仲有兩個半鐘頭2006就成為過去。回想今年發生過嘅事，唔開心遠多開心嘅事。
喺我嘅Top Ten入面，第一位係父母病情有慢慢轉壞嘅蹟像。因為咁，我嘅心情亦同樣變差，成日發脾氣。我變得唔鍾意返屋企而喺公司開OT。
第二係Regional Office「結業」。雖然，我唔係話同每一個人都好friend，但共事咗7年，多多少少都有啲感情。一旦分開，姑終有啲唔捨得。
第三，我終於可以將心入面一啲「垃圾」開除。乜嘢CLP、Solo、毛筆、怕醜仔... 都已經成為過去。我又可以開開心心一個人。
第四，我又暴肥~! 無論我點勤力做gym，都一樣通肥。OK。肥就肥啦~ 照食~!
第五，由於公司重組，我開始report比美國。老闆係一個美國grandma Jackie，但其實我係同一個黑人女人work。我唔mind佢係乜人，我只希望佢係一個reasonable嘅人，而Cheryl佢正係一個咁嘅人。不幸中之大幸。
第六，我變成一個frequent traveler。由10月開始，我真係個個月都要飛。唔係晒命，咁飛真係好攰。但我知呢啲係我想上位嘅代價。OK~ 呢個世界上乜都give and take嘅關係，我唯有接受。
第七，我迷上美國電視劇"House"。Hugh Laurie係上天一個上等嘅作品。有好家庭背景、好教育背景、好藝術收養、亦都幾型喎 ... jealous ...
第八、第九、第十都係我想死，真正咁死，永遠離開呢個世界。 |
)，係時候要注意環保喇 ...