經過幾多風風雨雨，奧運聖火(!)終於嚟到香港，而喺琴日，火炬手名單亦終於「水落石出」。新聞紙話運動員佔44% - 好在李麗珊同黃金寶跑重要嘅第一捧同最後一捧；「中間界」話一眾火炬手其實係香港嘅縮影(!)... 如果係就該煨囉...

睇番張大合照，認真精景。有人著T裇短褲、有人西裝筆挺，有人casual亦有人formal，真係好似眾生相。但聽講話出席嘅早就收到通告信要出席呢個場合，點解唔show some respect？而主辦單位又冇準備呢個活動嘅T裇俾佢哋著？而最令我匪夷所思嘅係，點解唔5月1號跑，要5月2號咁「擾民」？公眾假期攪咪可以狼更多人參與，同唔會對交通造成不便？

真係唔明 ...

P.S. 用紅色係因為嚮應5月2號要著紅色衫，而我冇紅色衫，亦唔會買嚟著，所以「係咁倚」支持吓...

真係好似講緊我...

一個好攰嘅weekend。星期六去咗公司嘅活動，打咗成個鐘頭羽毛球 - 成個人散晒。夜晚同班同事去打邊爐，好飽，但依然好攰。返到屋企成12點幾先有得瞓，攰上加攰。

星期日，妹仔日，唔駛講冇得休息。再加上我要趕paper，點講都仲係攰。

慶幸嘅係已經交咗一份paper，剩底嘅就睇我點死埋佢啦~

今次公司嘅羽球館比賽，真係令我睇到好多嘢。例如有人首先喺抽籤時話想安排同某一隊比賽 - 呢啲係信奉「黑箱作業」嘅表現。而喺比賽時，有啲人當見到對手隊伍嘅弱點時就猛加攻擊而忘記只係友誼賽，我覺得咁樣嘅「比賽」好血腥。或者，比賽本身就係一樣血腥嘅東西。而有啲人滿口人義道德(提議唔打單打，只打雙打)，到最後都係為咗自己嘅利益。

原來我講咁耐都仲只係講緊同一個人，年輕人，女子。真sad ...

一套everlasting嘅電影，我又翻睇喇。

嗰段青蔥歲月，真係令人懷念。男孩子百厭，成日掛住玩，同 - 如整炸彈(！)，女孩子情竇初開、迷偶像，大家都無讀書壓力，好無憂無慮...

Those were the days ...

今日奧運聖(？)火去到澳洲坎培拉，無綫記者林子豪去當地採訪報導。當中佢講到有當地人喺窗外掛上「自由西藏」嘅語句。

我「R」頭(sorry，唔識寫「R」呢個音嘅中文字...)。再諗真啲，估佢講嘅係「Free Tibet」。究竟係咪有啲人真係天生冇語感？定係讀翻譯嘅我比較敏感？唔通喺佢腦入面，冇「解放」呢個詞？

其實都知道「解放」呢個詞語對中國政府比較敏感，但其實佢可以用另外一個方法演繹「Free」呢個英文字，甚至唔翻譯「Free Tibet」呢個詞，而用另一個方法如「支持藏獨嘅口號」等表達，不過結果一樣咁敏感。

終於明乜嘢叫「多做多錯，少做少錯，唔做唔錯」... 反正點譯都唔討好...

浮花

曲：中村中
詞：林夕

為了記不起我被誰尋開心
橫起心　唯有當等婚嫁極愚笨
為了有高職有自由值千金
為自尊心　唯有當不想受困

絕未想被同情　就算輸給愛情
為何尚有半秒想放棄生命
活得成　那敢哭得盡興
手帕沒人遞　是更羞愧的罪名

原來未到家　很怕被遺下
莫問真假　怕太早將一切看化
原來沒有啞　開口叫別人造福我一下
如浮花給飄到那雙手也服吧

為了想通擁抱後能被鬆開
若被拋開　唯有當這手臂未存在
為了看穿倚靠別人是悲哀
實在不該　唯有永久的自愛

自問非罪名　女人輸給愛情
為何頹喪到似失去了生命
但自吹自擂　更想哭得盡興
羞愧地承認　也想某君認領

原來未到家　很怕被遺下
莫問真假　怕太早將一切看化
原來沒有啞　開口叫別人造福我一下
如浮花的心瓣碰得多也被軟化

強人未到家　巴不得有人接下
劃下瘡疤　就以新傷醫舊患吧
明明沒有啞　恨不得呼救濕一濕嘴巴
何嘗不想把我似哭的笑臉垂下
如浮花給飄到那一位看造化

商台有個環節叫「有誰共鳴」，嘉賓不時會播一啲令人好窩心嘅歌，所以係其中一個我期待嘅環節。今日嘅嘉賓係盧冠廷同佢老婆唐書琛。

佢哋選嘅歌並唔特別，特別在於唐書琛講：唔知好彩定唔好彩，我嫁咗一個有讀寫障礙嘅人。佢喺生活上會遇到好多阻礙，但當你見到佢喺遇到困難時要解決佢哋嘅毅力同決心，你又不得不佩服佢。

好warm。原本喺愛入面，係要有包容同忍耐。而要令呢份愛長久，係要再加上一份崇拜。今日佢哋嘅歌你「陪著你走」。

今日老遠走去大埔搵姨丈睇中醫，第一眼見到嘅佢，依然係充滿書卷氣，但已經比我記憶中嘅姨丈滄老。畢竟已經係五六十歲，已界遲暮之年嘅男人。

有此少sad，睇住長輩一個個年紀漸大，正正話比我知，我哋相處嘅日子就越來越少、越來越短。朋友，惜緣呀~

一連兩日都比人 - 公司洗地毯啲哥哥仔同唉，街市佬 - 叫靚女，真係撞鬼。不過只要有些少自我認知，就唔會比呢些少「好聽」嘅說話呃到。街市啲人又夠成日叫買餸嘅阿嬸做靚女啦。好口啲唔駛死嘅，聽嘅人又開心，抵晒啦~ 不過只係唔啱我聽啫...