已經唔係第一次，唔知點解成日有趕時間嘅人，喺超級市場排隊排我後面。

事緣我要幫公司嘅pantry入貨。為咗買平嘢，我通常會親自去買而唔上網。因為咁，我會買好多嘢。試過有幾次，有啲趕時間嘅人，聯群結隊咁排我後面，又喺度「依依哦哦」話乜話物。

醒些少啦~ 你咁大鵬人，可以分幾個人排第二條隊0架嘛，「依依哦哦」做乜喎~

死蠢~ 低B仔/妹~

一陣「淫照」 / 「艷照」(或者乜照都好) 風波，阿嬌終於現身。不論嗰篇新聞稿係邊個寫嘅，我都要寫個服字。

「係呀，啲相嗰個係我呀。真係好慘，我冇帶眼識人~」(設計對白)

呢個社會笑貧不笑娼，而且佢又唔係賣。況且，當時係男歡女愛，點知會有人唔小心處理啲相，仲搞到比人利用喎？再且個男嘅原來咁濫，而且仲著草走人，完全唔負責任，剩底啲女受害者面對群眾。作為其中一個受害者，阿嬌真係好慘。

佢今次認咗，只會令大群對「玉女」一詞嘅幻想破滅，但對佢嘅個人嘅形象分會有可能大增。有人話過「喺嗰度跌就要喺嗰度爬起身」，佢起碼可以塞住班人把口。醜係一時，佢喺呢個圈仲大有發展。大家忘記咗有鄭中基做前車之鑑咩？佢今日咪幾好~

阿嬌，明天會更好 ...

我又病喇~

胃痛、作嘔、週身骨痛 ...

仲有手腳冰冷 ...

我係植物人。

我要冬眠。

好「粉」凍呀~

我「紅」運當頭 - M到~

係咪一個好兆頭？？？

Hi guys,  Happy Lunar New Year.  Sorry that under this damn cold weather, my fingers can't function well =( so I just can't type Cantonese.

OK~  What a day today~  one of the coldest Lunar New Year's day in years, temperature in single digit figure.  My bedroom's just like a frige - I can see smoke coming out from my mouth now.  You simply have nothing to do if you are not going to visit your friends & relatives - and that's me.  So Wii all day.  This is the only way I could think of to keep myself warm.

What I am talking?  Nothing - but I want to go back to work and my god damn maid comes back from her holiday.

Gong Hei Faat Choi~

鍾意睇故事，因為佢嘅內容可以天馬行空，滿足我無限嘅想像力；羨慕故事入面嘅人物永遠美麗，同故事嘅結局永遠大團圓。

The story has just begun.

童話故事永遠以「從此之後，公主同王子過住幸福愉快嘅生活」：因為佢哋不食人間煙火。佢哋唔駛為柴米油鹽憂心，唔駛為邊個煮飯洗碗嘈，公主唔駛怕會年老色衰，王子亦唔怕老咗會有大肚腩 - 因為故事始終係故事，唔係美好嘅事絕對唔會喺故事裡面發生。

我不是灰姑娘。

梁詠琪《灰姑娘》 
作曲：陳輝陽   填詞：陳少琪   編曲：陳輝陽@好好笑   監製：陳輝陽@好好笑

車廂中雙手將禮物抱緊   新裝衣飾與我夜行
要到午夜裡給你一刻驚喜的深吻
很想相擁祝福你大一歲   前來你的小小堡壘
卻發現她也帶著你心愛玩具
我彷彿玻璃鞋盡碎   一點點玻璃舖於心裡
你花一分鐘想出一句   笑說我會滿意你新居
* 盡情愚弄我吧   我自行回家   沒有眼淚要留下
不要忘記   我不會是個笑話   盡情愉快吧
但願憑殘忍代價   來年將生命美麗昇華
若忘掉你   感覺很差   讓這灰姑娘被醜化
(別來問我   一切好嗎   讓這灰姑娘被醜化)
(若仇恨你   感覺很差   讓這灰姑娘絕不怕)*
車長聲音通知尾站到此   鐘聲響起正午夜時
似要替下葬的愛   加添悲哀的色彩
很想一生花光氣力相愛   難逃最終輸得慷慨
我發誓不會困在最善變的海   repeat*
你得不到一切   別在某天妄想如過去美麗
我那會是公主   沒有羽扇但我高貴

自從舊年入秋開始癮起做織女，至今大大話話都織咗幾件「製成品」 - 有三角披肩、巨大開胸背心、巨型斗篷、三條頸巾同半件冷衫，其中有比老豆老母同「捐」比故衣車，只有一件自用。我已經好開心喇，女紅係我嘅死穴，而耐性就更係負數，今年我竟然可以打破常規可以有番幾件製成品，你話係咪可喜可賀？

我嘅新年願望係喺出年可以織完一件冷衫，願天上眾神明保祐。

好凍。出面落住時大時細嘅雨，而且氣溫一直向下，不過我個心就好熱 - 因為要去睇我咁大個女第一個露天concert，而且仲係張學友嘅

無錯 - 又係同埋仲係張學友。

我對個show唔陌生，畢竟已經第三次睇，但每一次都有新嘅感覺。今次除咗凍之外，有擔心同少少sad之餘。擔心係因為佢病，仲有從佢嘅表演，覺得佢想退休。

作為fans，覺得可惜，始終用心唱而且又唱得好嘅藝人越來越少。不過作為一個reasonable person，覺得佢應該咁做。我點都覺得屋企比一切重要，而且佢個女開始長大，係要留番啲時間比佢哋 - 因為時間走咗就唔會再返嚟。

Jacky, do what you wanna do~

(2008年2月2日，有雨，室外氣溫不足8度，係今年入冬以來最低。)

又病喇~  估唔到一向身壯力健嘅我會喺年尾病咗，希望我出年健康運會好啲。

一個人病就最需要人安慰 - 因為我係人，所以唔例外。但我冇。事緣一：我老母又「發顛」，我要以病體幫佢去「睇醫生」攞藥。事緣二，拜香港「健全」嘅醫療體制所賜，我要用兩三個鐘頭幫呀媽睇醫生同攞藥。返到屋企冇飯食唔在講，仲要比人(呢個人係我老豆)「潤」，話「出街」都唔講底返唔返嚟食飯。好灰。最灰係我病，完全冇人會關心。我諗有一日，如果我要入廠甚至入土為安，屋企人只會以為我唔知去咗邊...

瞓覺嗰陣我忽然諗：諸位神明如果邊位可以嘅話，請帶我離開呢個世界，做人真係好灰。