To protect our right to read Chinese in traditional characters, please visit the website and sign the petition.

http://www.gopetition.com/region/237/8314.html

This is part of the Human Right that we entitle and should not be exploited.

夏日炎炎，又係女士們啲小背心出籠嘅時候。或者今年係興layer，但有啲小姐嘅膊頭真係有好多bra帶呀、背心帶呀咁，我就覺得 ...

bra帶，可以有好多顏色，仲有透明，而且bra都仲有有帶同無帶，點解著背心仲要戴啲五顏六色嘅bra？一向怕熱嘅我見到啲人又bra帶、又兩三件背心，再加防冷氣嘅小外套... 我真係可以感同身受...咁熱呀~

冬天幾時到呀？？？

屋企樓下有一間細細嘅齋舖，成日都比我好多諗嘢嘅空間。就好似早前放啲經書喺門口，話偷書者要「後果自負」，今朝我返工果陣行過，又比我見到一啲好好笑嘅嘢。

呢間齋舖好攪鬼，喺清明重陽經常有「乳豬」賣，今日我再見到新嘢：豬扒，仲要係有黑椒嘅，死未？！

如果真係有善心唔想殺生，係咪連呢啲呃自己嘅噖都唔應該食？！究竟佢哋係咪真係有好生之德？I wonder~

諗返起上兩個禮拜Marguerite嚟香港時同我提及一個喺美國嘅慈善機構，佢哋除咗籌款幫人之外，仲籌頭髮。佢哋收集10吋以上嘅頭髮，喺捐比佢哋時要束成一條「馬尾」咁。

呢個組織嘅目的，係為一啲因病而無晒所有頭髮嘅小朋友。我覺得好有意思，因為，小朋友都係人，有自專心，要靚，佢哋睇到同照顧到一啲其他機構無暇處理嘅地方。

有興趣請登入佢哋嘅網址，幫吓人啦~

http://www.locksoflove.org/

琴晚做完「尖(gym)」之後返屋企，飲咗杯「靈堂(零糖)」可樂，睇完電視就瞓。半夜我發咗個咁嘅夢：

公司gathering食buffet，身為Admin揸fit人嘅我就一定要打點一切，所以有得睇、無得食。個gathering到咗差唔多到尾聲時，個run-down都進行得八八九九，於是我終於可以食嘢。眼見buffet line上滿目瘡痍，只係剩番啲cake，我就一不做、二不休狂掃cake - 黑森林、Tiramisu、Cheese cake...返到埋位，一眾「靚女」話：「Chow Chow，做乜食咁多嘢呀？好肥0架~」聽完我火都嚟埋：「多？你哋就係咁食，我做咗成日都未食過嘢呀，你哋想餓死我吖？！」發完夢，醒咗。我真係好肚餓呀~

原來夢境真係反映現實0架~

我個姪女今年未夠兩歲，仲喺食奶期，每晚9點半要食埋最後一次奶先瞓覺。大人有電視節目餸飯，BB都有，佢要睇劉德華「夏日Fiesta演唱會」。佢最鍾意聽/睇「心藍」、「踢出個未來」、「笨小孩」同「夏日Fiesta」，一聽/睇到就眼都唔眨，有時仲手郁郁想學人跳舞，可愛到不得了。

自己未結婚又無細路仔，就當妹妹係自己個女囉！嘻~ 好過自己生 ...

今朝聽收音機時聽到提及林憶蓮，就令我聯想到「鷹與星」呢隻歌。而因為呢隻歌，又令我諗起「鷹狼傳奇」。隻歌講一個日頭係鷹，而另一個夜晚係星；套戲講一個日頭係鷹，另一個夜晚係狼。大家見面嘅時間，就只有喺雙方「變身」之前嘅一剎那，幾desperate呀，我就係咁變態，鍾意埋晒啲咁嘅嘢。

鷹與星

歌手： 林憶蓮  作曲： 徐日勤  填詞： 林振強

邪術要我每朝孤單帶淚影 默然無可奈的變一隻野鷹
邪術要你隨著日落消失去 一到入夜當人靜
便離開我突變一顆晚星

停在你膊每朝一起聽浪聲 是仍然一樣的我 即使已變鷹
而在每晚留在寂寞的山嶺 披了夜幕的沉靜
是無言的我在看一顆晚星

多麼想有日能相擁 不須只看著你面容
每次我承認這是夢 也莫名的心痛
雖不可有日能相擁 雖只可看著你面容
也愛你無論心之中 明知道無用

多麼想有日能相擁 雖只可看著你面容
也愛你明白心之中  仍可與你 同夢某個熱夢

乜嘢係美麗？唔係一啲化「行」妝、著名牌、扮cool、青春少艾、目高於頂...嘅女性？通通無佢哋份。美麗同靚係一種氣氛，唔係單從女性身上發出。

喺地鐵上我見到一對年紀都唔輕嘅中年「情侶」，分開嚟睇，男嘅唔俊，女嘅唔美，但見佢哋二人輕聲細語 - 我重複，係& 只係輕聲細語，無2級半咀咀同摸摸場面出現，好warm。佢哋身造出嚟氣氛同感覺就係「美麗」。

相反一對年輕男女，男嘅...型囉(我唔識形容一個喺下巴留羊咩鬚嘅男人)，女嘅...潮囉(總之唔係靚啦)。我只係因為好奇望咗佢「條仔」(可能只係同行人咋)幾眼，就比佢用可以殺死我三千次嘅可怕眼神「啤」住。好得人驚！你話啦，呢啲咁嘅couple(事實仲唔知係咪喎...)有乜可觀性吖 ...

對我嚟講，今日係一日個黑色星期日。唔關人事，一切起於自己懶，所以要喺屋企趕譯稿。

話說雜誌早喺兩個星期前已經比咗稿我要譯，只係自己死懶，拖拖拉拉到今日都仲未做好。死啦~ 人哋琴截稿0架，我仲喺度慢吞吞...

阿Joe，真係sorry喇~ 下次我一定會早啲交稿0架喇~

今日喺堂細妹屋企打咗一個下晝Wii，好好玩。打拳、網球、兔仔game，玩到我對手臂好攰。

死啦~ 我個wish list又多一項，而且仲係high priority嚟呀 ...