唉~ 就算唔放假我都會亂諗嘢，不過放假諗多啲。
Solo，唔係艦長。自從上次一齊食晏，我一直喺度諗： 故事應該已經完結。但回想當日嘅情形、Blanche講嘅嘢，又難免令我亂諗嘢。
Blanche同佢講： take action啦，唔take action唔得０架。
Blanche又同佢講話： 放工冇嘢做？多啲搵我哋囉∼
Blanche再同佢講： Michelle好乖，成日update我。你status無變吖嘛？咪係囉，冇變都要update我架．．．
Blanche對我話： 我唔係好得閒喎．．． 有乜事你搵第一座（Solo嘅office喺第一座，而我嘅喺第二座）咪得囉，佢一定得閒嘅 ．．．
言者無心，聽者有意。其實我一直都知Blanche不斷喺中間拉線，不過呢個我玩咗咁多年嘅遊戲，我唔想再玩喇。好攰呀 ．．．
況且，呢個可能係我嘅主觀願望，男主角冇咁嘅意願。又可必再寄任何希望？
冇希望就冇失望，我會永遠記得呢個道理。 |
