「症」字係屬病部，所以我嘅夜眠症(遲過半夜12點瞓)對我嚟講，係病。

病因係另外一個叫「發錢寒」嘅病。趕功課已經令我差啲應付唔嚟，交完一份功課以為可以鬆一口氣，點知又學人接稿嚟譯，而且仲係唔知價同有無錢收嘅job，你話幾sad ...

一句講晒，就係犯賤 - 我對眼袋依家可以放得落八公斤米呀 ... 

其實生日係乜嘢一回事？當生你出嚟嗰個人都已經唔再記得，對你嚟講仲有乜嘢意義？

其實我都有啲期待生日嘅來臨。一年一次，過咗要再等多300幾日先再有一次。但，又點呢？美其名係過生日，講到底又係吃吃喝喝~ 

我諗我對生日或者係生命唔再有期待。或者，死亡會比我有多啲新鮮感 - 我好期待~

一個純聽覺享受嘅音樂會。冇華服、冇dancer，但個台同啲backdrop嘅computer graphic好正 - 當然包括演出者、啲音樂同和音啦。只不過我唔係死忠fans，所以有95%佢唱嘅歌我都唔識。但佢把聲亦都可以用「天籟」嚟形容。

又見到Patrick做Sandy嘅backup vocalist，令我諗返起Sandy嘅第一次Concert，亦係用佢 - 原來已經係10幾年前嘅事喇。

歲月如飛。

不得不提，由完場到我返到柴灣屋企入到屋，只係用咗我60分鐘 - 全因有聰明嘅小巴司機喺會場門外等客，提供$20由九龍灣到銅鑼灣/灣仔嘅亡命小巴服務，需時只要15分鐘。超正~

記得細個嗰陣，作一篇2、300字嘅英文作文，仲慘過殺死我。細個嘛，邊有咁多vocab喎。慢慢開始大個，300、400、500字咁加上去，到咗今時今日，有一次要交功課寫2,000字，我依然想死：得2,000字咋？寫多啲得唔得呀？真係此一時彼一時喇。

最近我哋交功課嘅標準好得意： 20頁隔雙行嘅A4紙。哈~ 原來現今世代已經default咗你屋企一定有電腦同printer，所以做功課要一定用電腦，而且你一定係用香港嘅A4紙，而唔係美國嘅letter size，用嘅fonts一定係Times New Roman 12。但 ... 我屋企冇printer 同我用慣Arial 12嘅fonts。咁點算好呢？

世事唔係絕對嘅~ 仲有 ... 我依家呢個moment仲做緊功課呀 ... 嗚嗚嗚 ...

最近發覺自己原來好鍾意雙手抱胸 - 原來咁係表示你唔耐煩，又或者係好defensive。最近一次係我去銀行時，櫃員小姐唔理其他排緊隊嘅客人，只係掛住sell櫃枱前嗰個客，我好不自覺咁雙手抱胸。到我完成我需要嘅銀行服務後，我喺行返office時諗，原來我真係一本open book，個心入面諗乜，通通比人睇得一清二楚。仲有有時當我冇帶袋搭巴士時，我都會雙手抱胸，呢啲係defensive嘅表現 - 又或者你會話係protective啦。不過點都好，我以後要小心呢啲小動作，因為佢哋喺度出賣緊我。

你又有冇發覺自己有乜嘢身體語言呢~？

雖然係我比錢，但我好開心 - 因為我兩個冇乜心肝嘅大佬竟然記得，仲同我講「Happy Birthday」。

有時覺得人大咗，就算係一家人，相處時間亦會少咗，自不然就會越來越生疏。我姑姐曾經同我講，佢哋兄妹幾個咁生疏就係好失敗，一生人就剩番三兄妹，父母走咗就只係佢哋幾個人，叫我哋唔好學佢哋。呢番說話我記到今日，直至我死。既然我仲afford得起，又有乜所謂呢？

三佬講得啱，都係自己人一齊開心啲，我哋大吃大喝又大聲講嘢，唔駛顧儀態，好free、好自在。一個好飽又好開心嘅lunch。

無論你係乜嘢人，你嘅身邊總有一兩個成日以攪「慶」你為大任嘅人。我呀老闆大人就係咁，每日都不遺餘力咁攪「慶」我。

如果佢唔識，我希望佢去上吓Biology堂，等佢知道人會肥係有好多內在同外在因素。有啲人真係單飲水都會肥 - 而且仲係減唔到嘅。仲有，有啲人無論佢點做運動都唔會瘦 - 我亦都係呢啲人。最重要嘅係 ...

我食乜都唔關你事呀~

鍾意上Facebook，除咗可以搵到一啲friend嘅profile之外，我仲可以review做咗咁多年人，睇過啲乜嘢戲。

原本我嘅興趣非常多樣化。由劇情片，到驚慄、恐怖、愛情小品，甚至艷情我都好。當然不幸地，我亦睇過唔少爛片，但爛片之中，亦有我喜歡嘅：都係想笑一場啫，唔駛太認真嘅。

仲有4個禮拜我就自由喇，到嗰陣我就可以係咁睇戲、係咁睇戲、不停係咁睇戲 ...

市場價格報導：  叉燒飽原價5蚊，現價5個半，升幅50%；炸雞肶原價10蚊，現價12蚊，升幅20%

死啦~ 乜都加係份人工無加，點生活呀？

Sadness - 呢個係人之常情。唔開心、受委屈、傷心時會因為喊而流眼淚。

Joy - 喜極而泣。例如中咗千萬彩池嘅六合彩等。不過喺任何情況下，我都未試過。

Touching / Moving - 因某條神經受觸動而落淚。我試過兩次 - 第一次喺Las Vegas嘅Bellagio酒店外睇噴表演，聽到「Time to say goodbye (http://www.youtube.com/watch?v=jmS41_JdVLg)」，不斷咁流眼淚。另一次係5分鐘前，喺YouTube睇Paul Potts唱opera，我又不自覺咁流眼淚。試聽吓，你會知道乜嘢係天籟~

http://www.youtube.com/watch?v=DelJrP3P7tA

P.S.請勿以貌取人，Paul Potts唔係William Hung~