啱啱放學由中大返柴灣，好攰 ... 上堂聽到啲「金句」想同大家分享：

• Don't think, FEEL.
• Translation is life touching life.
• If you don't think about the future, you won't have any.

朋友，我哋互勉喇~ Night night 喇~

一定係受咗刺激，我整咗幾款甜品 - 有芝麻榚、馬蹄榚同啫喱。雖然通通都唔係難整，但我都好比心機整，只不過我所準備嘅馬蹄榚份量只剩底5分之1 - 因為喺過程中，我個玻璃兜一開為三。唉~呢件事再一次remind我：工欲善其事，必先利其器。

睇落只有帶芝麻榚返公司比啲小朋友食喇~

My friends，下次到你哋~等吓啦~

(1) 池珍熙嘅角色話，每個人都係一部電影，身邊有好多唔同嘅角色。我部戲嘅第一男主角仲未有影，但我係唔係自己部戲嘅女主角？我唔知，因為我根本唔肯定自己係我為我生存，定係為咗其他原因我依然存在？

(2) 我同孫納一樣，瞓覺會磨牙。據知情者話，我啲磨牙聲都幾得人驚~

(3) 聶文好奸。佢唔強求孫納愛佢，只係要成為孫納嘅回憶。孫納只係一個受過苦，想向上爬嘅女仔。聶文成功咗。佢咁做會令孫納一世都唔安樂，喺佢嘅良知中永遠記得，佢欠過一個提攜過佢、愛佢，同名叫聶文嘅男人。

(3) 「如果．愛」呢個問題我諗同人生嘅意義一樣咁難答。If you love somebody, set him / her free。聖經話愛係不嫉妒。納蘭XX話愛到深處無怨尤。喺呢方面，我係一個典型嘅天蠍座嘅人，唔係愛，就係恨。

(4) 如果•愛

作曲：金培達
填詞：姚謙
編曲：金培達

每個人　都想明白
誰是自己生命　不該錯過的真愛
特別在午夜醒來　更是　會感慨
心動埋怨還有不能釋懷
都是因為你觸碰了愛

＊如果這就是愛
　在轉身就該勇敢留下來
　就算受傷　就算流淚
　都是生命裡溫柔灌溉

　愛　在回憶裡總是那麼明白
　困惑的心　流過的淚
　還有數不盡黑夜等待
　如果這就是愛＊

如果你　當時明白
後來的生命裡　是快樂還是悲哀
特別在夜深人靜時　想起未來
是否能平靜不會像現在
只是因為你擁有了愛

REPEAT＊

如果這就是愛

終於嚟到暑假最後嘅一日。已經唔係學生，但對暑假仍然有一份變態嘅依戀，總以為一切嘅事會喺暑假過後有所不同。

9月1 號成日都比我好多憧憬，新嘅老師、新嘅同學，又或者係...新嘅戀情 - 一切從新開始。但係每年返學，都係見住嗰班同學同老師，繼續暗戀、苦戀或者失戀。一切依舊。

9月3嘅我又再返學。我會有新嘅同學同老師，唔知會唔會有新嘅暗戀，然後變成明戀、苦戀，再變成失戀？唉~ 好悶呀 ...

儘管有人話搵人幫手你係可以幫人哋得到快樂，但係我真係好鍾意自己完成一個task嘅成功感。我終於成功咁將我部錄影機(睇錄影帶嗰仲)，同我部電腦駁埋一齊，成就我錄DVD嘅大業。

事緣係我兩年前買咗張TV Card，但一直都無install。上星期日一時手痕，先駁好張card，然後再駁錄影機，一再唔成功。最後搵高人指點下，掂咗。

我嘅任務係將十幾廿年前啲電視錄影帶變成DVD。張學友同張曼玉嘅「真的愛你」係我嘅tester，我下一個project係張國榮嘅音樂特緝「驚情」同「日落巴黎」。

(1)  Vivian打電話問我Florence有無嘢做，佢有個post好啱佢。邊解無人搵我嘅呢？

(2)  個天好古怪，落吓雨又出吓太陽。會唔會係有乜嘢sign？

(3)  個心開始有啲悶同有少少喘氣嘅感覺。唔通真係？

當人遇到唔開心嘅事，會有啲乜嘢反應？死？我仲未有膽；宗教信仰？我已經比人話係叛教徒，而我亦開始唔信，所以thanks but no thanks。就好似啲小朋友咁，我開始沉迷一啲嘢。我諗睇碟聽歌仲好正常呀呵？！

我唔係搵藉口，但係我只係希望可以離開現實世界一陣間，就只係一陣，我就已經心滿意足。喺故事、歌曲同電影嘅世界入面，一切都係美好嘅(sorry，我唔睇黑幫仇殺片)，就算唔係咁好，佢哋都曾經甘過，又或者會苦盡甘來。我唔覺得我甘過，亦覺得我已經好苦，但幾時先甘？我有無命等到？I wonder ...

由朝早8點開始，今日嘅成績係3套港產片，加一個concert。

聽日繼續。

今日大出血，20隻VCD & DVD，用咗千幾蚊。咁大個女罕有咁駛大錢。

其實我買果陣都有些少犯罪感 - 咁大駛喎，但同其他人相比，我又點算大駛啫？！ Once in a while，做啲令自己開心嘅嘢又何妨？無人錫，就要自己錫自己喇~

近日中一種叫「張學友」嘅毒，上YouTube搵佢啲MTV同電視節目，聽佢啲歌 - 新新舊舊都聽。

我覺得男人會想好似佢咁，唱歌咁好聽、咁受歡迎(特別係女仔)，同搵好多錢。女人就想自己個男人係張學友，就算唔係都要似，因為佢唱歌好聽、錫老婆同兩個女、無(乜)緋聞，搵好多好多錢，仲要識寫歌比自己個女人。

佢喺電視訪問中話：佢唔會令佢嘅女人唔開心，因為咁自己會唔開心。你話哎~ 咁嘅男人去邊度搵吖 ...簡直係冧死女~

我諗如果我想解我嘅毒，我一定要搵個好似佢咁嘅男人~