我每日除咗要睇CV叫人嚟見工之外，我嘅工作亦包括障礙短跑。

前幾日當門鐘仲未裝好嘅時候，每次有人嚟公司都會打我個直線電話，我再出去開門。今日雖然話門鐘裝好咗，但我都要去開門，因為細過我嘅都仲未請，而佢哋要聽電話，又點可以幫我開門呢？

話係障礙短跑，係因為從我個位去到門口唔係直路，而且中間有好多枱，再加上要快啲開門，所以要走得好快。

你估咁走法可唔可以會有得瘦啲吖？？？

依家我日常工作嘅一部份，係篩選合資格嘅應徵者，叫佢哋上嚟公司面試。今日我真係大開眼界。

Case 1 - 面試由10點開始，第一個應徵者到依家都未見人，而我亦搵佢唔到。你話比我聽你點好都無用，事實勝於雄辯 - 完全無責任心。

Case 2 - 吳小姐上嚟面試，由踏入我哋公司門口開始都非常cool，一啲笑容都無，說話用字亦非常簡潔： 哦、唔 ... OK，對我呢個少少嘅HR無乜禮貌唔緊要，但對一個有可能係你老闆嘅人都無禮貌，就非常死蠢。佢連行入個經理間房都唔同人哋打招呼，interview過程中更攞個電話出嚟講話：「有電話喎」(當事人複述)。你係老闆，會唔會請呢啲人？

我諗呢啲都係香港教育制度失敗嘅其中一個例子...

My current job duties include screening CV of job applicants, and therefore, I can see a lot of funny application letters and CVs.  Here, I'd like to share some with you:

(1) There was a boy applying for a senior clerical position.  He stated in his covering letter that "I'm definitely sure that I will be a valuable staff to your company".  It's OK, but when I reviewed his CV, all his previous jobs were sales related without any experience about the job so ...

(2) I received an application from a girl applying for the post of Coordinator.  When I browsed her CV - OMG - she is an Assistant Manager.  Then when I further checked her current salary ... it's only 11K.  See~ That was why I could not find a job with my salary at that time ... I was only a Supervisor but my salary was ... Now I know why ...

There are many cases that over-qualified candidates apply for junior posts, and candidates with limited experience are looking for senior posts.  It's funny ... I have seen one applicant applying for a junior post for 28K per month~  Oh - My - God~

近日有兩單新聞，令平靜嘅香港除咗大細契之外，都仲有啲話題。

(1) 中大情色版 - 某程度上我都幾保守，覺得有啲嘢你可以諗，但唔可以講同寫出嚟。果啲自以為大個仔大個女嘅「大學生」，喺校報上問咗啲令我唔識形容嘅問題：有無諗過同父母性交？有無諗過同動物性交？好，我就問番佢哋：有無諗過同自己父母性交？有無諗過同佢哋隻狗做愛？唔好用日本咸片相比，因為劇中人根本唔係一家人，所以唔可以話係亂倫。如果佢哋會同隻動物做愛，咁係咪話佢哋自己唔係人？如果佢哋覺得自己已經係一個大人、大學生，請尊重自己有獨立思考嘅能力，知道道德人倫係乜。

(2) 投訴聖經 - 我唔係一個忠實信徒、我無睇晒成本聖經，所以唔知佢哋投訴嘅果段亂倫殺人嘅情節係乜。但我係一個language student，我會覺得係可能喺翻譯過程中，有人加啲減啲，成為比人投訴嘅版本。所以我建議啲投訴人，先睇完希伯來文版本嘅原文再投訴。

今朝聽收音機時聽到一個咁嘅廣告，都幾幽默：

仔：老豆，暑假去邊呀？

老豆： 去長洲啦。

仔：去長洲？要5個7喎。

老豆：哦！

仔： 不如去澳洲悉尼，細路仔免費。

老豆： 吓 ...

成套「溏心風暴」就只係睇李司琪。佢嘅一舉手一投足，都恰如其份咁表現出一家之主嘅風采；而當演到佢病入膏肓時，亦非常像樣。薑真係老嘅辣，相比之下啲姐仔哥仔，唔該靠邊站。

一向唔多睇港劇嘅我，都忍唔住要晚晚追呢套劇。唔知今年李司琪會唔會攞「我最喜愛女主角」獎？

每日返工都會經過海底隧道，而隧道入口有好多巨型廣告，其中一個係西九龍中心嘅。一向呢個商場都會用性感美女做招徠，但今次就令我好不安。

廣告中嘅美女好瘦，合乎一般模特兒嘅基本條件；而且係平胸，可以用「波平如鏡」嚟形容。但佢仲要作性感狀，單手遮住佢個飛機場，令我有啲唔係好舒服；而模特兒個只著上bra top 同熱褲嘅嬌軀，就打有啲好似手袋嘅圖案，搞到佢好似一個人肉Gucci袋，好得人驚。

我依家每日搭巴士返工經過隧道口都一定要刻意唔望呢個廣告，費事令自己情緒不安。

有啲人真係 ... (下刪幾百字)。我知佢係出於好心，但過份熱心就會比人覺得佢煩。而喺我嗰個case，我仲覺得佢喺度「點」我。人貴自知，希望各位看官自重。

話說新office嘅裝修已經做得差不多，所以就喺今日正式入伙。但由於有部份工程尚未完成，所以仍在施工中。正因如此，office就非常沙塵滾滾。最受罪嘅，莫過於我哋呼吸系統，同細嫩嘅肌膚。有鑑於此，我就非常勤力喺自家裡做面 - 因為「姑寒」。

上回講到我喺高句麗買入一批護膚品，其中一支係面部去死皮用嘅。其實我自從買咗呢支嘢，就每兩日都做一次(上一次係前日)。點知今日一做去死皮，嘩~有一舊舊嘅死皮唔在講，仲係灰色嘅~死未~好在我無偷懶咋 ...

所以各位姊妹，唔好懶呀~真係好得人驚呀 ...

(1)  (琴日) Rainy days & Mondays always get me down ...

(2)  我深感某人「口水多過茶」同「乜都知」嘅可怕 ...

(3)  今日第一日真正開工，企足一日，仲攰過我當年做part time sales。

(4)  嘩~ 今個月張credit card statement差啲嚇死我 ... 好「甘」呀 ...

(5)  Yahoo~ Alice幫我買到台灣張學友演唱會嘅飛呀~