我唔知呢個係咪壞習慣，但我就係「習慣」、「鍾意」頭dup dup 咁行路 - 我就可以時運高，睇人唔到。但亦因為咁，有一次差啲比喺街度遇見嘅同事「嚇死」。

又，我鍾意跑，唔鍾意正正經經咁行 - 可能因為我性急呱~

仲有好多好多壞習慣 - 咬指甲、亂買嘢，特別係影碟、為食、懶 ... 講唔完亦寫唔晒~

我知我又做錯事，但...點解我做錯事，人哋會覺得我十惡不赦？故事入面唔係用「可愛」、「迷糊」嚟形容成日做錯事嘅人嘅咩？係咪我真係十惡不赦到，身邊嘅人都唔可以「包容」我一吓？定係我一定要零誤差？點解對我要求特別高？有冇人可以從我嘅角度諗吓我嘅壓力？

壹 - 煥然一新

琴晚幫屋企部電腦換上一張自己影嘅相做wallpaper，感覺好fresh。雖然自己唔係乜嘢攝影名師，但自己影嘅相，特別有feel。

貳 - 天公造美

今朝一早起身，睇見外面嘅天色，真係有啲唔開胃 - 因為我勁憎春天。但亦因為咁，我要多謝上天琴日天氣咁好，等我可以享受一個咁好嘅假日。

叁 - 政治手段

有報紙叫啲人唔好將奧運當成一個政治手段，藉此爭取啲乜嘢。真係五十步笑百步~ 主辦國咪又係用奧運作政治手段，希望可以做到啲乜嘢？！哈~ 真係笑死人...

暫時係咁多先 ...

下晝5點鐘 ... 0005匯豐銀行今日收市價127蚊呀... 好嘢~ 升高啲，升高啲，升高啲 ...

一個好攰嘅假期。星期五去做gym、星期六喺屋企織冷衫發吽哣(令人好攰0架~)、星期日做老豆阿媽嘅中國女傭；星期六、日晚又睇電視(魔戒)睇到兩點，第二朝7點就起身，今日又行咗一日... 真係好攰。

我就係蹋犯賤 - 冇節目就嗌悶，有節目又嗌攰 - 我啲咁嘅人真係死得0架喇~

製作經...週， 我嘅第一個個BB...製成品，已經進入完成階段。儘管我用咗好多蠢方法，但終於都織好，特別係兩隻袖 - 原來我兩隻手超粗。

依家剩番兩條「邊」就完工可以著。我唔知初為人父/母嘅感覺，但我就好為我第一個Baby驕傲喇~

我用咖啡色，係因為呢件外套係咖啡色嘅。

好驚！真係好驚 - no kidding this time. 老夫人依家嘅情況，同幾個月前嘅姻伯母好似。就好似三少話，真係好驚佢隨時會閂總制。

曾經以為我唔在乎，但只係諗一吓，我就已經好驚，好似真係發生咗一樣。如果真係發生，我唔知我點算，畢竟佢係我人生中其中一個最重要嘅人。

我開始知乜嘢叫惶惶不可終日...

唔好話我大鄉里，我第一次去H & M買嘢，差啲嚇死。(1) 入面啲人比喺百佳惠康嘅更多，嚇死我； (2)啲人買嘢豪到嚇死我，佢哋都係用籃裝嘅 - 可以想像佢哋買幾多衫~； (4)我用咗HK$39.90買咗一條裙 - 嚇死我，仲以為係HK$399.00。

報告完畢。

今日我突然想起，Mandy比我嗰封利是仲喺Solo度，但我唔想攞番。我覺得自己好變態，因為令我覺得佢欠我一啲嘢，而呢樣嘢又可以引申成為另外一啲嘢。到我死嗰日，我可以好理直氣壯咁同佢講 - 係你欠我嘅！

嘻~ 又真係幾變態 ...

我唔係林子祥fans，但對佢呢隻歌特別有feel - 或者我根本就係林振強fans ...

追憶 - 林子祥 曲︰林子祥 詞︰林振強 編︰鍾定一 

童年在那泥路裡伸頸看　一對耍把戲藝人

搖動木偶令到它打觔斗　使我開心拍著手

然而待戲班離去之後　我問

為何木偶不留低一絲足印

為何為何曾共我一起的像時日總未逗留

從前在那炎夏裡的暑假　跟我爸爸笑著行

沿途談談來日我的打算　首次跟他喝啖酒

然而自他離去之後　我問

為何夏變得如冬一般灰暗

為何為何曾共我一起的像時日總未逗留

從前共你　朦朧夜裡　躺於星塵背後

難明白你　為何別去    留下空空的一個地球 

＊徘徊悠悠長路裡　今天我知道始終要獨行 

 閑來回頭望去追憶去　邊笑邊哭邊喝啖酒 

 然而就算哭仍暗私下慶幸 時日在我心留低許多足印 

 從前從前曾共我一起的仍然在心裡逗留　

＊  重唱

從前誰曾燃亮我的心始終一生在心內逗留

What a touching wedding~!  It's the first time I found Luca's damn handsome.  Abby's lucky.  If I were her, when Luca said it's their wedding and asked her to marry him, I'd rushed to him in tears and said YES~

Oh my god~  this episode is really ... cute~  the Indian girl (I can never remeber her name in the drama) has been kissed for times - both by man and woman ... girls with ethnic charm is always appealing to gwai lo / por ...

Always like this drama - gotta get all the seasons in my collection~