出發去2008年度第二次旅行，不過唔係自己一個。

有啲人可能會以為做到一啲嘢就係身份嘅象徵，事實係咪呢？I don't think so！就好似進入airline個lounge，如果自己做FFP status未夠班，要自費入去又有乜謂唧？入lounge嘅意義在於免費，強求返嚟又有乜咁馨香？如果咁樣就代表自己見識多，我甘願繼續做井底之蛙...

究竟我哋做錯乜嘢事？點解個天要咁樣罸我哋？唔止係中國，美國、緬甸，週圍都係天災，死傷無數，一個個大好家園被毀。

啲人成日話香港係福地，次次都出錢出力。我唔想再咁俾人講。香港人唔想再做善長人翁，因為我唔想再見到咁大型嘅災害，唔想再有人無辜死亡。

God, please listen to our prayer.  Help the innocent, help them, please ...

陳奕迅 - 每一個明天

結伴創將來　多麼的美
你的路　我的途　再也不分己與彼
有浪有風來　不捨不棄　每一明天也贈你

未懂占卦　也不懂命理
卻可先知我們　同步註定了不起
若我不普通　變得堅毅無忌
幕後有一個最大原因：因為你

每望向將來　都找到你
我所夢　我所期　全部喝彩因你起
你是我將來　不捨不棄　我的明天創自你

沒仰天觀星　看星宿日記
無問獅子雙魚　前面有沒有驚喜
一早知　幾多風吹與飛
活著也很快樂　自尋到你

天佑我的愛人　給她永遠笑聲　並常對她偏愛
天佑我的愛人　有她不再覺得生命無奈　敢愛

未懂占卦　也不懂命理
卻可先知我們　同步註定了不起
(若)我不普通　變得堅毅無忌
並沒秘方這是純因你

*天佑我的愛人　這日　明天　一世　把她寵愛
天佑我的愛人　有她不再覺得生命無奈　敢愛*

Repeat *

你是我將來　不捨不棄
每一明天愛著你  

一向唔係韓劇迷，但為咗今之放假去韓國，我要惡補。因為我個同伴話想去南怡島(註：開頭聽我以為係「男兒島」，我仲問有無「女兒國」？)。嗰度係拍「冬日戀歌」嘅重要場景，為咗唔想去到嘅時候傻吓傻吓，第一件要做嘅事 - BT佢。足足用咗一日先download完，今個月電費真係巴黎國際機場 - 「載高樂」喇 (又或者係消暑飲品「大檸樂」) ~ 不過次係嘅仲大鑊，因為我要盡快煲完呢套，開始下一個任務。

下一個任務都仲係煲韓劇，不過係「咖啡王子一號店」。聽講話幾攪笑嘅~

... 因為我「整餅」。正確啲嚟講，係曲奇餅。係我嘅第一次~ 

眾人評語：老豆唔「肯」食，但就話好香牛油味。兩歲半「妹妹」話好食。三老話好似用牛油整嘅「光酥餅」-即係好散。

不過唔關我事呀，係個recipe呃我咋。又話用「麵粉」就得，點知啲餅整出嚟分分鐘可以當武器，唔駛落偉哥都硬度十足。

下次都係信自己，唔駛落咁多糖，同埋用baking powder。

其實今日無事可記，但個lunch實在太飽，飽到連晚飯都唔駛食。因為 ...

我同老大、老三、比蒂、輝輝又去食韓國燒烤 - 自助嗰隻~

美好的人生~ 

... 小裘話我聽佢哋琴晚鎖唔到門，我出去睇吓今次攪邊科。有條「粉腸」從佢office大嗌出counter搵我，叫啲細嘅傳話，話「度門有粒螺絲刮花地下，所以拆咗佢落嚟」喎。

大佬呀，四十幾歲人用吓腦啦~  公司度門有alarm架。如果度門接觸不良，個alarm會響架。公司比人爆保險唔賠，係咪條扑街負責呀？仲有呀，度門冇事就唔會有咁多螺絲啦。嗰粒係用嚟上死把鎖架，度門鎖唔到，係咪條扑街坐喺門口「守夜」呀？

嗰條死扑街我今次一定喺老闆面前隊爆佢。正一曲街行街陳 ...

又一個天朗氣清嘅好日。熱就係熱咗啲，但總好過成日濕立立。

從office望向深水埗嘅方向，個skyline好靚，天上面嘅雲睇得一清二楚，心情即刻靚晒。

不過，幸福畢竟係短暫嘅 ...

無原因嘅好心情，未因同事最後一日上班而影響心情。

媽咪受傷，俾我一個絕佳嘅理由「避世」。我只想留喺屋企，就算只係發吽哣都好... 所以就封咗封利是俾奧斯卡做禮，唔駛去啲「俾面派對」。

又慳兩舊水~

好驚。當我見到媽咪瞓喺病床上，毫無表情、呼吸輕淺... 我好怕佢就咁就會離開我。原來真正在乎一個人，嗰種感覺會喺生命嗰一剎那浮現。儘管今次佢只係撞親個頭，整傷隻眼，但對一個老人家，特別係一個患有老人癡呆嘅老人家，可以話可大可小。

從來未有想像過，原來我對「感情」呢樣嘢有咁強烈嘅反應。我一直以為我會好似一潭死水咁過埋下半生。係屋企人令我發現，我仲係活生生嘅一個人。

有淚、有恐懼，而且學會感恩。