講「條」，我以前學嘅係「隻」

一(?)蛋    (A)粒   (B)隻     答︰現今大部份人都講「粒」，我以前學嘅係「隻」

仲有好多例子，多不勝數 ...

死啦~ 依家啲人啲廣東話咁奇怪。究竟係我錯定人哋錯呢？唉~ 難怪今日啲後生仔嘅中文水平下降 ...

無錯~ 又係老鼠城，我今日又去喇~

一個平常嘅星期二，唔係假期，又唔太近大時大節，所以唔係好多人，而我就可以自由自在咁玩。一個人，係就係有啲悶，不過勝在想玩乜就玩乜，唔駛理同行人嘅反應 - 因為根本無所謂嘅同行人。

估都估到，唔係weekend就一定係自由人嘅天地。不過佢哋可能受咗阿爺嘅教誨，要做個文明人，所以就比以前嘅表現好咗好多，唔再四圍「mau」，四圍放飛劍。

睇show嗰陣又有啲嘢見到同諗到。有一個「小妹妹」(10多20歲對我嚟講都係小妹妹囉~)，同男朋友仔去老鼠城玩，唔計食兩個人都over5舊水，如果仲要shop吓就隨時過千。嘩~依家啲後生真有米~再睇真，小妹妹用嘅係名牌袋，手戴Tiffany手錬。除非兩樣都係A貨，否則佢老豆老母 / 條仔要供養佢都幾「甘」。

乜依家啲後生咁materialistic架?????

明珠台又播「明日之後」，而且又係冬天，睇到我心寒身又凍。點解次次睇親都係咁凍嘅？

我第一次睇呢部戲嘅DVD時，係一個好凍嘅年初三。真係諗起都覺得凍呀~

今日下晝請假去接老豆出院時，喺地鐵撞到老同學Simon，講嘅不外乎係果啲︰最近點呀 ... 不過有啲問題係我唔敢問嘅︰你太太點呀？有細路仔未呀？

依家啲人離離合合，今日結婚，聽日就已經離咗，我點敢問呀？費事大家尷尬啦~

都係我好，十年如一日，一條友~

Haven't updated my blod for a few days because my pa was sent to hospital again.

Guys~  Please do take care of your parents during cool / cold days.