呢件事開始發生嘅時候，係嚴寒嘅一月。話說我一向都認為著緊身衫會暖啲，所以喺最凍嗰幾日，我都係著住我做gym載嘅bra - 緊啲吖嘛，咪會暖啲囉~ 就係咁，我就愛上呢份安全感，至少喺M之前，個胸唔會因充血，加上運動過度會痛。

當然，有啲女仔會覺得令佢哋傲人嘅身材失色，但貼身衣物令我暖啲，個胸又冇咁痛，why not？

唔好誤會，我鍾意著束胸衣同我嘅性取向冇關，我唔係「叻女」，我仲鍾意男人~

今日又忽發奇想： 喺邊度自殺最好？

屋企： 如果同家人同住嘅話，好彩佢哋會觸景傷情，唔好彩會死咗都比人鬧整污糟間屋；如果獨居，租屋嘅又係會比包租公/婆鬧整污糟間屋，而住私家樓嘅間屋可能好難賣得去。

租酒店 / 渡假屋等等： 又係會比屋主鬧整污糟間屋，同埋比藉口人哋話鬧鬼。

我啲同事建議去外國死： 要自殺已經好淒涼，如果仲要客死異鄉就更慘。

死去邊度、去邊度死至好？

今日淚腺特別發達，而且淚水溢滿雙眼，所以今日睇電視不停咁喊。

鄭秀交Show Mi演唱會2007 - 每個人做任何一個決定，都需要有一支持 - 特別係最愛嘅人。佢決定放假，就有愛佢嘅爸爸支持 - 不問原因、不理後果咁支持。

肥肥追思會 - 佢好多朋友都出席佢嘅追思會懷念佢，連廣大市民都唔捨得佢。

我為我悲哀。

大叔話：人生嘅缺點係唔可以返轉頭，但優點係唔駛再嚟一次。

光仔話：個個人一生嘅時間都係一樣，只係睇你點樣用。

我一生都喺度走回頭路：人哋讀書我做工，人哋做工我返學。就因為人生唔可以返轉頭，我後悔都冇用。

我又喊，因為啲對白督中我死穴。

我後悔我浪費時間。

或者Anthony講得啱，我對「人」嘅期望實在太高，所以往往令自己好唔開心。

我應該要緊緊記住，每一個人都係獨立個體，冇任何一個人對我有義務或責任，親人如是，朋友就更加唔駛講。所以...

我都係食自己吧啦~

唉~ 又大傷風喇 ...

歌手：張學友 作曲：林健華 填詞：林夕 編曲：林健華

想喝水　給我水
或者高燒可勉強減退
然後鎮靜情緒
忘掉我這裡應該　有誰

不要想　只管睡
肉體安好不要怕心碎
無謂繼續麻醉
期待你會賜給我　藥水

#如果失戀註定逃不過
逃到病床前　才明白更多
和你分手都也捱得過
然而這夜為何
無能力退燒　多麼錯#

不要緊　請辜負
或者傷風比你更可惡
從病榻上回顧
其實愛你太辛苦　何苦

Repeat #

如果失戀註定逃不過
逃到病床前　才明白更多
和你分手都也捱得過
然而這夜為何
難承受痛楚

誰說失戀總會捱得過
捱到病床前　才承受最多
和你分手都也捱得過
為何徹夜難眠
良藥就算苦　請給我

釋放自己

歌手：張學友 

作曲：袁惟仁

填詞：古倩敏

編曲：Barry Chung

光陰匆匆工作似機器　叫我睏倦力疲
將身心的感覺透支了　要去轉換空氣
凡事有驚喜　不須緊皺眉
凡事有轉機　信心不放棄

總要釋放自己　面對未來
一切優劣是非　別困擾你

當失戀的心再跳躍不起　怕要愛別離
裝開心也振作不起　思想像要缺氧地喘氣
期望有驚喜　不須緊皺眉
何用費心機　歇斯底里

成日都見到啲好得意嘅現象： 男人喺女人面前，會變成江湖百曉生，上至天文，下至地理，中西史記，無一不通，而且更係萬能俠、大隻佬、阿諾舒華辛力加... 而女人喺男人面前，就會變成一個乜都唔識嘅白痴，一個手不能提嘅殘廢，同埋異常嬌弱嘅易碎玻璃人 ...

或者就係咁，男女可以互相滿足對方嘅主觀願望，可以喺埋一齊，達至世界和平。如果有一日，男嘅開始唔再擔任江湖百曉生嘅職責，而女嘅又開始表現出女權主義霸氣嘅一面，到咗某一點，當雙方都唔再容忍對方，就有「分手」呢個現象產生。

我諗就因為整個過程重復又重復，所以「拍拖」就成為其中一個有史以來，歷久不衰嘅現象。

我諗喺我到目前為止嘅烹飪生涯中唯一嘅「缺憾」係冇焗爐，就因為咁我未真真正正咁焗過蛋糕。

為咗打破呢個宿命，我嘗試「焗」muffin - 用我僅有嘅麵包焗爐。結果？唔駛講梗係「大失敗」啦 - 條發熱線咁近個餅面，唔「焦」就有鬼~

所以剩落嚟嘅muffin mix，我用「蒸」嘢解決佢哋 - 人哋「焗」蛋糕，我「蒸」muffin。不過味道冇分別。

我要買焗爐！

對我嚟講，其實咖啡冇實際功效，因為我會越飲越眼瞓。但心理上就好有效。

琴晚同mamee傾計嗰陣，飲咗一杯mocha。其實返屋企嗰陣，喺巴士上已經眼瞓到想死，但一返到屋企，特別係見到muimui就醒晒，再開埋電腦，就精神為之一振 - 攪吓攪吓咁就兩點。係，我係仲喺度攪攪震，對眼就真係好乾。終於要收工瞓覺 - 一覺瞓到6點半，但都唔係太攰。

原來自我催眠好work。只要你話比自己聽，我有嘢做，我唔可以瞓，就可以撐到好夜。今次對我嚟講，咖啡嘅效用在於心理多於生理。